Adejoké Bakare

Adejoké Bakare

ninsaal

Sex or gender	pua
Country of citizenship	Nigeria
Yu'ur Kane ka ba tis o	Adéjoké
Zak yu'ur	Bakare
Duam zin'ig	Nigeria
Languages spoken, written or signed	English
Tuuma	executive chef
Award received	Michelin star

Adejoké "Joké" Bakare anɛ na’asaara nɛ Nigeria nid ka o mi’ dʋgib hali bɛ Africa ya’tʋona teŋin dugib ni. Sielnam bɛdigɔ o mɛŋi zamisid, yʋma tusa ayi nɛ pisine anaasi la, o da kilim ninsabilis pua kanɛ ka ba tis’ o Michellin-star. Dabisa biella yʋʋm kan la ba da pʋt o ye one mi dʋgibʋ gad sɔ wusa yʋʋm kan teŋin dugib piini ni.

O mɛŋ yela

Biilim vʋm’ saŋa

Bakare ba da dʋa o ka o nɔbignɛ Kaduna bɛ Nigeria. O ma da anɛ Yoruba nid ka o sa’am an Igbo nid, lin’nɛ da ke ka o zamis tens yela kon’ob kon’ob on da nobigid la. On da zamisid nidib ti’ma yela bɛ Kaduna tɛŋ University la, o da sʋŋi o mɛŋnɛ ka kʋosid zimi nɛ kebis.

Yʋʋm tusir kɔbuswai nɛ piswai nɛ awai la, o da kɛŋ na’asaatɛŋ ye o zamis. Ka kpelim tʋm zins kon’ob kon’ob la’amnɛ la’ad mɔrim yela, Bakare da kɛŋ tʋon nɛ o boodim nɛ noŋilim diib dʋgib yela. One zamisi o meŋ diib dʋgib, o da kʋos diib sʋorin o pʋ’ʋsim doog ba’ba, ka dabisa biela ka o si’iŋ za’am diib ka kpelim pa’an on bood Africa ya’tʋona dʋgib yela la.

Yʋma tʋsa ayi nɛ piinɛ anaasi la, o zʋanam da kpemis o ye o la’as ne Brixton daʋŋ adugigaadtaaba, line ka li piini an ye wadisa atan Brixton tɛŋ pura’an kuosi fu diib. Li pakir’ ane ye, Bakare da di adugigaadtaaba la.

Chishuru

Wadisa awai ni yʋma tusa ayi nɛ pisi la, Bakare da yɔ’ɔg Chishuru, diib dʋgib zin’ig Brixton tɛŋ kane bɛ London la, o da dʋgidnɛ Africa ya’tʋona diib. Yuma tusa ayi ne pisi ne ayi la, Time Out Magazine dim da put Chishuru ye diib zin’ig kanɛ an sʋm gaad zin’ig wusa bɛ London.

Chishuru da yi zin’is kon’ob kon’ob London ka na’am nobigi o zin’ig line ba Brixton la. Wadisa awai yuma tusa ayi ne pisi ne atan la, Bakare ne Chishuru da kɛŋi be Fitzrovia. Wadis piine yin’ne yuma tusa ayi ne pisi ne atan la, Charlotte Iver da pian piand sʋŋ Chishuru yela ka li ke ka o maligim pa’am nidib bedigɔ.

Wadisa ayi la yuma tusa ayi ne pisinɛ anaasi la, ba da tis Chishuru ne dʋgib kpɛ’ɛm Bakare piini Michelin-star. Li da ke ka Bakare kilim ninsabilis pʋa kanɛ be na’asaatɛŋ ka ba tis’ o Michellin-star dʋgib piini. O da kilim ninsabilis pua kanɛ paas ayi dʋnia wusa ka ba tis’ o Michellin star dol France's Georgiana Viou yaʋŋ yuma tusa ayi ne pisi ne atan la.

Wadisa ayʋobɔ yuma tusa ayi ne pisi ne anaasi la, ba da pʋt Bakare ye “Onɛ dʋgid gaad sɔ wusa yʋʋm la pʋʋgin” saŋa paae ya tɛŋ wusa adugigaadtaaaba piini ni.