African University College of Communications

African University College of Communication

university

Inception	2002, 2001
Motto text	Discover Yourself From Here
Country	Ghana
Located in the administrative territorial entity	Accra
Coordinate location	5°33′29″N 0°12′42″W
Member of	Association of African Universities
Official website	https://www.aucc.edu.gh/

African university collage of communications la anɛ asʋ’ʋmmɛŋ sakur tita’ar kanɛ bɛ Adabraka, n bɛ Accra teŋin, Ghana teŋgbauŋin, ka ba na zamisid ka pa’an labaya la’asʋŋ nɛ li widigir nɛ labaya baŋir tʋʋma, nɛ kpikpiŋ zin’igin, nɛ Africa malima zamisa, kanɛ lina yɔ’ɔg suoya ka zamisʋg keŋ tuon, ka zumaaŋ la na zamis ka tʋm ka Africa paam nɔbigir nɛ tuon ken.

University la da zaŋ yiiga Diploma sakur bibis la ye ba zamis labaya yɛla la nɛ 2002 yʋʋm la ni, ka National Accreditation Board (NAB), Ghana, da Siaki di’e sakur la 2004 yʋʋm la ni

Li si’iŋir

African labaya la’asʋg nɛ li widigir zamisʋg sakur tita’ar la da dɛŋi n buon nɛ Africa Institude of Journalism & Communications (AIJC). Sakur la da anɛ asʋ’ʋmmɛŋ sakur tita’ar kanɛ ka Kojo Yankah, onɛ da an Ghana wʋsa labaya gbaʋŋ kanɛ widig hali la editor, Daily Graphic la, ka da lɛm an Ghana Institude of Journalism la Director yʋʋma awai pʋʋgin, yʋʋma ayɔpɔi k’o da an Minister of State, nɛ Wadmaan gobina Na’adɔɔgin la ni yʋʋma anii.

Suor paamʋg  

2007 la nii, National Accreditation Board da lɛn tis sakur la suor ye li pa’an Bachelor of Arts degree zamisa, n kɛ ka ba da buon sakur la ye African labaya la’asʋg nɛ li widigir zamisʋg sakur tita’ar (AUCC), ka da niŋ Africa yiiga sakur tita’ar kanɛ zamis labaya la’asʋg nɛ li widigir tʋʋma ka lin aan ba zamis kpan 2010 yʋʋm la ni, NAB da lɛn tis AUCC suor ya’as ye ba pa’alim Bachelor of Science degree zamisa tʋʋma zin’isin nɔbigir nɛ ba kligidi zanlim yɛla. Sakur la la’asi o mɛŋi nɛ University of Ghana ka paamid degree zamisa la, nɛ Ntional Board for Technicians Examinations (NABPTEX) ka paamid diploma zamisa la.

Zamisʋg nɛ zamisa vɛɛnsʋg zin’is

Sakur la maal zin’is bɛdigʋ nɛ zamisʋg dɔɔd ye li tis sakur bibis la suor ka ba zamisid saŋa wʋsa, la’am nɛ onɛ wʋsa ya’am bɔɔd teŋgbaʋŋ la zug. Zin’I ban anɛ:

·       Kwabena Nketia Centre for African Studies,

·       Ama Ata Aidoo Centre for Creative Writing

·       The Centre for Innovation and Creativity

·       The Business Centre

Karimʋg dɔɔg

Sam Quaicoe karimʋg dɔɔg la an African labaya la’asʋg nɛ li widigir zamisʋg sakur la karimʋg dɔkpɛŋ, ka bɛnɛ AUCC sakurin la teŋir dɔɔdin la. Karimʋg dɔɔg la mɔri zamisʋg gbana buudi kɔn’ɔb-kɔn’ɔb ka li kal an woo tusa pisnu nɛ, CD nam, tape nam, nɛ zamisʋg gbaʋŋ-sʋma banɛ ka ba nyɛɛb ka’ na’anaa, prints nɛ la’asuada. Karimʋg dɔɔg la mɛ lɛn ti’ebid ye li yɔ’ɔg suor ka ba na karim dɔlisid baŋ-nwiig nɛ pɛbisimin la’ad.

Karimʋg dɔɔg la an giinl kanɛ zanl sakur la zamisʋg.  Linɛ an zamisʋg tʋʋma nɛ li malima wʋsa, woo pa’alʋg, vɛɛnsʋg nɛ zamisʋg, paamid sʋŋir nɛ karimʋg dɔɔgin la, ani ka gbana buudi wʋsa maal nɛ n digil sʋ’ʋŋa ka ba nyɛɛb an na’anaa tis zin’igin dim.

Ya’an piini nɛ ban zɛm si’em

United Nations Educational, Scientific and Cultural Organization (UNESCO) mak sakuya nam nɛ taaba, ka ye AUCC sakur la di ya’an labaya nɛ li widigir zamisʋg tʋʋma la ni

2012 yʋʋm la, Dɔnwalig nyadig la ni, labaya la’asʋg nɛ li widigir zamisʋg sakur la AUCC, level 300 dɔɔg biis nɛ ba taaba Simmon’s College n bɛ Boston, USA la, da di nɛ “Most Innovative Programming in College Radio” ya’an piini, New York, USA teŋin.  

Sakur la la’as nɛ sieba

African labaya la’asʋg nɛ li widigir zamisʋg Sakura nananna nwa la’asi nɛ sakur titada banɛ dɔl nwa la:

·       University of Ghana, Legon, Ghana

·       University of Education, Winneba

·       Ghana Institute of Management and Public Administration, Ghana.

·       Clark Atlanta University, USA.

·       Morehouse College, USA.

·       The University of Maryland Eastern Shore USA.

·       Ohio University, USA.

·       Howard University, USA.

·       College of Bahamas, Norh America.

Ya’asɛ, AUCC sakur la lɛn la’asɛ nɛ tʋʋma nɛ zamisa zin’is woo UNESCO la, World Bank, Mo IbrahimFoundation, Africa2Green International la, nɛ Voice of America (VOA) la.

AUCC sakur la lʋgʋr kanɛ zamisid kpikpiŋ yɛla la da la’asi tʋm nɛ tʋʋma lʋgʋr kanɛ buon Knowledge Innovations to equip professionals with knowledge, ka ba zamis Fin Tech n dɔlis pɛbsimin.

Gɔsim nɛ’ ya’as

·       List of universities in Ghana