Ahmed Errachidi

Ahmed Errachidi (ka ba lɛm bʋon o ye Ahmed Errachidi) yitnɛ Morocco ka naꞌasaatɛŋ dim Guantanamo Bay dim da gbaꞌe o Cuba ka pʋ yel on maal siel la. Rashidi da be Guantanamo la o namba da anɛ kobʋsnu ne piswai. Lʋak dim bane gʋr nidib la ye ba da dʋa o ne wadisa atan dabis piiga ne ayopɔi daar yʋma tusir kobʋswai ne pisyʋobo ne ayʋobo be Tangier Morocco tɛŋin.

Rashidi piꞌyam Clive Stafford Smith da sobi niŋ The Guardian gbana ni wadisa ayʋobo dabis piiga ne anaasi daar yʋma tusa ayi ne ayʋobo piandi paꞌan naꞌasaatɛŋ diꞌmi maal Guantanamo nidiba atan la siem ka ba da kʋ ba mɛŋ wadisa ayʋobo dabis piiga daar yʋma tusa ayi ne ayuobo la. Smith sɔb la da kpɛlim piand ne paꞌan tʋoŋatib la na niŋ siem ka ninkʋʋsim da lɛm kɛŋ tʋon yaꞌasɛ. O da pian Colonel Michael Bumgarner da mɔɔl ye o na tʋm zabꞌzabidib anu ka ba nɔk paŋɛ yoꞌog sanriga la ni ka yis Rashidi laꞌad bane ka o yeꞌ la wusa. Smith da lɛm yel ye Rashidi mɔr ne zuglɛbin ne pʋtenda yela bedigʋ ban da mɔr o kɛŋ camp la ni la.

Zabpansid Bellim an siem

Rashidi da pʋ kɛŋi o zabpansid tʋʋma kane paꞌal ye o zabꞌya ne dataase.

Gbaŋ bane paꞌal ye o pʋ mɔr taalꞌle

Rashidi da mɔr gbaŋ kane paꞌal ye o pʋ mɔr taale. Gbaŋ bane da piandi o yela o CSTR la da lalig zinꞌig wusa. Rashidi gbaŋ la da nɛ faalʋ nam piiga ne awai.

Bane gɔsid wada yela paa nɔr piiga ne atan la da venligʋ o zieꞌsim wadis piiga la ni dabisa ayɔpoi daar yʋma tusa ayi ne anaasi la. Kaseta gbaŋ bane ka ba da karim tis Rashid ane:

Ban da gba o la o da waꞌas nɔŋbaŋwaꞌasig bɛdigʋ ne mam ne one da lebisid piand la. One ka ba da gbaꞌe la da pian zɛrig US Gomena la yela ban da bʋosid o bʋosa la. Sankan la, kaseta kane pʋ dɔl sʋorɛ ka ba da karim li mʋmꞌmi tis o la. O sʋnr da dʋoe ne hali ka o pian piand bɛdigʋ. O da siꞌiŋne vʋrisid biel biel o kʋk la ni, ka vʋrisid biel bielꞌli paꞌad table kane be mam ne on tɛŋsʋg la. M da kʋꞌog bʋosa la giŋa saŋkan la.

Tʋongatkpɛɛmnam Vɛnligir kʋk.

Bane ka bane gɔsidi ba zabpansid tʋʋma pʋdi ba ye “data zabpansid” ka ba da laꞌasi ba yʋʋm yʋʋm tʋongatkpɛɛmnam Vɛnligir kʋk. keligir la. Keligir bama da be ne ye ba gɔs bane ka ba gbaꞌe la bʋgusim na an siem b aba yaꞌa yisi ba bɛɛ tiakiꞌ ba kiŋ zinsia, ka lɛm gɔs ye sʋor be ka ba na lɛm kɛŋ tʋoni yɔɔ ba be.

Gbaŋ bane yiꞌ Rashid saꞌan na paꞌal ye o an ne “data zabpansid” ka na pinꞌli kin tʋongatkpɛɛmnam Vɛnligir kʋk kɛlisignam wʋsa. Amaa, gbaŋ bane ka lʋgir kane gʋꞌʋd da sɔb yuma tusa ayi ne ayɔpoi la da paꞌal ye ba pʋ venligi o yela yʋʋm yʋʋmꞌmɛ. ba pʋ mɔr gbaŋsia bɛɛ kasɛta kane ka ba maal ye ba venlig yʋʋm yʋʋmꞌmɛ. Saŋa kane ka o da lɛbi o mɛŋ tɛŋin la, ba da yis Rashid ne ka o pʋ lɛm paas bane ka ba gbaeꞌe la nii. Gbaŋsia kae yɛt ye tʋongatkpɛɛmnam Vɛnligir kʋk la gbaɛꞌ ya ye ba yis o bɛɛ tiak o kiŋ zinꞌsiaa.