Alex Kofi Agyekum

Alex Kofi Agyekum

ninsaal

Sex or gender	Dau
Country of citizenship	Ghana
Yu'ur Kane ka ba tis o	Alex
Du'am yuum	18 Mɔtul/Nwadisawai 1962
Languages spoken, written or signed	English
Tuuma	research assistant, politician
Position held	Member of the 7th Parliament of the 4th Republic of Ghana, Member of the 6th Parliament of the 4th Republic of Ghana
Educated at	University of Cape Coast, University of Cape Coast
Member of political party	New Patriotic Party
Religion or worldview	Christianity

Alex Kofi Agyekum (Ba da duꞌa o nɛ burnya nyaꞌaŋ mɔraʋg nwadig la ni dabisim pii nɛ anii daar yʋma tusir nɛ kɔbiswai nɛ pisyuobʋ nɛ ayiꞌ la ni). O anɛ Ghana pɔlitis nwɛꞌɛd ka an Fourth Republic of Ghana wadmaanib yir kanɛ paas ayɔpɔi la nid yinne, ka an wadmaan tis Mpohor sʋꞌʋlʋm linɛ bɛ Western Region la ni. O anɛ wabʋg naꞌadɔɔg la nid ( NPP).

Mɛŋ̩ Pin'ilʋg Bɛllim Nɛ Sakur Ken Yɛla

.Ba da duꞌa Agyekum nɛ burnya nyaꞌaŋ mɔraʋg nwadig la ni li dabisim pii nɛ anii daar yʋma tusir nɛ kɔbiswai nɛ pisyuobʋ nɛ ayiꞌ la ni (8th mɔraʋg nwadig, 1962). O mɔr o B.A kasɛta gbaʋŋ yit University of Cape Coast sakur titaꞌar la ni, ka mɛ mɔr M.ED kasɛta gbaʋŋ bɛ ‘managementꞌ ni nɛ ‘diplomaꞌ kasɛta gbaʋŋ bɛ Education ni.

Baŋir Tʋʋma Yɛla

Agyekum da anɛ University of Cape Coast sakur titaꞌar la paꞌalʋg nɛ gbaʋŋ vɛɛnsʋg tʋʋma kpɛɛm nyaꞌandɔl, din yi yʋma tusir nɛ kɔbiswai nɛ piswai nɛ yinne (1991) la ni ken paae yʋma tusir nɛ kɔbiswai nɛ piswai nɛ ayi' (ꞌ (1992 la ni. O da anɛ kpɛɛm kanɛ gɔsid nuꞌug tʋʋma zamisʋg lʋgir n bɛ Holy Child sakur la ni, din pinꞌil yʋma tusir nɛ kɔbiswai nɛ piswai nɛ atanꞌ la ni (1993) ken paae yʋma tusa ayiꞌ nɛ atanꞌ la ni (2003). Din da yi yʋma tusa ayiꞌ nɛ atanꞌ (2003) la ni ken paae yʋma tusa ayiꞌ nɛ pii nɛ atanꞌ la ni la, o da anɛ Holy Child sakur la zudaan kpɛɛm nyaꞌandɔl.

Pɔlitis Nwɛꞌɛb Yɛla

Agyekum da lieb Mpohor teŋ sʋ'ʋlʋm wadmaan bɛ wadmaanib yir la ni nɛ yʋʋm paal nwadig la li daba ayɔpɔi daar yʋma tusa ayiꞌ nɛ pii nɛ atanꞌ la ni, ka an wabʋg naꞌadɔɔg nid (NPP). Ala ka o kpɛlim wadmaanib yir la ni ka dit naꞌam kʋk la yʋʋma vɔɔdʋg banɛ tiꞌal la wʋsa ni (2012 nɛ 2016) din yi 2012 ni sa.

Yʋma 2012 Vɔɔdʋg La Ni Yɛla

Ghana yʋʋm vɔɔdʋg titaꞌar kanɛ da bɛ yʋma tusa ayi' nɛ piinɛ ayi (2012) la ni la, Agyekum da ziꞌen wabʋg naꞌadɔɔg la ni nyiꞌa Mpohor teŋ sʋ'ʋlʋm wadmaan naꞌam kʋk la ka di nɛ vɔɔt kal tusa ayɔpɔi nɛ kɔbiga nɛ pii nɛ anaasi (7,114) ka li an pisnaasi nɛ duꞌalʋg pisnaasi nɛ atanꞌ kɔbʋg pʋʋgin (40.43%). O da di naꞌam la ka bas maꞌasim tiig naꞌadɔɔg nid Anthony Bassaw kanɛ da mɔr vɔɔt kal tusa ayuobʋ nɛ kɔbistanꞌ nɛ pistanꞌ nɛ atan' ꞌ (6,333) ka li an pistanꞌ nɛ anu nɛ duꞌalʋg piswai nɛ awai kɔbʋg pʋʋgin (35.99%), nɛ Mary Ankoman onɛ da ziꞌen nyiꞌa tis PPP dim naꞌadɔɔg la ka mɔr vɔɔt kal tusa anaasi nɛ kɔbiga nɛ pisnu nɛ yinne (4,151) ka li an pisi nɛ atanꞌ nɛ duꞌalʋg pisnu nɛ awai kɔbʋg pʋʋgin (23.59%).

Yʋma 2016 Vɔɔdʋg La Ni yɛla

Ghana yʋʋm vɔɔdʋg titaꞌar kanɛ da bɛ yʋma tusa ayi' nɛ piinɛ ayuobu (2016) ni la, Agyekum da lɛn ziꞌen wabʋg naꞌadɔɔg nɔba zug nyiꞌa Mpohor teŋ sʋ'ʋlʋm wadmaan naꞌam kʋk la ka dii li. Dinzug o ziꞌen tis teŋ la nɛ nɔꞌɔr ayiꞌ bɛ wadmaanib yirin la (2012 nɛ 2016). Vɔɔdʋg la wʋsa kal ni o da di naꞌam la nɛ vɔɔt kal tusa anii nɛ kɔbistanꞌ nɛ pisyuobʋ nɛ anaasi (8,364) ka li an pisnaasi nɛ anii nɛ duꞌalʋg pisyɔpɔi nɛ ayi' ꞌ (48.72%) kɔbʋg pʋʋgin, ka bas maꞌasim tiig naꞌadɔɔg nid Eric Kweku Kyeremah onɛ mɔr vɔɔt kal tusa ayuobʋ nɛ kɔbiswai nɛ pisnaasi nɛ ayɔpɔi (6,947) ka li an kal pisnaasi nɛ duꞌalʋg pisnaasi nɛ ayuobʋ (40.46%) kɔbʋg pʋʋgin la, nɛ Joseph Benedict Auby onɛ an PPP naꞌadɔɔg nid ka mɔr vɔɔt kal tusir nɛ kɔbisnii nɛ pisnu nɛ ayɔpɔi (1,857) ka li an piiga nɛ duꞌalʋg pisnii nɛ ayi' ꞌ (10.82%) kɔbʋg pʋʋgin. Wadmaanib yir la nidib da vɔɔt gaŋ o ka o an kpɛɛm tis puꞌasada nɛ dasam, nɛ bɔɔl nwɛꞌɛb nɛ buudi malima kpɛɛmnam kpɛɛm ye o gɔs yɛlbanɛ bɛ Ghana bɔɔl nwɛꞌɛb laꞌaʋŋ lʋgir la ni.

Mɛŋ Nyɔvʋr Bɛllim Yɛla

Agyekum di puꞌa duꞌa biisa anaasi. O anɛ karimbiig ka pʋꞌʋsid Methodist.