Asante Kotoko Sporting Club

Asante Kotoko Sporting Club

association football club

Inception	1935
Sport	association football
Continent	Africa
Country	Ghana
Head coach	Maxwell Konadu
League or competition	Ghana Premier League
Home venue	Kumasi Stadium
Headquarters location	Kumasi
Category for members of a team	Category:Asante Kotoko S.C. players

Asante Kotoko Sporting Club, ka ba buon ye Asante Kotoko giŋa la, anɛ professional football club kanɛ ka ba da pinꞌiI 31 August 1935 ka di bɛ Kumasi bɛ Ashanti Region sʋꞌʋlim, Ghana. Di zab yʋꞌʋr anɛ Porcupine Warriors, ba nyaꞌad Ghana Premier League ka nwɛꞌɛdi ba yin maknam Baba Yara Stadium in Amakom, Kumasi.

Ba di league record nɔɔrim pisi nɛ anaasi (24 times) ka di CAF Champions League nɔɔra ayi ka International Federation of Football History and Statistics (IFFHS) da yɛl ye banɛ di African club of the century.

Pinꞌilig

Pinꞌilig yʋʋma

Kumasi Asante Kotoko Sporting Club ɛɛnbir da pinꞌil ya nɛ dasam piinɛ tanꞌ banɛ yit Ashanti ka ba tuongat da an lor dɔriba, Mr. Kwasi Kumah, ka onɛ da paasi sʋŋ mɛ an L.Y. Asamoah onɛ gɔsid naꞌasaa bugum yela. Mr. Kwasi Kumah, onɛ yit Nyankyerenease linɛ kpiꞌe nɛ Kumasi tɛnpʋʋg linɛ bɛ Ashanti Region, da anɛ dɔriba tis naꞌasaa daʋ kanɛ da an soogia, Colonel Ross. Kwasi Kumah da paam pʋtɛnr kanɛ an ye o pinꞌil football team yinɛ on da gɔsidi li diꞌema la ni. Colonel Ross da  lɛb yinna la, Kumah da daꞌa nɛ jerseys nam ye o  pinꞌil o football team. O zua sʋŋ, L.Y.Asamoah, mɛ da sʋŋ ya ka ba pinꞌil Ashanti United Football Club yʋʋm tusir, kɔbiswai nɛ pisi nɛ ayuobʋ ni (1926). Yʋʋma anu nyaꞌaŋ ka ba tiꞌaki li yʋꞌʋri lɛb Kumasi Titanics. Laꞌasig nwaꞌ da nyɛ daamig hali bɔzugɔ, banɛ da paas diꞌema la ni la titaꞌam da anɛ gɔmɛna tʋmtʋmnib wan wʋʋ banɛ tʋm sanriga ni nɛ ziriga pala ni ka ba da tiꞌaki ba tʋʋma zinꞌisi yi Kumasi. "Kumasi Titanics" da pʋ nyɛ zugsʋŋi ba yʋʋr saaʋŋ la nii, ka yʋʋm tusir, kɔbiswai nɛ pistanꞌ nɛ anaasi ni (1934), ba da gaŋ yʋꞌʋr kanɛ mɔr paŋ ye Mighty Atoms. Nɛwala, li sʋꞌʋm da kai, ka yʋʋm tusir, kɔbiswai nɛ pistanꞌ nɛ anu ni (1935), Mr J.S.K. Frimpong, kanɛ ka ba da buon o ye Teacher Frimpong, onɛ da an paꞌan-paꞌani bɛ Kumasi Government School onɛ da mɔr o pʋtɛnꞌɛr club la yela, da laꞌas dab biꞌela o sakur la ni ka ye ba tiꞌakim yʋꞌʋr la yi "Kumasi Titanics" lɛbis Kumasi Asante Kotoko Football Club. Ba da sɔs suori yi Asantehene (Naꞌab parinyaŋ Kingdom of Ashanti) bɔzugɔ, yʋʋr kanɛ an "Kotoko" la, gbin anɛ "Porcupine" ka linɛ an Ashanti tɛŋ la zanbin. Asantehene, Nana Sir Osei Agyeman Prempeh II, da pinꞌili an yiiga an patron tis club la. Ba da pinꞌil Kumasi Asante Kotoko Football Club nɛ yʋʋm tusir, kɔbiswai nɛ pistanꞌ nɛ anu ni (1935).

Asante Kotoko zanbin anɛ "Porcupine" bɛɛ yugurir, ka li paꞌal ye ba na nyaŋi kʋnsi ba dataas banɛ zabid nɛ ba.

Susaꞌaŋ

Accra Sport Stadium ni yelsiꞌa da sig na bɛ Ohene Djan Stadium, Accra, Ghana yʋʋm tusayi nɛ yinnɛ, sigsaa nwadig, daba wai daar (9 May, 2001). Ghana football teams banɛ nyɛ yʋꞌʋr la da nwɛnꞌɛ daar kan, Accra Hearts of Oak (The Phobians) Sporting Club nɛ Asante Kotoko. Accra Hearths of Oak da di goals nam ayi ka li an 2–1, ka li kɛ ka banɛ dɔl Kotoko ka ba sʋnya sanꞌam la lɔb wʋrɔba kɔliba nɛ kʋgisi tut diꞌema la zinꞌigin. Pʋlʋs da kɛna nɛ pɛbis tear gas niŋ nidib la. Nidib la da pinꞌili zɔt ka siꞌeba lut tɛŋin. Li da nɔk wan wʋʋ hour yinnɛ nyaꞌaŋ, ka ba nyɛ ka nidib kɔbiga nɛ piinɛ ayɔpɔi da kpi dɔlis ban nɔɔ ba la zug, ka piiga kpi dɔlis sapʋꞌat pʋʋgin.

Yʋʋm paal nwadig, yʋʋm tusayi nɛ pisi la ni (January 2020), ba da kad team la ye ba da lɛn nwɛnꞌɛ bɛ Baba Yara stadium, saŋa biꞌela, ka li da yinɛ nyaꞌandɔlib banɛ da duod zabir ka pʋlʋs da nwɛnꞌɛ rubber bullet da di gbanꞌae sɔꞌ ka o da kpi la. Nyaꞌandɔlib la siꞌeba da lɔbid nɛ laꞌad bɛdigʋ tut diꞌema la pʋʋgin, bɔzugɔ, onɛ gɔsid diꞌema la ka ba buon referee da gbanꞌa gbanꞌa siꞌa ka nidib la sʋnf sanꞌam. Nwaꞌa da naam nɛ ban da nwɛnꞌɛd nɛ Berekum Chelsea la. GFA da tis nɔɔr, ka kpɛnꞌɛs club la sam 20,000 Ghana cedis ka diꞌema nama atanꞌ banɛ da tiꞌal la nidib da pʋ gɔsɛ.

Yʋʋm tusayi saŋa

Yʋʋm tusayi nɛ piinɛ yinnɛ, mɔraʋg nwadig la (July 2011), Asante Kotoko nɛ English Premier League club kanɛ buon Sunderland da maal nɔɔr naalig, ani ka Sunderland da sʋŋi saꞌal Asante Kotoko, kati waꞌae tuon kɛn yela, laafi yela, nɛ diꞌema la yela an siꞌem. Yʋʋm paal nwadig, yʋʋm tusayi nɛ ayi ni (January 2002), ba da gaŋ P V Obeng ye o an board chairman of the Board of Directors tis club la.

Kalanam

Asante Kotoko mɔr colour siꞌeba bɛ national flag ni nɛ Ashanti zanbina ni ka wiig, dɔnbʋʋlim nɛ dɛnꞌɛm da an colour banɛ ka Asante Kotoko fuud banɛ ka ba yɛɛd yiiga la da mɔrd, ka fuud nɛ kurus banɛ tiꞌal ayi ka ba yɛɛd colour mɛ an piꞌelig nɛ wiig. Yʋʋm tusayi nɛ piinɛ yinnɛ la (2011), Asante Kotoko da paas fuud nɛ kurus banɛ paas abʋtanꞌ, ka ba colour an sabilig, dɔnbʋʋlim nɛ dɛnꞌɛm linɛ ka ba da yɛɛd yʋʋm tusir, kɔbiswai nɛ pisnii saŋa la buudi.

Zanbin

Asante Kotoko's zanbin la dolnɛ tɛngbaŋ zanbin kanɛ bɛɛ tis Kingdom of Ashanti ka di colour nam an sabilig, dɛnꞌɛm nɛ dɔnbʋʋlim la, kpɛn dɔl nɛ national flag ; Asante Kotoko zanbin la paꞌal nɛ yugudir kanɛ ka o nindaa kpiꞌɛm ka b aba yelkpan an ba buudi pianꞌad "Ashanti Twi ni ye: Kum apem a, apem beba", linɛ gbini paꞌal ye "fʋ yaꞌa ku tusir, tusir na yina yaꞌas".

Zinꞌig

Asante Kotoko yin diꞌema zinꞌig anɛ Baba Yara Stadium linɛ bɛ Ashanti, Kumasi tɛnpʋʋgin. Nidib tusa pisnaasi, kɔbisnu nɛ pisi nɛ anii (40,528) kpɛnꞌɛd anina, ba da mɛ Baba Yara Stadium nɛ yʋʋm tusir, kɔbiswai nɛ pisnu nɛ ayɔpɔi (1957), ka linɛ an stadium kanɛ yalimi bɛ Ghana. Stadium la yʋꞌʋri buon Baba Yara, ka ba nɔk nɛ Ghana Footballer kʋdig kanɛ da nwɛnꞌɛ tis Kotoko lin yi yʋʋm tusir, kɔbiswai nɛ pisnu nɛ anu (1955) paae yʋʋm tusir, kɔbiswai nɛ pisyuobʋ nɛ yinnɛ (1961). Yʋʋm tusayi nɛ piiga ni (2010), ba da tis labaar ye Rlg Communications dim diꞌe Asante Kotoko ka na tisi ba diꞌema zinꞌig(stadium) titaꞌar ka li yʋꞌʋr na buon Rlg Fabulous Arena.

Sʋŋir

Asante Kotoko paas nɛ abʋyuobʋ, football team bɛɛ club banɛ bɛ Africa sʋꞌʋlim wʋsa, ka lin paꞌal ye li gati li taaba Ghana sʋꞌʋlim; Asante Kotoko mɔr nyaꞌandɔlib 10 million, ka yʋʋm tusayi nɛ piinɛ yinnɛ la, Asante Kotoko nɛ Sunderland AFC tuongatib da sɔns ban na maal nɔnaalig yela. Asante Kotoko da maal nɔnaalig nɛ Sunderland la da kɛ ka ba saꞌani ba baŋir diꞌema baŋir yela, laafi yela, nɛ diꞌema la daꞌa diib yela. Kotoko da laꞌasi sʋŋ Sunderland AFC mɛn ka ba yʋꞌʋr yi Africa sʋꞌʋlim. Yʋʋm tusayi nɛ pisi nɛ yinnɛ paae yʋʋm tusayi nɛ pisi nɛ ayi (2021-22) saŋa, Asante Kotoko da paam nidib tusanaasi, kɔbisnu nɛ pisnii ne anu.

Sʋꞌʋgir

Ligidi nɛ gbaŋ tikir yela

Onɛ sʋꞌʋe nɛ tuongat kanɛ nan vʋe tis Asante Kotoko sports club anɛ Asantehene, Zugraan Naꞌab tis Ashantis/ Asantes banɛ bɛ Ghana, Osei Tutu II. Ghana ligidi GH150 million ka ba yɔɔd Asante Kotoko nwɛnꞌɛ-nwɛnꞌɛdib yʋʋm tusayi nɛ piinɛ nu (2015) ka lɛn paas GH105 million yʋʋm pʋʋgin tis banɛ tɔɔmid zinꞌig yʋʋm 2015 yinɛ laꞌasʋma banɛ bɛ Ashanti tɛŋin la, nɛ ban mɛ lɛn an tɛŋ kanɛ paas ayi ka ba kuodcocoa la. Cocoa kanɛ ka dunia nyɛt la titaꞌam yinɛ Ashanti na.

Ashanti anɛ tɛŋ kanɛ paas piiga ka ba maan sanlima dunia sʋꞌʋlim wʋsa, bɔzugɔ, Ashanti anɛ zinꞌig yinnɛ kanɛ ka ba tuud sanlima ka li paas tɛns piiga banɛ ka ba tuud sanlima anina dunia sʋꞌʋlim wʋsa; The Obuasi Gold Mine. Sanlim 1 ton nɛ Gold (Bullion) anɛ $64.3 Million dollars (US$64,300,000) at $2000/oz.

Asante Kotoko tʋm nɛ siꞌeba an technology corporations Interplast, Smart TV, Iei nɛ giant Rlg Communications; financial institution Fidelity Bank; water company Everpure limited, Peppis Pizza limited, nɛ Vit's Noodles limited; telecommunication companies Millicom nɛ MTN Group; mass media company SportsPro Media limited; worldwide major electricity generation and electricity construction incorporation Symbion Power; nɛ Singaporean kit manufacturer Kubba.

Ban laꞌas nɛ siꞌeba

Yʋʋm tusayi nɛ pisi, sapal nwadig (November 2020) ba da maal nɔnaalig nɛ Hisense Ghana. Nwaꞌ da kɛ ka Hisense, banɛ maan naꞌasaabugum laꞌad la, lin yi yʋʋm tusayi nɛ pisi (2020) paae yʋʋm tusayi nɛ pisi nɛ atanꞌ (2023).

Sʋŋir

Banɛ maan Asante Kotoko fuud
Pinꞌilig	Naar	Yʋꞌʋr
2008	2011	Lotto
2011	2012	Erreà
2012	2014	Puma SE
2014	2018	Kubba
2019	2020	Strike
2020		Erreà

Zamisig zinꞌig

Asante Kotoko Adako-Jachie zamisig zinꞌig

Asante Kotoko zamisig nɛ laꞌad zinꞌig bɛ nɛ Ashanti tɛnpʋʋgin,Kumasi sʋꞌʋlim. Ba maan "Asante Kotoko Adako-Jachie Training Complex" ka li yaꞌa naae yʋʋm tusayi nɛ piinɛ nu (2015) li na mɔr diꞌema zamisig zinꞌig, mɔɔg zinꞌig, diꞌema zinꞌig titaꞌar, Olympic-size swimming pool nɛ zinꞌig kanɛ mɔr gbɛɛnsa dɔɔd pisi tis Asante Kotoko bɛ Adako Jachie, linɛ bɛ Kumasi tɛnkpɛŋ. "Asante Kotoko Adako-Jachie Training Complex" la; zamisig zinꞌis atanꞌ nɛ gbɛɛnsa dɔɔd pisi, ningbina maalig zinꞌig, tiꞌebig zinꞌig, technical staff and coaches nam zinꞌig, nɛ laꞌasig zinꞌig, nɛ dɔɔd banɛ bɛ tis Asante Kotoko Chief operating officers (Operations Director) nɛ technical bench.

Zinꞌig yinnɛ anɛ Asante Kotoko dasam nɛ pʋꞌasada diꞌema zinꞌig; ayi banɛ kpɛlim la anɛ Asante Kotoko kpɛɛmnam la diꞌema zinꞌig. Asante Kotoko executive board committee yi paalʋ na yel ye lig laꞌasanam la, piiga, kɔbiga pʋʋgin anɛ ye li kɛŋ "Asante Kotoko Adako-Jachie Training Complex" mɛɛb nɛ laꞌabanɛ bɛ la pʋʋgin. Asante Kotoko executive board da pinꞌil ya ye onɛ sʋe Asante Kotoko ka an li kpɛɛm kanɛ vue, Asantehene Naꞌab Otumfuo Osei Tutu II tis Ashanti tɛŋ dim nar ka o sʋŋ "Asante Kotoko Adako-Jachie Training Complex" nɛ ligidiba mɛɛbnam nɛ ligidi nɛ saꞌalig. Asante Kotoko nwɛnꞌɛ-nwɛnꞌɛdib la yit Asante Kotoko stadium dɔlisid Asante Kotoko squad coach (bus) lɔr linɛ ka banɛ maal an Tata Motors linɛ bɛ conglomerate Tata Group paadi ba zamisig zinꞌig titaꞌarin la.

Zinꞌgi kan ni mɔr Asante Kotoko bibaanlig zinꞌig, zinꞌig kanɛ ka ba paꞌan bibaanlig la ye ba kilim nwɛnꞌɛ-nwɛnꞌɛdib. Nidib siꞌeba banɛ naan Asante Kotoko Youth academy development program and system yi siꞌeba anɛ Karim Abdul Razak, Tony Yeboah, Isaac Vorsah, Samuel Inkoom, Godwin Antwi.

Banɛ nwɛꞌɛd kilab la ni

Din yi 15 April, 2023

No. Pos. Nation Player 1 GK CMR Moise Pouaty 3 MF GHA Enock Morrison 4 DF GHA Yussif Mubarik 5 MF GHA Justice Blay 6 DF GHA Sherif Mohammed 8 MF GHA Richard Boadu 9 FW UGA Steven Mukwala 10 FW CMR Georges Mfegue 11 FW BRA Matheus Medeiros 12 MF GHA Emmanuel Sarkodie 13 MF GHA Clinton Opoku 14 FW GHA Isaac Oppong 15 DF GHA Andrews Kwadwo Appau 16 GK GHA Ibrahim Danlad 17 DF GHA Charles Owusu

No. Pos. Nation Player 19 MF GHA Richmond Lamptey 20 MF GHA Dickson Afoakwa 21 MF GHA Patrick Asmah 24 DF GHA Samuel Appiah 25 DF GHA Maxwell Agyemang 26 DF GHA Sherif Mohammed 27 MF GHA Ernest Osei Poku 28 MF GHA Shadrack Addo 29 MF GHA Nicholas Osei Bonsu 32 MF GHA Rashid Nortey 33 GK GHA Fredrick Asare 37 DF GHA Mohammed Alhassan 38 FW GHA Solomon Safo-Taylor 40 MF CIV Serge Zeze

Zun'or

Yiin

Ghana Premier League: 24

1959, 1963–64, 1964–65, 1967-68, 1969, 1972, 1975, 1980, 1981, 1982, 1983, 1985-86,1987, 1988–89, 1990–91, 1991–92, 1992–93, 2003, 2005, 2007–08, 2011–12, 2012–13, 2013–14, 2021–22 (record)

GFA Normalization Committee Special Competition: 1

2019

FA Cup: 9

1958, 1959, 1960, 1978, 1984, 1997–98, 2001, 2014, 2017

Ghana Super Cup: 3

2012, 2013, 2014 (joint record)

GFA Title banɛ paas

SWAG Cup: 16

1981, 1988, 1989, 1990, 1991, 1992, 1993, 1998 (shared), 2001, 2003, 2005, 2008

Ghana Telecom Gala: 3

1999–2000, 2001, 2005 (record)

Ghana Top Four Cup: 3

2003, 2007 (record)

President's Cup: 8

1973, 1984, 2004, 2005, 2008, 2016, 2017, 2019 (record)

GHALCA Special Cup: 3

Ghana Top Eight Cup: 3

Ghana Top Six Cup: 2

Independence Cup: 3

June 4 Cup: 1

31 December Revolution Cup: 2

Continent nam

African Cup of Champions Clubs/CAF Champions League: 2

Championnam: 1970, 1983

sʋŋid: Bright Yeboah Taylor (Ghanaian Sports Historian)

Tʋʋma CAF ni

CAF Champions League: 10 appearances

2004 – Third Round 2005 – First Round 2006 – Group Stage 2007 – Preliminary Round

2009 – First Round 2010 – Preliminary Round 2013 – First Round

2014 – Preliminary Round 2015 – First Round 2019–20 – First Round

·        African Cup of Champions Kilabnam: 16 appearances

1966: Quarter-finals 1967: Finalist 1969: Semi-finals 1970: Champion 1971: Finalist 1973: Finalist

1976: Quarter-finals 1981: Second Round 1982: Finalist 1983: Champion 1984: First Round 1987: Semi-finals

1988: First Round 1990: Semi-final 1992: Quarter-finals 1993: Finalist

·        CAF Confederation Cup: 6 appearances

1995 – Quarter-finals

1997 – Second Round

2004 – Finalist

2008 – Group Stage

2019 – Group Stage

2020 – Playoffs round

·        2 CAF Cup Winners' Cup: 7 appearances

1979 – First Round 1985 – Quarter-Finals 1991 – First Round		1999 – Second Round 2002 – Finalist		2003 – Quarter-Finals 2005 – First Round
CAF Clubs Rankings: Current 21st Century Top 6 – CAF African Clubs zi'esim
CAF	Football Team		Points
1	Al-Ahly		91
2	Espérance		58
3	Étoile du Sahel		54
4	Zamalek		50
5	TP Mazembe		49
6	Asante Kotoko		44

Kilab Captain nam

• Ibrahim Sunday
• Malik Jabir
• James Kwesi Appiah
• Abdoulaye Soulama (2008–10)
• Jordan Opoku (2010–11)
• Amos Frimpong (2015–2019)
• Felix Annan (2019–2021)
• Ismail Abdul-Ganiyu (2021–2022)
• Richard Boadu (?-2023)
• Ibrahim Danlad (2023 to date)

Head coachnam

• George Commey Mills-Odoi (1951–1952)
• Tamás Kertész (1971–1973)
• Ibrahim Sunday (1982)
• Malik Jabir (1993–1994)
• James Kwesi Appiah (1995–1996)
• Ernst Middendorp (30 December 1999 – 30 June 2002)
• Karim Abdul Razak (2003–2004)
• Malik Jabir (2005–2006)
• Telat Üzüm (1 October 2006 – 31 March 2007)
• Maurice Cooreman (1 November 2008 – 10 February 2009)
• Herbert Addo (25 June 2009 – 1 April 2010)
• Bogdan Korak (5 November 2010 – 26 August 2011)
• Maxwell Konadu (2011–12)
• Mas-Ud Didi Dramani (2012–14)
• David Duncan (2014–16)
• Michael Osei (2016)
• Zdravko Logarušić(2017)
• Steven Polack (May, 2017)
• Paa Kwesi Fabin (2018)
• Charles Akonnor(1 Oct 2018 – July 2019)
• Kjetil Zachariassen (July 2019 – December 2019)
• Maxwell Konadu (December 2019 – December 2020)
• Abdul Gazale (February 2021 – March 2021) (Interim)
• Mariano Barreto(March 2021 – September 2021)
• Prosper Narteh Ogum (September 2021 – August 2022)

Siizin nam

• 2020–21 Asante Kotoko S.C. season
• 2022–23 Asante Kotoko S.C. season