Beasts of No Nation (film)

Beasts of No Nation (film)

film

Title	Beasts of No Nation
Assessment	Bechdel test
Based on	Beasts of No Nation
Genre	drama film, war film, film based on a novel
Publication date	2015
Country of origin	United States
Original language of film or TV show	English
Director	Cary Joji Fukunaga
Screenwriter	Cary Joji Fukunaga
Cast member	Idris Elba, Abraham Attah
Director of photography	Cary Joji Fukunaga
Film editor	Pete Beaudreau
Composer	Dan Romer
Production company	Netflix
Distributed by	Netflix
After a work by	Uzodinma Iweala
Narrative location	Africa
Color	color
Review score	92%, 7.9/10, 79/100
Distribution format	video on demand
Kijkwijzer rating	16
Official website	http://www.bleeckerstreetmedia.com/#!beasts-of-no-nation/c13og

Beasts of No Nation anɛ yʋʋm tusayi nɛ  piinɛ nu (2015) American zaba  di’ema sini ka one sɔbi li la, ka paasi maal ka an li tuongat an Cary Joji Fukunaga. Li pa’al nɛ dasaŋ bil kanɛ kilim soogia bil ka zaba dʋ’oi ba tɛŋin. Ba da maal di’ema nwa nɛ Ghana ka banɛ paas an Idris Elba, Abraham Attah, Ama K. Abebrese, Grace Nortey, David Dontoh, nɛ Opeyemi Fagbohungbe, sini kan da dɔl nɛ yʋʋm tusayi nɛ anu (2005) di’ema gbaŋ kanɛ ka li yʋ’ʋr mɛ an ala ka one sɔb an Uzodinma Iweala, ba  da pʋd gbaŋ la yʋ’ʋr nɛ dɔlis nɛ Fela Kuti album.

Ba da gɔsi li yela di’ema nya’ab sankanɛ an 72nd Venice International Film Festival, anina ka Attah ya’a ni bɛ Marcello Mastroianni Award. Ba da gɔsid sini nwa’ bɛ 2015 Toronto International Film Festival, ka nɔki li niŋ Netflix ye dunia wʋsa nyɛ ka lʋgir kanɛ buon Bleecker Street la mɛ yɔ’ɔgi li yʋʋm tusayi nɛ piinɛ nu, nwadis piiga ni (October 16, 2015). linɛ an sini kanɛ an yiiga ka Netflix dim yisi li paalʋ. Sini nwa’ da paam yʋ’ʋ sʋŋ nidib pian’ad pʋʋgin. Elba baŋir la da kɛ ka ba gaŋ o ye o paas banɛ nar ye ba di’e ya’an piini bɛ BAFTA, Golden Globe, Spirit, nɛ SAG Award for Best Supporting Actor, ka o da di’e piini nwa’.

Li gbini an si’em

Dasaŋ bil kanɛ ka o yʋ’ʋr buon Agu, da bɛ nɛ o dʋ’adib nɛ o pitib tɛnkpɛŋ kanɛ bɛ West Africa, linɛ bɛ zaba tɛnsʋk kanɛ ka ECOMOG zabzabidib bɛ. Ba kɛna tis tɛnkpɛŋ nwa’ ye soogianam faae tɛŋ la gɔmɛna sʋ’ʋe. Soogia banɛ faae tɛŋ la kpa’adi kpɛn’ɛdi ba tɛnkpɛŋin la, nidib bɛdigʋ zɔɔ kɛŋ tɛnpʋʋgin la ye ba faae ba mɛŋ. Agu saam paam lɔr ye li mɔr o pʋ’a nɛ o bibibis ayi’ kɛŋ, amaa on nɛ o bikpɛɛm Agu on kpɛlim nɛ. Gɔmɛna zabzabidib nɛ banɛ faan’e tɛŋ la zabidi kpa’ad taaba Agu tɛŋin. Gɔmɛna soogianam la kad tita’alnam la yis ka kʋʋd nidib, amaa Agu nyaŋi zɔɔ kpɛn’ɛ mɔɔg.

On zɔɔ kpɛn’ɛ anina giligid la, o si’al zabzabidib si’eba anina. Ka ba yʋ’ʋr an Native Defense Forces (NDF), ba anɛ tʋbzian’asim dim banɛ bɛ tɛŋin la zabid nɛ gɔmɛna, ba zamis Agu ka o paasi ba nidib ni. Agu nɛ o taaba la tuongat anɛ Commandant, one kɛ ka Agu dɔl o. Ba dɔlis nɛ suor kpi’eŋ hali zamisi ba ka Agu fi’ig sankpan’as kanɛ ka ba gban’ae zug nɛ sʋ’ʋraʋg, ka yʋ’ʋn kilim zabzabid yinne. Agu nɛ dasaŋ bil si’a kilim zu’od ka o yʋ’ʋr buon Strika, one nan zi’ pian’a. Yʋ’ʋŋ yinne, ba kpɛɛm Commandant la buol Agu ye o kpɛn’ɛ o digisigin na, ka digin nɛ o. Strika, one paas banɛ ka Commandant mugusi digin nɛ b ani la bʋgʋl o sʋnr. Preacher, one an soogia kudug, tis Agu dini fʋn’ɔd, brown-brown ye o ti’ak o nindaa. Agu nɛ Strika paasi kʋ zab zaba ka ku nidib bɛdigʋ. Zaba yinne ni, Agu nu nɛ brown-brown ka o nindaa yilig ka o nyɛ pʋ’a sɔ’ ka tɛn’ɛs ye o ma. O kaas kʋŋ ye o nyɛɛ o ma ka zɔɔ vil o ka o taaba la lɛɛ ye ba bɔɔd ye ba digin nɛ pʋ’a la. Pʋ’a la pʋ baŋ Agu an sɔ’ɔ ka o buol o ye o anɛ sɔn’e. Agu nwɛ’ɛ pʋ’a la nɛ malifʋ kʋ’, ban bɛɛ anina diginid nɛ o la.

Zabzabidib nwa’ ya’an kanɛ ka ba di zaba pʋʋgin la kɛ ka tʋbzian’asim dim zabzabidib kpɛɛm la buoli ba o zin’igin, anina ka Commandant, nɛ Agu, Strika, nɛ soogia si’eba dɔl o kɛŋ si’al NDF zaba kpɛɛm la, ka o yʋ’ʋr an Dada Goodblood. Goodblood, one pian’a pa’al nidibi gɔsid zaba la yel si’em la yis Commandant la ye o len ka’a kpɛɛm ya’asɛ ka mɛ kʋ len tis o kpɛŋ kanɛ ka o daa zi’el nɔɔr ye o na tis o la. Ba kpɛɛm Commandant la ya’andɔl, lieutenant, Two I-C, yʋ’ʋn na gaad zabzabidib la tuon, ka Commandant la na aan o nya’andɔl. Commandant la gɔs ka nwa’ an tʋ’ʋd hali, ka o kɛŋ pʋ’agɔɔnda zin’igin nɛ o nidib la ye ba maal sʋmmalisim. Soogia kʋda la gbɛn’ yʋ’ʋŋ mum nɛ pʋ’ab la, pʋ’a yinne nwɛ’ Two I-C nɛ malifʋ. Two I-C nɔki ziil Commandant ye one kɛ ka ba kʋʋ o ka nyaan kpi, ka Commandant lɛɛ ye ba gban’e nɛ gɛɛs on ka li ka’a one kʋʋ o. Pʋ’agɔɔndir la si’aki tʋ’as ye li anɛ sapʋ’ad, amaa Commandant nɛ o nidib la kʋ pʋ’ab la ka bas tɛnpʋʋg kan.

Ba zɔya ba mɛŋ nidib yela nɛ ba dataas yela, ka li kɛ ka ba kʋʋ ba bɛdigʋ. Zaba lɔpir nam nɛ diib ka’alim kɛ ka Strika nɛ o taaba bɛdigʋ kpi. Bani vʋ’ʋg  la kɛŋ nɛ sʋ’a salimbɔk ni nwadis si’em yel, ied ye ba paam sanlima yɔ’ ka paam la’ad. Zaba la’ad naae ya, ka ba yʋ’ʋn kʋ len nyaŋi gu’ ba mɛŋa. Zaba duoe Preacher nɛ Commandant tɛnsʋk, Agu nɛ zabzabidib la basi ba kpɛɛm Commandant ye ba mɔri ba mɛŋi kɛŋ tis gɔmɛna soogianam la, ka pʋ kɛlis sa’alig ye ba na nɔki ba niŋ sariga ni ka ba yidim na tami ba yelaa. Li pʋ yuugɛ ka UN soogianam kɛna gban’e ba.

Ba mɔr banɛ an biis la kɛŋ kpɛn’ɛs winpʋ’ʋsim sakur tɛŋ la zin’ig kanɛ ka zaba kae, amaa ka Preacher nɛ Randy zɔɔ gaad ye ba len kɛŋ zab. Agu bak o mɛŋ nɛ o sakur bibis taaba banɛ di’emid ka maan si’elnam sakurin la. Agu da nyɛ namisig nɛ tikpi’ema banɛ ka o nuud nɛ zaansiŋ bɛ’ɛdnam pʋʋgin. Agu da yel sakur la one sa’an la ye on tʋm tʋʋmbɛ’ɛdnam bɛdigʋ, ka o tɛn’ɛs ka ba na gɔs ye o anɛ nimbɛ’ɛd. Amaa o yel o on daa an bisʋŋ si’em ka o yidim nɔŋ o yela. Li naar la, Agu yʋ’ʋn si’aki la’as o taaba ka ba sʋʋd ka di’emid kuomin.

Nidib banɛ paas

·        Abraham Attah an Agu

·        Idris Elba an Commandant

·        Ama K. Abebrese an Mother

·        Kobina Amissa-Sam an Father

·        Emmanuel Nii Adom Quaye an Strika

·        Kurt Egyiawan an 2nd I-C

·        Jude Akuwudike an Dada Goodblood

·        Grace Nortey an Old Witch Woman

·        David Dontoh an Linguist

·        Opeyemi Fagbohungbe an Sergeant Gaz

·        Teibu Owusu Acheampong an Preacher

·        Fred Amugi an Pastor

Li maalig

Cary Joji Fukunaga da gaad tuoni gɔs sini kaŋa yela, yʋma ayɔpɔi kanɛ ka o pin’il la nya’aŋ. O da nam pʋ pin’ilɛ nɛ yʋma ayuobʋ vɛɛnsig ka o da vɛn’ɛs Sierra Leone Civil War la ka Fukunaga yʋ’ʋn si’al Beasts of No Nation gbaŋ. O da pian’a li yela yek, "mam karim gbaŋ la ka nɔŋ Uzodinma Iweala yel sɔliŋ nwa’ giŋa si’em la. Mam gɔs ka li an sʋm na man na gɔsi li yela."

Pian’ad kanɛ ka ba pian’ad di’ema nwa’ ni  la anɛ gbaŋ ka ba dɔlis, ka ba da sɔbi li Nigerian Pidgin English buudi pian’ad kanɛ buon Krio la ni yiiga.

Yʋʋm tusayi nɛ piinɛ tan’, nwadis anii, dabpisi (August 20, 2013), Idris Elba da paas banɛ na maal sini. yʋʋm tusayi nɛ piinɛ naasi, nwadis ayuobʋ, daba yuobʋ daar (June 6, 2014), Ghana sini maanib Ama K. Abebrese, Grace Nortey nɛ David Dontoh da paas sini la ni. Lin nya’aŋ, Opeyemi Fagbohungbe mɛ da paasi li pʋʋgin.

Red Crown Productions da an banɛ gɔsid sini nwa’ nɛ li ligidi yela, ban nɛ Primary Productions and Parliament of Owls. Yʋʋm tusayi nɛ piinɛ naasi, nwadis anu, dabpiinɛ yɔpɔi daar (May 17, 2014), Participant Media, paas nɛ Mammoth Entertainment, da la’as ya ye ba gɔs sini nwa’ ligidi yɔɔb yela. Sam kanɛ ka ba da nwɛ’ yiiga da anɛ $4.3 amaa, li da kɛna an $6 million.

Yʋʋm tusayi nɛ piinɛ naasi, nwadis ayuobʋ, daba nu daar (June 5, 2014), principal photography da pʋn bɛ Eastern Region sʋ’ʋlim Ghana. Ba da maal sini la zin’is si’eba Koforidua nɛ Ezile Bay linɛ bɛ Akwidaa. Pʋtɛn’ɛr kanɛ kɛ ka ba gaŋ soogianam banɛ an biis la fʋʋd la yinɛ Kamajors kʋdʋmin dim tɔn’ɔsnam fʋʋd, ka fʋʋd la bam zanligi lʋsi ba tuoni an gu’ud. Dan Romer da gɔs sini la vuud yela.

Yiib

Netflix da da’ ya’an kanɛ ka ba na pa’al sini la tis dunia wʋsa nɛ $12 million. Sini la da bɛ sini zin’isin nɛ foon nam pʋʋgin ka li an ba yɔ’ ka nyaan gɔs nɛ yʋʋm tusayi nɛ piinɛ nu, nwadis piiga, dabpii nɛ ayuobʋ daar (October 16, 2015), Ka Bleecker Street an zin’ig kanɛ ka ba kɛnni gɔsid. ban da nɔki niŋ foon nam ni la da san’am wada kanɛ ye li nar ka ba gɔsi li sini zin’isin dabpiswai la, AMC Cinemas, Carmike Cinemas, Cinemark, nɛ Regal Entertainment Group—sini gɔsig zin’is anaasi banɛ bɛ United States—da yis labaar na ye ba na bas Beasts of No Nation yisig, ka li kɛ ka sini zin’is bibis la ni ma’a yisi di li. Ba da pin’ili gɔsid sini la sini zin’isin UK tɛŋin nɛ (October 16, 2015), bɛ Curzon Cinemas.

Nidibi si’aki li si’em

Rotten Tomatoes ni, ba da di’e sini la pʋdʋgir piswai nɛ ayi, kɔbiga pʋʋgin (92%) ka lin da anɛ nidib 146 si’akir, ka ba da si’ak nɛ 7.90/10. Labaya zin’ig kan gbaŋ la da anɛ ye, "Beasts of No Nation nyɛ gbansɔbid nɛ one gɔsidi li, director Cary Fukunaga ka o tʋm nɛ sini maanib banɛ mɔr baŋir ye bama maal sini kanɛ dɛŋ kanɛ bɛ ninsaalib zaba pʋʋgin." Metacritic ni, li da nyɛ kɔbiga pʋʋgin, pisyɔpɔi nɛ awai da si’akir ka lin da anɛ nidib pistan’ labaar, ka li pa’al ye nidib nɔŋi li.

Yin sini

Sini la da yi Blu-ray nɛ DVD dɔlis The Criterion Collection ni na yʋʋm tusayi nɛ pisi nɛ yinne, nwadis anii, dabpistan’ nɛ yinne daar (August 31, 2021).

Laba gɔnlima

Yʋʋm tusayi nɛ piinɛ nu (2015), Artnet da yis gbaŋ na pa’an ye Fukunaga nyɛ di’ema nwa’ nɛ yi Irish artist Richard Mosse, ka pʋ nyaŋi tis o girima kani naraa, bɔzʋgɔ, o din mɛ da bɛ pa’an biis soogianami bɛ Democratic Republic of Congo.

Ya'an piini

Piini	yu'ur	one paas	Lin naae si'em
British Academy Film Awards	Best Actor in a Supporting Role	Idris Elba	ba gaŋ o
Costume Designers Guild Awards	Excellence in Contemporary Film	Jenny Eagan	o di ya
Empire Awards	Best Male Newcomer	Abraham Attah	a gaŋ o
Film Independent Spirit Awards	Best Feature	Daniel Crown, Idris Elba, Cary Joji Fukunaga, Uzodinma Iweala, Amy Kaufman, Daniela Taplin Lundberg, Riva Marker and Jeffrey Skoll	ba gaŋ o
	Best Director	Cary Joji Fukunaga	ba gaŋ o
	Best Male Lead	Abraham Attah	o di ya
	Best Supporting Male	Idris Elba	o di ya
	Best Cinematography	Cary Joji Fukunaga	ba gaŋ o
Golden Globe Awards	Best Performance by an Actor in a Supporting Role in any Motion Picture	Idris Elba	ba gaŋ o
Indiana Film Journalists Association Awards	Best Film		ba gaŋ o
	Best Adapted Screenplay	Cary Joji Fukunaga	ba gaŋ o
	Best Director	Cary Joji Fukunaga	ba gaŋ o
	Best Actor	Abraham Attah	ba gaŋ o
	Best Supporting Actor	Idris Elba	one ti'al
National Board of Review	Breakthrough Performance	Abraham Attah	o di ya
NAACP Image Awards	Outstanding Motion Picture		ba gaŋ o
	Outstanding Actor in a Motion Picture	Abraham Attah	ba gaŋ o
	Outstanding Supporting Actor in a Motion Picture	Idris Elba	ba gaŋ o
	Outstanding Independent Motion Picture		o di ya
George Foster Peabody Award	Excellence	Red Crown Productions, Participant Media, Come What May Productions, and New Balloon (Distributed by Netflix)	o di ya
Screen Actors Guild Awards	Outstanding Performance by a Cast in a Motion Picture	Abraham Attah, Kurt Egyiawan and Idris Elba	ba gaŋ o
	Outstanding Performance by a Male Actor in a Supporting Role	Idris Elba	o di ya
72nd Venice International Film Festival	Marcello Mastroianni Award	Abraham Attah	o di ya