Benjamin Asante

Benjamin Asante

ninsaal

Sex or gender	Dau
Country of citizenship	Ghana
Yu'ur Kane ka ba tis o	Benjamin
Duam zin'ig	Ghana
Languages spoken, written or signed	English
Tuuma	engineer
Educated at	University of Calgary, Kwame Nkrumah University of Science and Technology

Benjamin K. D. Asante anɛ Ghana nid kanɛ an inginiya ka lɛn an ninkanɛ saꞌan tɛɛns kɔnꞌɔb kɔnꞌɔb kpaam kɔnꞌɔb kɔnꞌɔb tʋʋma yela. O da naae Mfantsipim School nɛ Kwame Nkrumah University of Science and Technology. Onɛ an kpɛɛm kanɛ buon chief executive officer tis Ghana National Gas Company.

Pinꞌilig nɛ sakur

Benjamin Asante anɛ Asante-Akyem nid ka yit Juansa ka ba da dʋꞌa o Kumasi linɛ bɛ Ashanti Region Ghana sʋꞌʋlim ka o dʋꞌadib an Kwasi Aninakwa-Asante nɛ Gladys Mensah. O da kɛŋ sakur nɛ Bantama/Asokwa Presby primary schools, nɛ State Experimental nɛ City of Kumasi middle schools. On da di yaꞌani bɛ akarimgaad taaba ni la, O da tɔlisi kɛŋ Mfantsipim School linɛ bɛ Cape Coast la, anina ka o da paam o GCE Ordinary Level nɛ GCE Advanced Level kasɛta gbana. O da tɔlis tuoni kɛŋ Kwame Nkrumah University of Science and Technology, Kumasi, da diꞌe kasɛta gbaʋŋ kanɛ buon Bachelor of Science in chemical engineering. O da tɔlisi kɛŋ University of Calgary, Canada, da maal o Master's degree in chemical engineering. O lɛn paam zamisigi bɛ Multiphase (Oil and Gas) Flow bɛ Imperial College London ka University of Calgary ka o diꞌe gbaʋŋ kanɛ an PhD in chemical engineering.

Tʋʋma

On da naae university yʋʋm tusir, kɔbiswai nɛ pisnii nɛ anaasi ni la, Asante da diꞌe gbaʋŋ ye o kɛŋ National Industrial Company linɛ bɛ Kumasi la maal o national service. O tʋm ntɛ tʋʋma zinꞌis bɛdigʋ bɛ Canada, US, nɛ Ghana an tuongat ka saꞌaliba zinꞌis bɛdigʋ. O mɛ tʋm inginiya tʋʋma, nɛ tʋʋm siꞌeba bɛdigʋ bɛ dunia tɛɛns bɛdigʋ ni, tɛɛns la siꞌeba an Abu Dhabi, Argentina, Australia, Bangladesh, Bolivia, Brazil, Canada, Chile, China, Colombia, Ghana, Indonesia, Malaysia, Mexico, Pakistan, Papua New Guinea, Peru, Russia, South Korea, Thailand, Vietnam, nɛ US. O mɛ lɛn tʋm saꞌan saꞌan tʋʋma tis World Bank nɛ Asian Development Bank.

Asante zamis nidib banɛ naae ba yiiga univɛsity zamisig ka tɔlisid tuon la ban fʋnꞌɔd kpaam yit tɛŋin siꞌem bɛ Kwame Nkrumah University of Science and Technology nɛ Imperial College, London. O baŋir da yi paalʋ ni na nɛ yʋʋm tusayi nɛ ayɔpɔi ni ka Ghana nyɛ ka kpaam bɛ tɛŋin la zuoe la. Onɛ da an tuongat gɔsidi li yela ka da lɛn mɔri li fʋnꞌɔr baŋiri yi yʋʋm tusayi nɛ anii la ni na. O tʋm tʋʋma bɛ Nova-TransCanada, Jacobs Engineering, nɛ Enron. On da bɛ Enron la, onɛ da an tʋmtʋm kanɛ da tʋm gaad o taaba yʋʋm tusayi nɛ yinnɛ  la ni.

Asante paas nidib anu banɛ yit Africa ka ba da buolil ba bɛ United States Department of Energy ye ba sʋŋi sɔb gbaʋŋ pɛbisim nam kɔnꞌɔb kɔnꞌɔb yela. O da paasi pansig gaas yela zaba kanɛ da bɛ Bolivia nɛ Brazil yʋʋm tusayi nɛ anaasi.O tum kpaam tuuma dunia zin'is bedigu.

Ghana Gas gaŋir

Yʋʋm tusayi nɛ piinɛ ayɔpɔi, yʋʋm paal nwadig la ni, President Nana Akufo-Addo da gaŋ o ye o an CEO tis Ghana Gas. Asante da diꞌe nɛ George Yankey nɔbir, onɛ da yel tʋmtʋmnib kpɛɛmnam la ye o bɔɔd saŋa ye o kʋli vʋꞌʋs la. Ban da gaŋ o nyaꞌaŋ la, nidib siꞌeba banɛ da bɛ Nzema sʋꞌʋlim baba, zinꞌig kanɛ ka Ghana Gas bɛ la da pʋ siꞌak nɛ ban da gaŋ Asante la. Ban pʋtɛnꞌɛr da anɛ ye Asante da paas yelsiꞌeba pʋʋgin ak li da kaꞌ sʋꞌʋm, on da tʋmmi bɛ Ghana National Petroleum Corporation la. Ba da yel ye ba yisim gbana na ka ba gɔs ye Asante da nɔk o mɛŋi paas ligidi diib pʋʋgin bɛ. Nidib siꞌeba mɛ da duoe ziꞌen ye ban siꞌak gaŋir la. Ban da gbanꞌa ye banɛ pʋ bɔɔd ye ba siꞌak la mɔr Kaku Sagary Nokoe kanɛ yiti ba tɛŋin la ba pʋtɛnꞌɛrin ka bɔɔdin ye gomɛna gaŋin on. Yʋʋm tusayi nɛ piinɛ ayɔpɔi, Fulumfug nwadig la ni, Awulae Agyevi Kwame II, Paramount chief of Nsein, naꞌab kanɛ da gaad tuoni bɔɔd ye gomɛna tiꞌakim o la da yina nwɛꞌɛ nyɔꞌɔg ye on na tʋm nɛ o, o da bas pʋtɛnꞌɛr kanɛ ka o da mɔri bɔɔd ye ba gaŋ o tɛŋ nid la.