Black Girl
| Inception | 1966  |
|---|---|
| Title | La Noire de... |
| Assessment | Bechdel test |
| Genre | drama film |
| Publication date | 1966, 17 Dɔnwalig/Nwadisanaasi 1966, 5 Vaala/Nwadisanu 1967, 12 Yʋʋmpaal/Nwadisayi 1969 |
| Country of origin | France, Senegal |
| Original language of film or TV show | French |
| Director | Ousmane Sembène |
| Screenwriter | Ousmane Sembène |
| Cast member | Mbissine Thérèse Diop |
| Producer | André Zwobada |
| Narrative location | Senegal |
| Aspect ratio (W:H) | Academy ratio |
| Color | black-and-white, color |
| Review score | 97%, 8.1/10, 75/100 |
| Distribution format | video on demand |
| BBFC rating | 15 |
| CNC film rating (France) | no age restriction |
| IMDA rating | NC16 |
Black Girl anԑ sini kanԑ ka ba da maal 1966, onԑ da sͻbi li ka gͻsi li maalʋg yela anԑ Senegal dim sini maan kanԑ ka o yʋ’ʋr buon Ousmane Sembène.[1] Li da dͻlis nԑ sͻlima kanԑ bԑ Sembène's 1962 gbaʋŋ Voltaique pʋʋgin, ka li anԑ bʋnlinԑ sit da maal ka ba nͻki li maal sini la.
Lin pin’il si’em anԑ Mbissine Thérèse Diop ka buon o Diouana sini la ni, pʋ’asadir kanԑ yit Senegal tԑŋ kanԑ buon Dakar tu suori kԑŋ Antibes, France, ye o tʋm tʋʋma tis daʋ nԑ o pʋ’a banԑ yit Fariŋ. On da paae France la, Diouana da tԑn’ԑs o sʋʋnrin ye o na kԑŋ tuoni yuoli ba biis wan wʋʋ on daa niŋid si’em la. Amaa, on kԑŋ paae Antibes la, Diouana nyԑ namisigi yi pʋ’a la nԑ o sid la ni, ba kԑ ka o tʋm tʋʋma wan wʋʋ yamig nԑ. O sunf da san’am hali ka o zi’ on maan o mԑŋ si’em bԑ France.
Black Girl anԑ yiiga sini kanԑ yi Sub-Saharan African ka banԑ maali li yit Africa ka li yʋ’ʋr paae tԑŋ-tԑŋ.[2]
Maalig suor
[dɛmisim gbɛlima | dɛmisimi din yi zin'isiana]Sini la pin’il nԑ ka Diouana tԑn’ԑsid o bԑilim kanԑ ka o bԑ France, tʋm yammʋg tʋʋma nԑ on da bԑ o mԑŋ tԑŋin Senegal la.
O tԑn’ԑsig la ni paal ye o yinԑ tԑŋkpԑŋ kanԑ an nͻŋ tԑŋi bԑ Dakar. O tԑŋ nidib la tita’am pʋ kԑŋ sakur dͻͻginԑ, ka o ԑԑnti gilig tԑnpʋʋgin la ied tʋʋma ye o tʋm. Daar yinnԑ ka Fariŋ dim pʋ’a kanԑ ka ba buon o 'Madame' kԑn ba tԑŋin la na bͻͻd tʋmtʋm ka gaŋ Diouana yii o pʋ’ataaba banԑ da bͻͻd tʋʋma ni. O da gaŋ Diouana nԑ on da pʋ kpԑlim ied tʋʋma wan wʋʋ o pʋ’ataaba la zug; O da pʋ maal o mԑŋ wan wʋʋ o taaba la nini da muoe ka ba maan si’em la. Pin’ilig la, Madame da nͻk Diouana tʋʋma ye o an biyuol bԑ Dakar. Diouana da tis pʋ’a la piigin kanԑ ka o da da’ dasaŋbil sͻ’ ni 50 guineas, ka ba nͻki li ya’ali ba yin la. Diouana ya’a da pʋ tʋm tʋʋma, o da yitnԑ ka on nԑ o sabua sͻnsid. Monsieur nԑ Madame da gban’a ye ba mͻr Diouana kԑŋ ka o tʋm tʋʋma bԑ France. Diouana sʋnf da malis hali ka o tԑn’ԑsid on na kԑŋ France ka o bԑilim an si’em.
On da paae anina la, Diouana tʋʋma da anԑ ye o dʋg diib ka dʋʋs zin’ig la tis daʋ la nԑ o pʋ’a la nԑ ba zuanam. Madame da mͻr o namisid ka Diouana yʋ’ʋn zi’ o tʋʋma bԑn nԑ. O da tԑn’ԑs ye o na yuol biis wan wʋʋ on da tʋm siel Senegal ka da tͻn’e yit yi’iŋ la lin na niŋ si’em ka o nyaŋi kaae gilig France. Amaa on da paae France, o da pʋ yit yin la yi’iŋͻ, o da bԑnԑ yin la dʋgʋd diib ka piisid ma’a—anina ka’a wan wʋʋ on da bԑ Senegal ka nyaŋidi yit yi’iŋ la. Diouana ya’a ti nͻk fuug kanԑ vԑnli yԑ ka pid ta’ad sʋʋma, pʋ’ala pʋ si’akida, o ԑԑnti tans o ye, "Da tamm ye fʋ anԑ tʋmtʋm nԑ." Ba da maan di’ema anina ka ba zua yinnԑ muak o nͻͻr ka yel ye, "m nan zi’i muak pʋ’asadir nͻͻr ka o an ninsabiliga"
Diouana ma da sͻb gbaʋŋi tͻlim tud na ka Monsieur karimi li tis o. Diouana ma’ da ye bͻͻ maal ka li yʋʋg ka o pʋ wʋm o dammir bԑ ka paas ye o tis o ligidi na. Diouana da aans gbaʋŋ la bas. Madame da pʋ basid o suor ka o gbisid titua nԑ ka ԑԑnti tans o ye o duom tʋm tʋʋma. Diouana da bͻͻd ye o di’e piini kanԑ ka o da tis pʋ’a la ka zaba duoe. Madame da yel Diouana ye o ya’a pʋ tʋm tʋʋma la, o kʋ di diib yin la. Saŋa da kԑna ka Diouana da zan’as ye o kʋ lԑn tʋm tisiba ya’asԑ. Monsieur da gban’a ye o yͻ Diouana o yͻͻd ka o zan’as ligidi la, li nya’aŋ ka Diouana kpԑn’ԑ sʋʋb zin’igin yin la kͻdig o mԑŋi kpi. Sini la naar la Monsieur da lԑb Senegal nԑ Diouana baagi, piini kanԑ ka o daa tisi ba la, nԑ ligidi ye o tis o yir dim. O da tis Diouana ma ligidi ka o zan’as. Monsieur da yit tԑŋin la ka dasaŋbil kanԑ da kuos Diouana piini la zͻti dͻl o.
Maanmaanib
[dɛmisim gbɛlima | dɛmisimi din yi zin'isiana]- Mbissine Thérèse Diop an Gomis Diouana
- Anne-Marie Jelinek an Madame
- Robert Fontaine an Monsieur
- Momar Nar Sene an Diouana sabua
Maalig
[dɛmisim gbɛlima | dɛmisimi din yi zin'isiana]Sini la maalig ni, onԑ gban’ad footo ka tʋm nԑ Actualitiés Sénégalaises da nͻk Mbissine Thérèse Diop footo, ka onԑ maan sini ka o yʋ’ʋr buon Sembène nyԑ li, o da kԑŋi sial Diop kati wa’ae Black Girl yela. Diop yir-dim da pʋ siak ye Diop maal sini, amaa, Sembène kԑn la da kԑ ka Diop si’ak ye o na paasi maal. O yir-dim nԑ o kpi’es da pʋ siak ye o maal sini la, ka da la’ad o.[3] Sini la tita’am da nͻk nԑ Senegal, ka Diouana pian’ad la ka sͻ’ da tuasi lԑbis Fariŋ buudi pian’ad ni.[4] Yʋʋm tusayi nԑ piinԑ ayuobʋ k aba da sͻns nԑ Diop la, o da pa’al ye fuud banԑ ka o yԑ bԑ sini la ni la wʋsa da anԑ o mԑŋi maal, li ya’a ka’a fuug kanԑ da lʋm la ma’anԑ, bͻzugͻ, o da anԑ onԑ sԑԑnd fuud.[4]
Onԑ da an kpԑԑm bԑ Ministry of Cooperation’s Cinema Bureau da zan’as Black Girl lin wa’am la zug, banԑ da gͻsid sini banԑ ka ba maam Fariŋ buudi pian’ad ni yela ka yͻͻdi ba.[5] Sembène da sie sini la wa’alim lԑbis hawa yinnԑ lin na niŋ si’em ka ba siaki li. Ba da pʋ san’am ligidi wala sa maal sini la. Sembène da pa’al ye o sini maalig la pʋ mͻr ligid san’aŋ wala.[6]
Li gbin
[dɛmisim gbɛlima | dɛmisimi din yi zin'isiana]Gbaʋŋ kanԑ ka Jonathan Rosenbaum da sͻb yʋʋm tusir, kͻbiswai nԑ piswai nԑ ayͻpͻi ka pʋdi li yʋ’ʋr ye Movies as Politics, la da pa’al ye Black Girl anԑ sini kanԑ pini sini maalig bԑ sub-Saharan Africa, hali ka onԑ da gͻsi l yela an onԑ ka ba dʋ’a o ka o nͻbig Africa sʋ’ʋlim.[7]
Linԑ paas ya’as, sini la ka Senegal dim pʋ’a sͻ’ da pa’ali li gbin ye li pa’al nԑ nidib nԑ tԑԑns banԑ ka na’asaanam di’e ba tԑŋ ka namisidi ba la yela.
Ya’an piini
[dɛmisim gbɛlima | dɛmisimi din yi zin'isiana]- 1966, Prix Jean Vigo for best feature film
- 1966, Tanit d'Or, Carthage Film Festival[8]
Gbanvԑԑnsa
[dɛmisim gbɛlima | dɛmisimi din yi zin'isiana]- ↑ Nowell-Smith, Geoffrey (1996). The Oxford History of World Cinema. ISBN 0-19-874242-8.
- ↑ Ponzanesi, Sandra and Verena Berger. "Introduction: genres and tropes in postcolonial cinema(s) in Europe", Transnational Cinemas, Vol. 7, No. 2, 2016
- ↑ Ellerson, Beti (1999). Sisters of the Screen: Women of Africa on Film, Video, and Television. Africa World Press. ISBN 978-0865437135.
- 1 2 "M'Bissine Thérèse Diop on BLACK GIRL". The Criterion Collection. 2016. Retrieved 31 August 2025.
- ↑ Clark, Ashley (23 January 2017). "Black Girl: Self, Possessed". The Criterion Collection. Archived from the original on 22 April 2025. Retrieved 31 August 2025.
- ↑ "Ousmane Sembène, Cinematic Revolutionary". Harvard Film Archive. 19 January 2024. Retrieved 1 September 2025.
- ↑ Rosenbaum, Jonathan (1997). Movies as Politics. Berkeley, Calif: University of California Press. pp. 284. ISBN 0-520-20615-0.
- ↑ La noire de... - IMDb, retrieved 6 October 2022