Chef Faila

Chef Faila, kanɛ ka nidib wʋsa mi'i la yʋ'ʋri buon Failatu Abdul-Razak. O anɛ Ghana dim didʋgʋd kanɛ da mukid ye o di bɛɛ o an yiiga sɔb kanɛ zi'enɛ o nɔba zugu yuugi dʋg diib kɔn'ɔb kɔn'ɔbi  bɛ a-tʋm-gaad-taaba kanɛ ka  Guinness World Record dim yiti maan la. O da nyaŋi zi'enɛ dʋg diib la anwa hali kɔbisyi nɛ pisi nɛ ayɔpɔi (227). O da pin'ili yʋʋmpaal 1, 2024 ka naae Yʋʋmpaal 10, 2024 la ni.   La'am nɛ on da muk hali tʋm gaad onɛ da dɛŋi an ya'an dit ka o yʋ'ʋr buon ye Alan Fisher ka o mɛn da dʋg diib awa (119  nɛ mit'ti 57) la, ba da zan'asnɛ ka pʋ kɛ ka o di ya'an laa bɔzʋgɔ di da pʋ dɔl nɛ Guinness World Records dim la wadaa.

Amaa la'am nɛ wala wʋsa,  Chef Faila  cook-a-thon la da bɛɛ li kɔn' Ghana ni.Di da vɛ'ɛg nidib nɛ tʋʋma lʋga kɔn'ɔb kɔn'ɔbi  la'as na ka ba kpɛmis o. O mɔdigir nɛ o nimmʋa da kɛ ka nidib sʋʋnr ma'ae o yɛla. Ka ye o nyaŋi  la'as nidib ka li mɔr nɔɔryinne na tis nidib wʋsa. O mɛ da bigis din ma'ae o sʋʋnr si'em nɛ nidib la kena sʋŋ o la, ka ye di na kɛ ka o maligim keŋ tuonɛ bɔ si'elnam bɛdigʋ dunia ni.