Chef Fregz

Chef Fregz

ninsaal

Sex or gender	Dau
Country of citizenship	Nigeria
Du'am yuum	20. century
Duam zin'ig	Abeokuta
Tuuma	businessperson
Educated at	Covenant University, Le Cordon Bleu
Academic major	Industrial Relations and Human Relations
Start of work period	2004

Gbubemi Fregene, ka ba bʋon o ye Chef Fregz la anɛ onɛ dʋgid ka yit Nigeria.

Biilim saŋa nɛ Sakʋr

Ba dʋa Gbubemi Fregene nɛ Abeokuta. O da nobig nɛ Benin City. O da zamis’ nɛ nu’ugtʋʋm nɛ niŋsaalib la’ad morim Covenant University nɛ diib dʋgib Le Cordon Bleu Culinary Institute ka li bɛ France.

Tʋʋma

Gbubemi da sin’iŋi o diib zamisug la nɛ Oakwood Park ni, nɛ Protea Hotel ni yʋma tusa ayi nɛ anaasi ka da kiŋ tʋoni tɔlis Oleander Lodge yʋma tusa ayi nɛ ayɔpoi ka la’am kpɛlim zamisid. Yʋma tusa ayi nɛ awai la, o da sin’iŋi o mɛŋ diib dʋgib zin’ig ka li yʋʋr an DVARD dugib zin’ig. Fregene da bas Nigeria yʋma tusa ayi nɛ piiga sin’iŋirin ka kiŋ ye o zamis Le Cordon Bleu diib dugib ka li bɛ Paris, France tɛŋin, o da diɛ’ diib dugib la gbaŋ. On da bɛ sakurin la, o da zamis fariŋ dugib ka lɛm zamis tɛns kɔn’ɔbkɔn’ɔb dugib. On da naae o zamisug Le Cordon Bleu la, o da tʋm saŋa biela da’an diib zin’ig Paris wadis piiga la ni yʋma tusa ayi nɛ piiga kiŋ paae bʋnia yaʋŋ wadisa ayi yʋma tusa ayi nɛ piinɛ yinne. Ba da kɛya ka Fregene kpɛlim diibkʋosim zin’ig la, on da naae o dabisa biela zamisug la.

Gbebumi ka lɛb Nigeria na maali o mɛŋ yʋ’ʋr ka paam Nigeria na’akim ka ba bɔɔd ye ba zamis dʋgib la mɛn. On da bɔɔd ye o maal na’akim la bɔɔdim ka ba yaŋi sɔn’sid nɛ kpɛɛmnam la, o da maligim nobigi o zin’ig la nɛ, ka ɛnti maal ala’asidʋg waad saŋa, lin yʋʋr anɛ Chef Fregz linɛ bɛ li kɔ’. Gbebumi mɛ nam’mi an sariakad adʋgigaadtaaba nam ni bɛ Nigeria la’am nɛ Knorr Taste Quest.

Mɛŋ vʋ’ʋm

O da di’ Kemi Lala Akindoju wadisa awai la ni yʋma tʋsa ayi nɛ piinɛ anii ka ba dʋa biribiŋ bʋnia yaʋŋ wadisa ayi la ni yʋma tusa ayi nɛ pisi nɛ yinne.