Dashiki

A Dashiki (/dəˈʃiːki, dɑː-/, də-SHEE-kee, dah-)^[1]^[2] anɛ fukanɛ an yɔla, ka di nɛɛsim nie nyain ka di mɔr kpinnim nɛ Africa malima.^[3] Di mɛ mɔr kpinnim nɛ counterculture dinɛ da naam yʋʋm tusir, kɔbiswai nɛ pisyuobʋ nam ni (1960s) bɛ United States. Sitaai kanɛ ka nidib bɛdigʋ miꞌ anɛ dinɛ lusi agɔl pʋsʋg la (sien paae niŋgɔɔnrin). Di da pinꞌili bɛnɛ West Africa. Ka dinɛ bɛ zinꞌig wʋsa anɛ dinɛ lus niŋgbiŋ la wʋsa, ka di nuŋgɔɔnrin la an wʋʋ V la. Ba ɛɛnti nɔk gummi nwɛꞌ niŋgɔɔnrin la nɛ nuꞌus la. Ba tunꞌe yɛɛ zinꞌi yin bɛɛ keŋ tʋʋma.

Labakʋda

"Dashiki" yinɛ Yoruba buudi pianꞌad ni, zinꞌkanɛ ka ba da mɔri paꞌan fuwɔk kanɛ ka ba da maali bɛ West Africa ka di an dap sieba nuꞌug tʋʋm. Yoruba pianꞌʋk "dashiki" yinɛ Hausa pianꞌʋk kanɛ an "dan ciki,"^[4] ka di gbin an fuug la ni. Dashikis anɛ dinɛ ka dap nɛ pʋꞌab da yɛɛt. Fukaŋa kɛtnɛ ka onɛ yɛɛ li la niŋgbina maꞌae sankanɛ ka tʋʋlʋg bɛ Africa. Dashiki da anɛ tʋʋma fuug saŋa biꞌela.

1960s US counterculture

Nidib bɛdigʋ yʋꞌʋn da baŋ dashiki bɛnɛ hippie buudi malima ni yʋʋm tusir, kɔbiswai nɛ pisyuobʋ nam la saŋa (1960s). Peace Corps niidib banɛ da naan Africa lɛbid la da mɔr dashiki nami lɛbna. Africa nintitaꞌabanɛ bɛ United Nations nɛ New York la da yɛɛtnɛ dashiki banɛ siꞌim an kɔnꞌɔb-kɔnꞌɔb ka vɛnl hali. Dashiki nam da anɛ zanbinnɛ paꞌan ye onɛ yɛɛ di la zabidnɛ ninsabilis yɔlisim yɛla. Laꞌasʋg nam nwɛnnɛ Black Panthers da yɛɛtnɛ Dashiki ye di paꞌal ninsabilisi malima an siꞌem. The Afro hairstyle, faded blue jeans nɛ Dashiki nam wʋsa anɛ bʋmbanɛ da paꞌal ye ninsabila vɛnl hali malima paꞌalʋg.^[5]^[6]

Yʋʋma laꞌasʋg nam

Rock laꞌasʋbanɛ da bɛ yʋʋm tusir kɔbiswai nɛ pisyuobʋ nam nɛ pisyɔpɔi nam saŋa la da yɛɛtnɛ Dashiki nam. Amaa ninsabilis diꞌem-diꞌemnib banɛ da bɛ sankan win la da nɔŋnɛ ba yɛ koot nɛ taai. Amaa yʋʋm tusir kɔbiswai nɛ pisnii nam la saŋa, ninsabilis laꞌasʋg nam da yɛɛtnɛ dashiki ye ba paꞌali ba buudi. South Africa yʋʋma laꞌasʋg yinne ka di yʋꞌʋr an Ladysmith Black Mambazo', da yɛɛtnɛ dashiki nam saŋa pamm. Nɛꞌ da paꞌal ye ba anɛ Africa dim gaad Zulu nam.

Gbanvɛɛnsa

↑ "dashiki". Merriam-Webster.com Dictionary. Merriam-Webster. Retrieved 2024-10-11.
↑ "dashiki". Oxford English Dictionary (Online ed.). Oxford University Press. doi:10.1093/OED/9458810232. Retrieved 2024-10-11.
↑ "The Amazing History and Evolution of The Dashiki". UnorthodoxReviews. 27 June 2020.
↑ "dashiki". Merriam-Webster Online Dictionary. Retrieved 2019-03-13.
↑ <"Power Anywhere Where There's People". Historyisaweapon.com. Retrieved on 2020-02-21.
↑ Wolff, Norma H. "Dashiki". LoveToKnow.

[1] "dashiki". Merriam-Webster.com Dictionary. Merriam-Webster. Retrieved 2024-10-11.

[2] "dashiki". Oxford English Dictionary (Online ed.). Oxford University Press. doi:10.1093/OED/9458810232. Retrieved 2024-10-11.

[3] "The Amazing History and Evolution of The Dashiki". UnorthodoxReviews. 27 June 2020.

[4] "dashiki". Merriam-Webster Online Dictionary. Retrieved 2019-03-13.

[5] <"Power Anywhere Where There's People". Historyisaweapon.com. Retrieved on 2020-02-21.

[6] Wolff, Norma H. "Dashiki". LoveToKnow.

[1]

[2]

[3]

[4]

[5]

[6]