Sɛnlʋŋ: Dunia tiaknɛ

D U N I A     T I A K N Ɛ

Dunia tiaknɛ!! Dunia tiaknɛ!! Dunia tiaknɛ!!

Anͻ’ͻn tiak dunia la?

Mam nɛ fʋ tiak dunia la

Ti yaanam saŋa la

Winnig da tansidnɛ Ya-nya’aŋ ka lit Ya-tuon

Ka nwadig tansid ya-tuona ka lit ya-nya’aŋ

Li nan kpɛn anɛ ala.

Anͻ’ͻn tiak dunia la?

Mam nɛ fʋ tiak dunia la

Ti yaanam saŋa la

Sͻ’ ya’a da kpi asɛɛ ka kpɛɛmnam la’as

Ka kʋʋr kaas ka gͻͻginam nwɛ'

ka binna nwɛ' ka baaŋ baam

Amaa nananna sͻ’ ya’a kpi

o pun kʋ basi o mɛŋi naae

Ka ba lͻ dɛknami zi’el ka nyaan tʋm kʋya.

Anͻ’ͻn tiak dunia la?

Mam nɛ fʋ tiak dunia la

Ti yaanam saŋa la

dau da ɛɛnti binɛ paae dau bɛn

ka nyaan di pʋ’a,

ka pʋ’a mɛ bii paae pʋ’a bɛn

ka nyaan kul sid

Amaa nananaa biisi dit biis du’ad biis.

Anͻ’ͻn tiak dunia la?

Mam nɛ fʋ tiak dunia la.