Andrew Egyapa Mercer

Andrew Egyapa Mercer

ninsaal

Sex or gender	Dau
Country of citizenship	Ghana
Zak yu'ur	Mercer
Du'am yuum	25 Sigsaa/Nwadisayuobʋ 1973
Duam zin'ig	Ghana
Father	James Mercer
Languages spoken, written or signed	English
Tuuma	politician, lawyer
Position held	Member of the 7th Parliament of the 4th Republic of Ghana, Member of the 8th Parliament of the 4th Republic of Ghana
Educated at	University of Ghana, Ghana lɔyanam sakur
Member of political party	New Patriotic Party
Religion or worldview	Christianity

Andrew Kofi Egyapa Mercer (25 May 1973) anɛ Gaana lɔya nɛ pɔlitiks nwɛꞌɛd. O paasnɛ Wabʋg Naꞌadɔɔg, NPP la ni. Onɛ an Wadmaani tis Secondi sʋꞌʋlim n bɛ Westhern Region, Gaana la. O da diꞌe Naꞌam la yinɛ Papa Owusu-Ankomah, onɛ da an Wadmaan yʋma pisi la nuꞌugin.

On sinꞌiŋ siꞌem nɛ o sakur yɛla

Ba da duꞌa Andrew Kofi Egyapa Mercer nɛ Sekondi n bɛ Western Region sʋꞌʋlim, Ghana la. O saam da anɛ James Mercer, onɛ an Gaana lɔya nɛ Gbammiꞌid la. O da keŋ Chapel Hill Preparatory Schooli bɛ Takoradi la o primary saŋa. Ka tɔlis keŋi Adisadel College n bɛ Cape Coast la, ani ka o da diꞌe o GCE Ordinary level nɛ GCE Advanced level kasɛtta gbana. O da paam suori kpɛnꞌ University of Ghana, o da naae ani ka diꞌe Bachelor of Arts in Humanities nɛ Bachelor of Laws kasɛtta gbana. O da lɛn keŋ Ghana School of Law zamis ka yʋꞌʋm paam suori lieb lɔya Gaana kpɛla on da sɔbi ba karim gaad taaba ka di bʋʋt la yɛla.

O tʋʋma yɛla

Egyapa Mercer da pinꞌili o tʋʋma nɛ nwɛnɛ sakur bilnɛ Messrs. Acquah-Sampon and Associates, banɛ maan sininami bɛ Accra la yʋʋm tusa ayi nɛ anaasi (2004) la ni. O da naal First Atlantic Bank n bɛ Ankara la yʋma tusa ayi nɛ ayɔpɔi la ni (2007) tʋmi assistant manager tʋʋma ka tɔlis tuoni yʋꞌʋn lieb kpɛɛm tis banɛ gɔsid wada yɛla la (head of the legal department). On da bɛ First Atlantic, o da nyaꞌ yʋʋm tusa ayi nɛ pii nɛ ynne (2011) la ni nɛ Naꞌadɔɔg nidib ka Papa Owusu-Ankomah di ka bas o. Yʋʋm tusa ayi nɛ piinɛ atan la ni ka o da basi o tʋʋma la ka keŋ yɔꞌɔgi o mɛŋ tʋʋma dinɛ yʋꞌʋri an Messrs. Mercer and Company, banɛ tʋm lɔyanam tʋʋma, Ankara.

O pɔlitiks bɛlim

Egyapa Mercer da zuŋi o pɔlitiks nwɛꞌɛbnɛ yʋʋm tusa ayi nɛ piinɛ ayuobʋ Nwadisa anii la ni dabpiinɛ anaasi daar (14 August 2016) Sekondi pʋʋgʋn. O zuŋir la nii, nidib bɛdigʋ da nwɛnɛ Alan John Kyerematen, da pianꞌ ya ka saꞌal nidib la ye ba vɔɔtim tisi Egyapa Mercer nɛ Nana Akuffo-Addo ka ba liebi ba Wadmaanib nɛ ba pirɛsidɛn. Yʋʋm tusa ayi nɛ piinɛ ayuobʋ, December 2016 vɔɔt la da nan bɔɔd paar la Naꞌanyaꞌadib la da tʋm tʋʋma bɛdigʋ paꞌal nidib la ye ba vɔɔtim tisi ba. Yinne, Naꞌanyaꞌadib la da nwaꞌas taaba Sekondi Methodist Park la ni. Egyapa Mercer da nyaŋi Emmanuel Assifuah onɛ an Maꞌasim tiig Naꞌadɔɔg, National Democratic Congress nid la, Daniel Essuman onɛ an Progressive People's Party nid la, nɛ Peter Arthur onɛ bɛ Convention People's Party la. Egyapa Mercer da paam vɔɔtnam tusa piinɛ ayuobʋ, kɔbisnii nɛ pistan nɛ awai (16,839) dinɛ an pisnu nɛ awai duꞌal pisnaasi nɛ ayɔpɔi kɔbiga pʋʋgin la (59.47%) yi vɔɔtnam la wʋsa pʋʋgin.

Wadmaan tʋʋma

On da an Wadmaan la, Egyapa Mercer da kpɛn bɛnɛ nɛ o sʋꞌʋlim dim ka nyaŋi maal dinɛ ka o daa yɛli ziꞌel ye o na maal la. Tʋʋmbanɛ ka o daa tʋm la sieba anɛ o da tis kɔmputanam anu (five desktop computers) nɛ d laꞌad ka di sam na an nwɛnɛ Dolar tusa anaasi (US$4,000) Sekondi gbana buorig (Library). Nɛꞌ da anɛ ye di sʋŋ paꞌalʋg nɛ zamisʋg o sʋꞌʋlim la. O da lɛn sʋŋi yɔ Gaana siidi tusa anu GH₵5,000 sam kanɛ ka Sekondi Eleven Wise, a Division 1 league club bɛ o sʋꞌʋlim la da mɔr bɛ Ghana Football Association; ka banɛ bɔɔd bɔɔl nwɛꞌɛdib la yɔ sam kanɛ kpɛlim la, Gaana siidi tusir yinne nɛ kɔbis tan GH₵1,300.