Emelia Brobbey

Emelia Brobbey

ninsaal

Sex or gender	pua
Country of citizenship	Ghana
Yu'ur Kane ka ba tis o	Emelia
Zak yu'ur	Brobbey
Du'am yuum	6 Yʋʋmpaal/Nwadisayi 1982
Duam zin'ig	Akyem
Languages spoken, written or signed	English
Tuuma	actor, entrepreneur
Educated at	Presbyterian College, ICM, Ghana Institute of Management and Public Administration, Akim Swedru Senior High School
Start of work period	2002
Magnum opus	Asantewaa
Award received	Best Actress

Emelia Brobbey (ba dʋ’a o nɛ yʋʋm tusir, kɔbiswai nɛ pisnii nɛ yi’, pin’ilig nwadig daba yu’obʋ daar, 6 January 1982) anɛ Ghana nid kanɛ an sini maan, one tisid labaya TV ni ka len an yʋmyʋm. O paasi maal Ghana sini nam bɛdigʋ Ghana kpala. O da di ya’an piini kanɛ buon Best Indigenous Actress of the Year ka ba len gaŋ o paas o taaba piin kanɛ ka ba buon Best Supporting Actress of the Year bɛ City People Entertainment Awards yʋʋm tusayi, nɛ piinɛ yuɔbʋ la (2016). O da di ya’an piini kanɛ an Best Gallywood Actress and Best Philanthropist bɛ 3G Awards, New York yʋʋm tusayi, nɛ piinɛ nii la (2018). O da len di ya’ani bɛ yʋʋm tusayi, nɛ piinɛ wai (2019) an Best Actor Female indigenous bɛ ZAFAA Global Award ka banɛ da tis piini nwa’ an African Film Academy Awards.

Pin’ilig nɛ sakur yela

Ba da dʋ’a Emelia Brobbey nɛ yʋʋm tusir, kɔbiswai nɛ pisnii nɛ yi’, pin’ilig nwadig daba yu’obʋ daar (6 January 1982) ka o nɔbigi bɛ Akyem Swedru linɛ bɛ Eastern region sʋ’ʋlim, Ghana. O anɛ Samuel P Brobbey pʋ’ayʋa. O da zamis gbaŋi bɛnɛ Akyem Swedru Secondary School, o O-level ka kɛŋ tuoni paae Presbyterian Teacher's Training College, anina ka o paae pa’an-pa’an baŋir. On paam pa’an-pa’anib tʋʋma gbaŋ, Teacher's Certificate 'A' nya’aŋ la, ba da tud Emelia nɛ Obuasi, anina ka o pa’al biis agricultural science. Ka kɛŋ tuoni kpɛn’ɛ sini di’ema pʋʋgin. O mɛ mɔr labaya di’esidib gbaŋ, diploma in Journalism, bachelor's degree bɛ Human Resource Management nɛ ICM certificate bɛ Broadcast Journalism.

Yʋʋma

O da yis o kɔn’ɔ-kɔn’ɔ ma’a yiiga yʋʋma kanɛ an "Fa me ko" nɛ yʋʋm tusayi, nɛ piinɛ wai (2019). Nidib da la’a o, bɔzugɔ, o kʋkɔya da pʋ malisa. Yʋʋm tusayi nɛ pisi, pin’ilig nwadig (January 2020), o sa yis o yʋʋm kanɛ paas ayi ka o buol ye "Odo Electric" la.

Ya’an

• Yʋʋm tusayi, nɛ piinɛ nu (2015), o da di ya’an piin kanɛ an "Best International Act” bɛ Royal Africa Awards.

• Yʋʋm tusayi, nɛ piinɛ yɔpɔi (2017), one da an sini maan yiiga paam ya’an piini Africa Gold Award sankanɛ ka ba da tisid piin kanɛ buon humanitarian project awards, ka banɛ da gɔsi li yela an United Nations Economic and Social Council nɛ Alliance Creative Common Project(ACCP) International awards nam la.

• Yʋʋm tusayi, nɛ pisi nɛ yinne (2021), ba da gaŋ o ye o an ambassador for the COVID-19 National Trust Fund.

Sʋŋir

• Yʋʋm tusayi, nɛ piinɛ ayuobʋ (2016), Emelia Brobbey Foundation linɛ ka o sʋ’ʋe la da yis Ghana ligidi million kɔbiga (GHS 10,000) ria Cherubs orphanage dinɛ an kpiibis yiri bɛ Apire kpi’ɛ Santase, Kumasi.

Sini di’ema

Emelia anɛ one mɔr sini nɛ yʋʋma baŋir. Baa on nan an saan sini maalig pʋʋgin la, o baŋir la kɛ ka ba mi’ o yela. O baŋir kanɛ ka o mɔri nyaŋiri dɔlisid di’ema suor sʋ’ʋŋa la kɛ ka nidib nɔŋ o hali. Sini banɛ ka o maal si’eba nwa’:

• Asem

• Mpe Nipa (2007) an Naaba Snr

• Beware (2011) an Abiba

• Madanfo (2013) an Jennifer

• Ohia Asoma Wo (2014) an Vida

• Adofo Asa (2015)

• Kae (2015) an Lina

• Amakye nɛ Dede (2016)

• Adanfo Bone (2017) an Mimi

• Games of Chess (2018)

• Honeymoon (2019) an Angela

• Heroes of Africa: Tetteh Quarshie (2020)

• The Big Six (2022) --

• Kofi sika

O yin yela

Yʋʋm tusayi, nɛ piiga (2010), Emelia da el o sid Dr Kofi Adu Boateng one sʋ’ʋe End Point Homeopathy Clinic amaa ka ba bas taaba yʋʋm tusayi nɛ piinɛ yi (2012). O ane pʋ’a kanɛ ka’a sida ka mɔr biis ayi. O da dʋ’a o yiiga dasaŋ la nɛ on da bɛ sakurin ye o paam pa’an-pa’anib tʋʋma gbaŋ la. O biig dasaŋ kanɛ paas ayi la, da anɛ o sid Doctor Kofi biig ka o da dʋ’a on nɛ yʋʋm tusayi, nɛ piinɛ tan’, nwadis ayʋobʋ, dabpiinɛ atan’ daar (13th, June 2013).