Fried rice

Mui ki'ima anɛ mui diib kanɛ ka ba waai li ka kiimɛ li dug lammirin . Ba yiti gendignɛ la'sieba wʋʋ zɛnvaand, gɛla, ku'omin diib bɛɛ ni'im. Fʋ tunɛ nyaŋi di din ma'a fʋ mɛ tʋnɛ nɔki li pɛ'ɛs di sia zugu di. Mui ki'ima anɛ di kanɛ mɔr yʋ'ʋr hali teŋ gbaŋ zug wʋʋ East Asian, Southeast Asian nɛ  zin'isieba bɛ South Asian diib zin'isin . Mui ki'ima anɛ yin diib kanɛ ka ba zaŋ diib la'ad kɔn'ɔb kɔn'ɔbi gɛndigi maali gaad diib buudi wʋsa. Mui ki'ima da dɛŋi yinɛ Sui dynasty saŋa kanɛ bɛ  China

Mui ki'ima mɔrnɛ buudi kɔn'ɔb kɔn'ɔb ka ba wʋsa mɔr diib la'ad kanɛ ka fʋ na nyaŋi nɔki gɛndig.Ti ya'a gɔs China teŋin,  ti mɔr dinɛ ka ba buon ye Yangzhou mui ki'ima nɛ Hokkien mui ki'ima. Ti mɛ mɔr Japanese chāhan kanɛ an' Japanese dim diib ka ba nyɛ li yi Chinese diibin bɛɛ China dim mui ki'ima ni. Temis wʋʋ Southeast Asia, Indonesia dim, Malaysia dim, nɛ Singapore nasi goreng nɛThai khao phat anɛ di banɛ ka nidib pʋn mi'i li yɛla west sʋ'ʋlʋmin.   Diib zin'is bɛdigʋ banɛ gɔsid nidib banɛ dit vaand la nyaŋi bɔ ba mɛŋ ya'am maal mui ki'ima kanɛ na sʋŋi ba wʋʋ gɛla mui ki'ima.  Fʋ ya'a gɔs diib zin'igin wʋʋ teŋ banɛ pʋ pɛ'ɛs Asia sʋ'ʋlʋmin la mui ki'ima pɛ'ɛsi ba diib buudi kɔn'ɔb kɔn'ɔb la ni.Di mɛ lɛm bɛ Latin American teŋin diib zin'isin nɛ ba buudi kɔn'ɔb kɔn'ɔb wʋʋ, Ecuadorian chaulafan, Peruvian arroz chaufa, Cuban arroz frito, nɛ Puerto Rican arroz mampostea(d)