Iankim keŋ kʋ'ʋlʋmin la

Ghana Armed Forces

Paasim tɔ'ɔŋir suoya
Di yinɛ Wikipiidia
Ghana Armed Force
armed forces
Inception1957 Dɛmisim gbɛlima
Native labelGhana Armed Forces Dɛmisim gbɛlima
CountryGhana Dɛmisim gbɛlima
Headquarters locationBurma Camp Dɛmisim gbɛlima
Official websitehttps://gafonline.mil.gh/ Dɛmisim gbɛlima
Commanded byPresident of Ghana, Nana Akufo-Addo Dɛmisim gbɛlima

Ghana Armed Forces anɛ soogia nam la'as taaba bɛ Ghana. Banɛ laꞌasi li pʋʋgin anɛ Army , Navy, nɛ Ghana Air Force.[1]

Onɛ an kpɛɛm gɔsid Ghana Armed Forces anɛ  Ghana gɔmɛna zugraan, onɛ mɛ lɛn gɔsid Border Guard Unit dim. Banɛ gɔsid armed forces tʋʋma anɛ Minister of Defence nɛ Chief of Defence Staff.[2]

Pinꞌilig

[dɛmisim gbɛlima | dɛmisimi din yi zin'isiana]

Yʋʋm tusir, kɔbiswai nɛ pisyɔpɔi nɛ awai ni,  lʋgir siꞌa da bɛ Ghana ka ba buon Gold Coast Constabulary ka banɛ da pinꞌili li da an Hausa Constabulary dim banɛ bɛ Nigeria yaꞌdagɔbʋg, ka ba tʋʋma da an ye ba gɔs azinꞌin baanlim yela ka tʋm pʋlʋs tʋʋma bɛ Gold Coast dinɛ ka British dim da sʋꞌʋe sankan la. Ba da zabi diꞌe girima yiiga bɛnɛ Ashanti campaign.[3]

Ba da tiak Gold Coast Constabulary yʋꞌʋr la yʋʋm tusir, kɔbiswai nɛ ayinnɛ la ni lɛbis Gold Coast Regiment, ban da pinꞌil West African Frontier Force la, li da anɛ British gɔmɛna da tis nɔɔr. Ba da zamis soogianam gʋm gʋm zinꞌis anu ye ba kɛŋ zab First World War, ban wʋsa da bɛ East Africa zaba la ni. Second World War ni, ba da zamis soogianam gʋm gʋm zinꞌis awai, ka ba siꞌeba da yi Kenya's Northern Frontier District, Italian Somaliland, Abyssinia nɛ Burma ka ba da paas nɛ 2nd (West Africa) Infantry Brigade. [4]

Yin tʋʋma

[dɛmisim gbɛlima | dɛmisimi din yi zin'isiana]

Ghana Armed Forces da pinꞌil nɛ yʋʋm tusir, kɔbiswai nɛ pisnu nɛ ayɔpɔi ni. Major General Stephen Otu ka ba da gaŋ ka o an Chief of Defence Staff yʋʋm tusir, kɔbiswai nɛ pisyuobʋ nɛ yinnɛ, Sɛnlʋŋ nwadig ni. Lin yi yʋʋm tusir, kɔbiswai nɛ pisyuobʋ nɛ ayuobʋ ni waꞌae, Armed Forces da paasi ba mɛŋ gɔmɛna naꞌam nyaꞌab pʋʋgin, ka faae naꞌam nɔɔr babigaꞌ. Kwame Nkrumah da an Ghana gɔmɛna zugraan kanɛ an yiiga tɛŋ la da sʋꞌʋg o mɛŋ yʋʋm tusir, kɔbiswai nɛ pisnu nɛ ayɔpɔi ni la. Nkrumah naꞌam diib saŋa, o da pinꞌil dɔlisid suobanɛ ka o na tʋm nɛ soogianam la, ka li yinnɛ anɛ on da gaans o mɛŋ soogianam banɛ da gʋr o la.[5][6]

Lin zug, yʋʋm tusir, kɔbiswai nɛ pisyuobʋ nɛ ayuobʋ, Fulumfug nwadig, dabpisi nɛ anaasi daar, soogia nam biꞌela ka ba kpɛɛmnam da an Colonel Emmanuel Kotoka, onɛ da an kpɛɛm tis banɛ bɛ Kumasi sʋꞌʋlim, Major Akwasi Afrifa, (kpɛɛm yinnɛ kanɛ gɔsid zaba zamisig yela), Lieutenant General Joseph Ankrah, nɛ J.W.K. Harlley, (pʋlʋs kpɛɛm), da nyaŋi faanꞌe naꞌam nɛ paŋ ka bas Nkrumah, lin ka ba buon 1966 Ghanaian coup d'état la.[5] Banɛ da laꞌas nwaꞌ da maal naꞌadɔɔg kanɛ buon National Liberation Council, ka da sʋꞌʋg Ghana yʋʋm tusir, kɔbiswai nɛ pisyuobʋ nɛ ayuobʋ ni paae yʋʋm tusir, kɔbiswai nɛ pisyuobʋ nɛ awai ni.

Armed Forces da lɛn faanꞌe naꞌam yaꞌas yʋʋm tusir, kɔbiswai nɛ pisyɔpɔi nɛ ayi, yʋʋm paal nwadig la ni, sankanɛ ka ba da vooti gaŋ gɔmɛna ka o kɛna tiasid soogia kpɛɛmnam la. Lieutenant Colonel Ignatius Kutu Acheampong da an ba tuongati bɛ 1972 Ghanaian coup d'état linɛ ka ziim da lɛɛ pʋ kpaꞌae la, ka da faanꞌe naꞌam ka bas gɔmɛna kanɛ ka nidib da vooti tis o.[7] Ba naꞌadɔɔg yʋꞌʋri da an National Redemption Council. Acheampong da kilim gɔmɛna zugraan, ka on nɛ o naꞌadɔɔg la mɔr naꞌam yi yʋʋm tusir, kɔbiswai nɛ pisyɔpɔi nɛ ayiꞌ paae yʋʋm tusir, kɔbiswai nɛ pisyɔpɔi nɛ anu ni.

Yʋʋm tusir, kɔbiswai nɛ pisyɔpɔi nɛ anu, Sawaar nwadig, daba awai daar, Supreme Military Council naꞌadɔɔg dim da kɛna diꞌe ba nɔbir.[8] Banɛ da paasi li pʋʋgin da anɛ Colonel Acheampong, (onɛ da an ba kpɛɛm), Lt. Gen. Fred Akuffo, (onɛ da an Chief of Defence Staff), nɛ kpɛɛmnam banɛ da bɛ army, navy, air force nɛ Border Guard Unit ni wʋsa.

Yʋʋm tusir, kɔbiswai nɛ pisyɔpɔi nɛ anii, Mɔraug nwadig ni, banɛ da paas naꞌadɔɔg la pʋʋgin la da mugus Acheampong ka o sig naꞌam kuk la zug, ka onɛ da diꞌe o zinꞌig an Lt. Gen. Akuffo. Ba da bɔɔd ban na niŋ siꞌem maal yelbanɛ da paad tɛŋgbaʋŋ la; laꞌad ligidi da dʋd nɛ hali abʋtanꞌ yʋʋmkan pʋʋgin. Ba mɛ da gɔs ka Acheampong tʋʋma pʋ paae ba yaꞌam, lin ka ba da tiak o. Akuffo, anɛ da an ba naꞌadɔɔg kpɛɛm la, da pianꞌa paalʋ ni ye o na sig kʋg la zug ka ban naꞌam la tis onɛ wʋsa ka tɛŋ la dim vooti tis o yʋʋm tusir, kɔbiswai nɛ pisyɔpɔi nɛ awai, Mɔtʋl nwadig pinꞌilig daar la.[9]

Ba da bas suor ka naꞌadɔɔg siꞌeba na nyaŋi nyaꞌa naꞌam yʋʋm tusir, kɔbiswai nɛ pisyɔpɔi nɛ awai, yʋʋm paal nwadig, pinꞌilig daar wan wʋʋ ban da yis nɔɔr siꞌem la. Amaa, Sigir nwadig la ni, vootug saŋa da nam pʋ paae la, soogia siꞌeba da laꞌas taaba ka ba tuongat an Flight Lieutenant Jerry Rawlings, ba da faanꞌe naꞌam sankan la ka ba buon 1979 Ghanaian coup d'état. Ba da maali ba naꞌadɔɔg ka pʋdi li yʋꞌʋr ye Armed Forces Revolutionary Council, ba da diꞌ naꞌam ti paae yʋʋm tusir, kɔbiswai nɛ pisyɔpɔi nɛ awai, Sɛnlʋŋ nwadig la ni. Yʋʋm tusir, kɔbiswai nɛ pisnii nɛ yinnɛ ni, Rawlings da faanꞌe naꞌam kʋg la yi onɛ ka ba vooti tis o la nuꞌugin, ka ba buon lin ye 1981 Ghanaian coup d'état.[10] Rawlings da maal naꞌadɔɔg paalig ka pʋdi li yʋꞌʋr ye Provisional National Defence Council (PNDC). PNDC da zinꞌin naꞌam kʋg ni ti paae yʋʋm tusir, kɔbiswai nɛ piswai nɛ atanꞌ, yʋʋm paal daba ayɔpɔi daar. Yʋʋm kanɛ da an o PNDC naꞌam diib naar la, ba da maligim voot nɛ tis Jerry Rawlings yʋʋm tusir, kɔbiswai nɛ piswai nɛ atanꞌ la ni, ka o da an zugraan ala ti paae yʋʋm tusayi nɛ yinnɛ la ni.

Yiŋ tʋʋma

[dɛmisim gbɛlima | dɛmisimi din yi zin'isiana]

Armed Forces yiiga yiŋ tʋʋma da bɛnɛ United Nations Operation linɛ da bɛ Congo yʋʋm tusir, kɔbiswai nɛ pisyuobʋ pinꞌilig saŋa la.[11] Ba da tʋm tʋʋma bɛ Balkans, nɛ UNMIK.[12] Ghana sooginami da laꞌas nɛ Africa tɛɛns siꞌeba kɛn pansig zaba bɛ UNAMIR ban da paas nɛ Rwandan zaba pʋʋgin. Gbaŋ kanɛ buon Shake Hands with the Devil, Canada soogianam tuongat kanɛ ka o yʋꞌʋr buon Romeo Dallaire da zʋnꞌoe Ghana soogianam la hali ban da kɛŋ zaba la. Liberia zaba saŋa la, Ghana dim tʋʋma da nyaŋi kɛ ka ba kɛn Accra na tik nuꞌug gbaŋin paꞌal ye ba bas zaba, ba nyaŋi sʋŋ yela bɛdigʋ ni.[13] Ban mɛ da tʋm tʋʋmsʋŋi bɛ Asia nɛ Iran zaba Iran–Iraq War,[14] Kuwait, Lebanon zaba nɛ zaba siꞌeba.[15][16]

Soogianam ban tusatanꞌ nɛ kɔbistanꞌ nɛ pisnu nɛ awai nɛ soogia pʋlʋs ban kɔbisyiꞌ nɛ pisnii nɛ atanꞌ da paas UNTAC Cambodia tɛŋin.[17] UNTAC zaba la da paae yʋma ayiꞌ, yʋʋm tusir, kɔbiswai nɛ piswai nɛ ayiꞌ paae yʋʋm tusir, kɔbiswai nɛ piswai nɛ atanꞌ ni.[17] Saŋa da kɛna ka buudi anaasi banɛ zabid la paam nɔnaalig nɛ taaba.[17] Ban da kɛŋz zabi bɛ UNTAC ni la da an zabtitaꞌar kanɛ paas ka Ghana dim da yi yiꞌiŋi zab, ka ba yiiga da an ONUC linɛ da bɛ Congo yʋʋm tusir, kɔbiswai nɛ pisyuobʋ saŋa la.[17] Zaba kanɛ ka ba da zab UNTAC nɛ li kpia UNAMIC da mɔr sam ka li gaad $1.6 billion.[17]

Yʋʋm tusayi nɛ piinɛ ayiꞌ ni, soogianam lʋgir la da maal nɔɔr naalig nɛ Armed Forces of the Russian Federation. Yʋʋm tusayi nɛ piinɛ atanꞌ ni, Armed Forces da maal nɔɔr naalig nɛ China People's Liberation Army,[18] nɛ Armed Forces of the Islamic Republic of Iran.

Ghana Army

[dɛmisim gbɛlima | dɛmisimi din yi zin'isiana]

Ghana Army pʋdig siꞌem nwana:

  • Yaꞌdatima dim dɔtitaꞌar bɛnɛ Tamale, tɛnsʋk dim dɔtitaꞌar bɛnɛ Kumasi ka yaꞌdagɔbʋg dim dɔtitaꞌar bɛ Accra. Yʋʋm tusa, Dɔnwalig nwadig ni ka ba da pinꞌil yaꞌdatiʋŋ nɛ yaꞌdagɔbʋg zinꞌis la, ka da tisi ba paŋ.[19] Li da an yiiga nɛ zinꞌis atanꞌ: 1st Infantry Brigade (dɔtitaꞌar bɛ Teshie), 2nd Infantry Brigade (dɔtitaꞌar bɛ Kumasi) nɛ Support Services Brigade (dɔtitaꞌar bɛ Burma Camp).
  • 6 Infantry Battalions banɛ bɛ Ghana Regiment. 3rd Battalion of Infantry, 4th Battalion of Infantry nɛ 6th Battalion bɛ yaꞌdatima dim la ni, 1st Battalion of Infantry, 2nd Battalion nɛ 5th Battalion mɛ bɛ yaꞌdagɔbʋg zinꞌigin la.
  • Airborne tʋmtʋmnib ayiꞌ bɛ yaꞌdatima zinꞌigin la; Airborne Force
  • 64 Infantry Regiment, banɛ gur gɔmɛna zugraan
  • 1 Training Battalion
  • One Staff College
  • Reconnaissance Armoured Regiment (reconnaissance squadrons nam ayiꞌ)
  • Defence Signal Regiment (Ghana)
  • Two Engineer Regiments (48 Engineer Regiment nɛ 49 Engineer Regiment)
  • 66 Artillery Regiment

In 1996, the Support Services Brigade was reorganized and transferred from the Army to be responsible to the Armed Forces GHQ. From that point its units included 49 Engineer Regiment, the Ghana Military Police, Defence Signal Regiment (Ghana), FRO, Forces Pay Office, 37 Military Hospital, Defence Mechanical Transport Battalion (Def MT Bn), Base Ordnance Depot, Base Ammunition Depot, Base Supply Depot, Base Workshop, Armed Forces Printing Press (AFPP), Armed Forces Fire Service (AFFS), the Ghana Armed Forces Central Band, Ghana Armed Forces Institution (GAFI), 1 Forces Movement Unit (Tema Port), 5 Forces Movement Unit, Base Engineer Technical Services (BETS), 5 Garrison Education Centre (5 GEC), the Armed Forces Museum, Army Signals Training School, and the Armed Forces Secondary Technical School (AFSTS). By 2016 the Forces Pay Office had been upgraded to the Forces Pay Regiment.

Armed Forces mɔr zaba laꞌad banɛ ka ba mɔri naam tɛŋ siꞌeba kpɛnꞌɛ na tisi ba zabid, ka mɛ mɔr zaba laꞌadi siꞌeba ka ba maan Ghana kpala. M16 rifles, AK-47s, Type 56 assault rifles, nyɔꞌɔgin fuud nɛ ba mɛŋ malifʋ an ba tʋʋma laꞌad siꞌeba. Laꞌad banɛ ka Army nɛ Air Force mɔri tʋmmid la siꞌeba ba maani ba nɛ bɛ Defence Industries Holding Company (DIHOC) ni. Tɛɛns banɛ sʋŋid nɛ zaba laꞌad siꞌeba anɛ Russia, Iran, and China.[20]

Azinꞌin baanlim tʋʋma

[dɛmisim gbɛlima | dɛmisimi din yi zin'isiana]

Armed Forces kɛn tɛɛns kɔnꞌɔb kɔnꞌɔb zaba pansigir yela. Ghana tʋmmid zabzabid titaꞌam mɛ Africa sʋꞌʋlim. Amaa, United Nations nɔk Ghana soogianam la tʋm tɛɛns bɛdigʋ ni ka ba siꞌeba an Afghanistan, Iraq, Kosovo, Georgia, Nepal, Cambodia nɛ Lebanon.[21] Nannanna, Ghana armed forces bɛ United Nations tɛɛns bama ni ye ba pansig zaba:[22]

  • MONUC (Democratic Republic of Congo) − 464
  • UNMIL (Liberia) − 852
  • UNAMSIL (Sierra Leone) − 782
  • UNIFIL (Lebanon) − 651

Ghana armed forces ni ka kpɛɛm kanɛ an yiiga tis Economic Community of West African States Monitoring Group (ECOMOG) ka o yʋꞌʋr buon Lieutenant General Arnold Quainoo yina. Quainoo da an ba tuongati yi yʋʋm tusir, kɔbiswai nɛ piswai, Mɔraug nwadig la ni, paae yʋʋmkan Sɛnlʋŋ nwadig la ni.[23]

Ghana Armed Forces nidib banɛ kɛn zaba pansigir la tʋm tʋʋmbama: kaad zinꞌig, ka tʋm pʋlʋs tʋʋma, ka gɔsid vootʋg yela, ka sanꞌamid bɔmnam, ka siꞌeba sʋŋid tadimnam, ka siꞌeba saꞌan nidib, ka siꞌeba mɛ tʋm tʋʋma kɔnꞌɔb kɔnꞌɔb.[24]

Niger Naꞌam kuk faanr

[dɛmisim gbɛlima | dɛmisimi din yi zin'isiana]

Naꞌadɔɔg dim siꞌeba nɛ lʋga siꞌeba laꞌasig, ka National Democratic Congress (NDC)[25][26] nɛ Ghana Union Movement (GUM),[27] mɛ paas, laꞌasi yel Akufo-Addo gɔmɛna la ye ba da tʋm Ghana Armed Forces ka ba kɛŋ zabi tis gɔmɛna zugraan kanɛ ka ba gaŋ o Niger ka o yʋꞌʋr buon Mohamed Bazoum la, soogia kanɛ buon General Abdourahamane Tchiani zaba faanꞌe naꞌam la ka bas o.[28]

Amaa, Hon. Kennedy Ohene Agyapong, onɛ an kugraani gɔsid soogianam yela la on siak ye ba tʋm soogianam ka ba kɛŋ zabi bɛ Niger.[29]

Ghana Air Force

[dɛmisim gbɛlima | dɛmisimi din yi zin'isiana]

Ghana Air Force dɔtitaꞌar bɛnɛ Burma Camp linɛ bɛ Accra, ka tʋm nɛ lʋga bɛdigʋ Accra sʋꞌʋlim, Tamale (zaba zamisig zinꞌig) nɛ Sekondi-Takoradi (zamisig zinꞌig). GHF dim tʋʋma anɛ ye ba sʋŋ azinꞌin baanlim yela Ghana pʋʋgin nɛ yiꞌiŋ wʋsa, ka maal laꞌadi tis Ghana Army.[30]

Ghana Navy

[dɛmisim gbɛlima | dɛmisimi din yi zin'isiana]

Ghana Navy tʋʋma anɛ ye ba gur Ghana kuom titɔndis la, ka guꞌ zimi banɛ bɛ kuom ni, ka mɛ gɔs ka Lake Volta tʋʋma kɛn tuon. Ba tʋʋma mɛ lɛn anɛ ye ba sʋŋ Ghana Army ka ba pans zaba bɛ Africa, ka ba guꞌ nimbɛꞌɛdnam banɛ bɛ kɔlisin wʋʋ faandib, ka sʋŋ yis nidib zinꞌis banɛ kaꞌa sʋꞌʋm.[31] Yʋʋm tusir, kɔbiswai nɛ piswai nɛ anaasi na, ba da pʋdig Navy abʋyiꞌ, yaꞌnyaꞌaŋ dim, ka ba dɔtitaꞌar bɛ Tema, nɛ yaꞌtuona dim, ka ban dɔtitaꞌar mɛ bɛ Sekondi-Takoradi.[31]

GAF kpikpiŋ

[dɛmisim gbɛlima | dɛmisimi din yi zin'isiana]

GAF soogianam banki

[dɛmisim gbɛlima | dɛmisimi din yi zin'isiana]

Ghana Armed Forces sʋꞌʋe tʋʋma zinꞌig kanɛ ka ba maan zaba laꞌad ka ba buon arms industry weapons nɛ military technology and equipment manufacturer (DIHOC − Defence Industries Holding Company), ka lɛn mɔri ba banki. Ba banki la bɛnɛ Burma Camp pʋʋgin ka banɛ diꞌesid ligidi anina an soogianam nɛ ba nidib banɛ bɛ anina.[32]

Soogianam sibiti

[dɛmisim gbɛlima | dɛmisimi din yi zin'isiana]

GAF mɔr sibiti nam ayiꞌ, yinnɛ anɛ 37 Military Hospital linɛ bɛ Accra la ka yinnɛ mɛ an Kumasi Military Hospital.[33] 37 Military Hospital paam tiakir hali ka yʋꞌʋn mɔr zinꞌig siꞌa ka ba tʋm ka pʋ mɔr vʋꞌʋsʋm, yel paꞌa ti paae sɔꞌ anina yela.[34]

GAF sibiti la pʋdig nɛ mɔr lʋga li pʋʋgin.[34] Lʋgir wʋsa anina mɔri ba kpɛɛm kanɛ gɔsidi li yela.[34] Banɛ bɛ soogianam sibiti ni la anɛ soogianam mɛŋ nɔɔ. Ba mɔr zinꞌig kanɛ ka ba zamisid laafi tʋmtʋmnib.[34] 37 Military Hospital anɛ zinꞌig kanɛ ka ba zamisid laafi tʋmtʋmnib.[34] Vyacheslav Lebedev, onɛ an kpɛɛm gaad tuoni gɔsid Supreme Court of Russia, da pianꞌa sʋꞌʋŋa paa, kati waꞌae ban da tiꞌeb o sibiti la I la.[35]

Yɔɔd

[dɛmisim gbɛlima | dɛmisimi din yi zin'isiana]

Ban dɔlisid nɛ Single Spine Salary Structure (SSSS) yɔɔd Ghana Arm Forces. Yʋʋm tusayi nɛ piiga gbaŋ kanɛ da paꞌan ban na diꞌe ba yɔɔd siꞌem la da kɛ ya ka soogianam yɔɔd nɔbig. Sɔꞌ wʋsa vaad yɔɔd ka li dɔl nɛ o kpɛŋ bɛn.[36][37]

Soogianam fuud nɛ fotonam kiꞌeb

[dɛmisim gbɛlima | dɛmisimi din yi zin'isiana]

Ghana wada paꞌal ye fʋ yaꞌa kaꞌa soogia bɛɛ fʋ yaꞌa yi tɛŋ siꞌa, li pʋ nar ka fʋ yɛ soogianam fuud bɛɛ fʋʋd banɛ wani baa. Ba yaꞌa gbanꞌa sɔꞌ, li mɔr sam ka o na yɔꞌ bɛɛ ban kpɛnꞌɛs o sɔb sanriga ni saŋa biꞌela.[38] Dinɛ lɛn paas yaꞌas, Ghana wada paꞌal ye sɔꞌ pʋ nar ka o kiꞌa Ghana Armed Forces (GAF), Ghana Military Police (GMP) pʋlʋs bɛɛ GAF military personnel bɛɛ ba lɔɔm la nɛ foto, ba yaꞌa bɛɛ ba tʋʋma nii, bɛɛ zinꞌig siꞌeba wan wʋʋ Kotoka International Airport bɛɛ zinꞌig kanɛ ka gɔmɛna naꞌam kʋg bɛ ka ba buon Jubilee House la.[38]

Gbanvɛɛnsa

[dɛmisim gbɛlima | dɛmisimi din yi zin'isiana]
  1. ↑ Central Intelligence Agency, The World Factbook: Ghana, accessed 15 November 2011
  2. ↑ International Institute for Strategic Studies; Hackett, James (ed.) (3 February 2010). The Military Balance 2010. London: Routledge. pp. 309–311. ISBN 978-1857435573. {{cite book}}: |author2= has generic name (help)
  3. ↑ "7 Best Hausa in Gold Coast ideas | british colonies, police duty, gold coast". Pinterest. Retrieved 2021-01-18.
  4. ↑ "Combat Supprt [sic] Arms". Gaf.mil.gh. Ghana Armed Forces. Archived from the original on 2011-09-28. Retrieved 2014-04-26.
  5. 1 2 La Verle Berry (ed.), 'The National Liberation Council,' in Ghana Country Study, Library of Congress, research completed November 1994
  6. ↑ "History of Gafcsc | Ghana Armed Forces Command and Staff College". Archived from the original on 2023-08-16. Retrieved 2023-08-16.
  7. ↑ Berry (ed.), 1994
  8. ↑ "Ghana". Encyclopædia Britannica Online. Encyclopædia Britannica. 2007. Retrieved 2007-03-20.
  9. ↑ McLaughlin & Owusu-Ansah (1994), "The National Redemption Council Years, 1972-79".
  10. ↑ Hutchful, Eboe. "Institutional Decomposition and Junior Ranks' Political Action in Ghana." in Hutchful and Bathilly, The military and militarism in Africa, CODESRIA, (1998): 211-56.
  11. ↑ "ONUC−Congo". Gaf.mil.gh. Ghana Armed Forces. Archived from the original on 2016-11-24. Retrieved 2014-04-27.
  12. ↑ Aning, Kwesi; Aubyn, Festus K. (2013-02-28). "Ghana". Providing Peacekeepers. pp. 269–290. doi:10.1093/acprof:oso/9780199672820.003.0013. ISBN 978-0-19-967282-0.
  13. ↑ "ECOMOG−Liberia". Gaf.mil.gh. Ghana Armed Forces. Archived from the original on 2014-03-06. Retrieved 2014-04-27.
  14. ↑ "Iran–Iraq War". un.org. Retrieved 2014-04-27.
  15. ↑ "UNIFIL−Lebanon". Gaf.mil.gh. Ghana Armed Forces. Retrieved 2014-04-27.
  16. ↑ "Lebanese Govt to erect monument in honour of Ghanaian peacekeepers". Gaf.mil.gh. Ghana Armed Forces. 2 June 2011. Retrieved 2014-04-27.
  17. 1 2 3 4 5 "UNTAC−Cambodia". Gaf.mil.gh. Ghana Armed Forces. Archived from the original on 2016-11-24. Retrieved 2014-04-25.
  18. ↑ "China-Ghana strengthen military ties". People Daily Online. Retrieved 23 June 2013.
  19. ↑ Africa South of the Sahara 2003, 32nd Edition
  20. ↑ "Two-thirds of African countries 'now using Chinese weapons'". The Independent. 2016-03-01. Retrieved 2022-03-05.
  21. ↑ "Ghana's Regional Security Policy: Costs, Benefits and Consistency". Kaiptc.org. Kofi Annan International Peacekeeping Training Centre. p. 33. Archived from the original (PDF) on 2014-05-08. Retrieved 2014-04-27.
  22. ↑ "Ghana Armed Forces − Peace operations". RULAC. Rule of Law in Armed Conflicts Project. Retrieved 2014-04-27.
  23. ↑ Berman, Eric G.; Sams, Katie E. (2000). Peacekeeping In Africa : Capabilities And Culpabilities. Geneva: United Nations Institute for Disarmament Research. pp. 94–95. ISBN 92-9045-133-5.
  24. ↑ "International Peacekeeping". Gaf.mil.gh. Ghana Armed Forces. Archived from the original on 2013-07-04. Retrieved 2014-04-25.
  25. ↑ "NDC kicks against planned military intervention in troubled Niger". Citinewsroom - Comprehensive News in Ghana. 2023-08-10. Retrieved 2023-08-16.
  26. ↑ "Niger Coup: War cannot be a preferred option – NDC to ECOWAS". www.myjoyonline.com. 10 August 2023. Retrieved 2023-08-16.
  27. ↑ "Osofo Kyiri Abosom threatens to demonstrate if Akufo-Addo sends troops to Niger". Citinewsroom - Comprehensive News in Ghana. 2023-08-14. Retrieved 2023-08-16.
  28. ↑ "Don't send troops to Niger – Presby Church". www.myjoyonline.com. 16 August 2023. Retrieved 2023-08-16.
  29. ↑ "I support sending Ghanaian troops to Niger - Chair of Defence and Interior Committee of Parliament". GhanaWeb. 2023-08-16. Retrieved 2023-08-16.
  30. ↑ Ghana air force[permanent dead link]. gaf.mil.gh.
  31. 1 2 "Historical Background of The Ghana Navy". Official website. Ghana Armed Forces. Archived from the original on 2007-08-27. Retrieved 2007-06-11.
  32. ↑ "GAF justifies decision to operate a bank". Modernghana.com. 2013-02-02. Retrieved 2014-04-30.
  33. ↑ Hospital, Military. "Work On Kumasi Military Hospital Progresses". ghana.gov.gh. Government of Ghana. Archived from the original on 20 April 2018. Retrieved 6 June 2017.
  34. 1 2 3 4 5 "37 Military Hospital − Hospital description". Electives.net. Archived from the original on 2014-03-01. Retrieved 2014-04-30.
  35. ↑ "Russian CJ Returns Home − Russian CJ Grateful to Ghanaians". Gaf.mil.gh. Ghana Armed Forces. September 2013. Archived from the original on 2014-05-08. Retrieved 2014-04-30.
  36. ↑ "Ghana Armed Forces Salary 2021/2022". Quoterich. 2020-03-19. Archived from the original on 2021-02-04. Retrieved 2021-01-18.
  37. ↑ "Ghana Army Salary Structure & Rank". GH Students. 2018-03-15. Retrieved 2021-01-18.
  38. 1 2 Ghana armed forces Archived 2011-07-21 at the Wayback Machine. gaf.mil.gh.
Retrieved from "https://kus.wikipedia.org/w/index.php?title=Ghana_Armed_Forces&oldid=17862"