Ghana Water Limited
| Industry | water collection, treatment and supply  |
|---|---|
| Inception | 1993 |
| Country | Ghana |
| Legal form | private company limited by shares |
| Headquarters location | Accra |
| Official website | https://www.gwcl.com.gh/ |
Ghana Water Limited (GWL) ka ba da buon ye Ghana Water Company Limited ka kudumin dim da buon ye Ghana Water and Sewerage Corporation, Aqua Vitens, nɛ Rand Limited) anɛ ku'om kompeni kanɛ an gɔmina ma'aa din. Ba tʋʋma anɛ ku'om maalʋg, tisib, kuosʋg nɛ ku'om yɛla bɛdigʋ. Ka mɛ gɔsid ku'om sʋŋa yɛll tempʋʋsin nɛ zin'is bɛdigʋ. Nwɛnɛ yʋʋm tusa ayi' nɛ pisi nɛ anaasi nwadisa ayuobʋ la nii, Ghana Water Company dim da gɔsidnɛ ka tʋm nɛ ku'osuoya pisnii nɛ anaasi (84) dinɛ pʋ zin'is ayi', ku'osuoya banɛ pʋbig agɔl da anɛ pisyuobʋ nɛ yinne (61) ka ku'osuobanɛ da pʋbid teŋir an pisi nɛ atan' (23), ka di pʋbid tisid nidib nɛnnɛ miliyɔn piinɛ anaasi Ghana nwa wʋsa pʋʋgʋn. Kompeni la mɔrnɛ ɔfisnam bɛ region nam piinɛ anu (15) ka mɔr ɔfisnam bɛ distirik nam kɔbiga nɛ atan' ni.
Mamisʋg pʋʋgʋn, Ghana Water Limited da nyaŋidi maan ku'om nwɛnɛ 950, 959 m³ dabisir yinne wʋsa pʋʋgʋn, ka nidib la bɔɔdim dabisir wʋsa pʋʋgʋn l lɛɛ da an Miliyɔn yinne, tusa kɔbiga nɛ pisi nɛ awai, kɔbistan' nɛ pisyuobʋ nɛ yinne (1,129,361 m³) dinɛ zɛm nɛ galan nam miliyɔn kɔbisyi' nɛ pisnaasi nɛ anii (248 million gallons) daar wʋsa pʋʋgʋn. Tɛmpʋʋsin ku'om pʋbʋgir yʋ'ʋn da anɛ pisnii nɛ anaasi du'ali ayi kɔbiga pʋʋgʋn (82%), tisid nidib miliyɔn yinne, tusa anii, kɔbistan' nɛ yinne (1,008,301), nɛ' pʋʋgʋn la, nidib pisnii nɛ awai kɔbiga pʋʋgʋn (89%) da mɔr mita nam. Kompeni la da mɔr tʋntʋnnib nwɛnɛ Tusa anu, kɔbisyɔpɔi nɛ pisnu nɛ anu (5,755).[1]
Labakʋda
[dɛmisim gbɛlima | dɛmisimi din yi zin'isiana]Fassi ka na'asaanam da di'e Ghana la, sʋ'lm nam da paamid ku'om yitnɛ mu'a, kɔldaad, bulus, nɛ zin'ibanɛ kpɛlim ni. Sankanɛ da an yiiga ka Ghana dinɛ da an Gold Coast kʋdʋmin la da paam ku'om yi zin'ig yinne da naamnɛ ka duna wʋsa yiiga zaba la nyaan pin'il. Yʋʋm tusir, kɔbiswai nɛ pisi la saŋa, ba da tɔlis ku'osuoya la keŋ tempʋsieba nwɛnɛ Winneba, Kumasi, nɛ Cape Coast, dinɛ da an Ghana tɛmpʋtita'ar sankan win.
Ba da pin'il Ghana Water Limited nɛ Yʋʋm tusir, kɔbiswai nɛ piswai nɛ awai nwadias ayɔpɔi la yiiga daar, ban da tiak Ghana Water and Sewerage corporation ka di lieb gɔmina kompeni dɔlisid wada kanɛ da an act 461 ka ba da siaki tisi li bɛ yʋʋm tusir, kɔbiswai nɛ piswai nɛ atan', ka da tiaki li ka di lieb LI 1648 la.[2]
Kpɛŋ yɛla an si'em
[dɛmisim gbɛlima | dɛmisimi din yi zin'isiana]Region nam piinɛ anu la da mɔri ba tuongatib ka ba gɔsid tʋʋma la ka di ken sʋ'ʋŋa, ka banɛ tʋʋma an ye ba gɔs ku'osuoya yɛla la sʋŋidi ba. Ti ya'a lɛ Distirik nam ni na, district la tuongatibi gɔsid Ghana Water Limited tʋʋma gilig teŋ la wʋsa.[3]
Ba tʋʋma an si'el
[dɛmisim gbɛlima | dɛmisimi din yi zin'isiana]- Banɛ pti'ebid ku'om ka di an nyain ka ba pumpi tis tɛmis banɛ bɛ Ghana
- Banɛ gɔsid ku'om yɛla tempʋʋsin
- Banɛ gban'ad ban na niŋ si'em ka da san'am ku'om
- Banɛ zanl teŋ la ku'om yɛla ligidi sʋ'ʋŋa
- Banɛ gɔsid ku'om tʋʋma yɛla la'ad
- Banɛ gban'ad, tuud, maligim maan ka vɛ'ɛgid ku'om tɔlisid zin'ipaala[4]
- Technology and Innovation
- Water Quality Assurance/Water Resources
- Commercial
- Human Resource and Administrative Service
- Cooperate Planning, Monitoring and Evaluation
- Project Planning and Development
- Special Duties
- Finance and Accounting
- Lands and Estates
- Legal Services
- Materials
- Public Relations[5]
Ba tʋʋma zin'is
[dɛmisim gbɛlima | dɛmisimi din yi zin'isiana]- Dalun Headworks
- Barekese Headworks[6]
- Weija Headworks[7]
- Kpong Headworks[8]
- Keseve Headworks[9]
- Winneba Headworks
- Breman Asikuma Headworks
- Essakyir Headworks
- Brimsu Headworks
- Baifikrom Headworks
- Sekyere Hemang Headworks
- Kwanyaku Headworks[10]
Region nam nɛ District nam
[dɛmisim gbɛlima | dɛmisimi din yi zin'isiana]- Accra West (Kasoa District, Nyanyarno District, Bortianor District, Weija District, Darkuman/Gbawe, Mamprobi District, Dansoman North District, Dansoman South District, Odorkor District, Kaneshie District, Sowutuom District, Amasaman District)
- Accra East
- Ashanti South
- Ashanti North
- Ashanti Production
- ATMA Production
- Central
- Eastern
- Northern
- Tema (Tema Industrial District, Tema West District, Tema Central District, Gbetsile, Ashaiman East District, Prampram District, Ada District, Kpong Akuse District, Ashaiman West District, Sakumono/Baatsonaa District)
- Upper East
- Upper West
- Volta
- Western
- Brong Ahafo
Gbanvɛɛnsa
[dɛmisim gbɛlima | dɛmisimi din yi zin'isiana]- ↑ "Company Profile – GWL – Welcome". Retrieved 5 September 2025.
- ↑ "Ghana Water Company Limited – State Interests and Governance Authority". Retrieved 5 September 2025.
- ↑ "Company Profile – GWL – Welcome". Retrieved 5 September 2025.
- ↑ "Company Profile – GWL – Welcome". Retrieved 5 September 2025.
- ↑ "Departments – GWL – Welcome". Retrieved 5 September 2025.
- ↑ "A/R: GWL announces temporary shutdown of Barekese Water Treatment Plant". Modern Ghana. Retrieved 5 September 2025.
- ↑ "Weija Headworks to be shut down today for repairs". GhanaWeb. Archived from the original on 3 January 2025. Retrieved 5 September 2025.
- ↑ AG, ANDRITZ. "Ghana, Kpong - Meeting sustainable energy needs". www.andritz.com. Retrieved 5 September 2025.
- ↑ "ATMA Production – GWL – Welcome". Retrieved 5 September 2025.
- ↑ "Central – GWL – Welcome". Retrieved 5 September 2025.