Hilda Baci

Hilda Baci

ninsaal

Sex or gender	pua
Country of citizenship	Nigeria
Yu'ur Kane ka ba tis o	Hilda
Zak yu'ur	Effiong Bassey
Du'am yuum	20 Sɛnlʋŋ/Nwadispiigin 1996
Duam zin'ig	Akwa Ibom State
Languages spoken, written or signed	English
Educated at	Madonna University
Residence	Lagos
Ethnic group	African people
Religion or worldview	Christian
Hair color	black hair
Eye color	dark brown
Sexual orientation	heterosexuality

Hilda Effiong Bassey (ba dʋa o nɛ dabis pisi wadisa awai la ni yʋʋm tʋsir kɔbiswai nɛ piswai nɛ anu), bɛdigu mi o nɛ Hilda Baci, o dʋgidnɛ diib ka yit Nigeria, o mɔr diib zi’ig, ka maan bʋŋosida, ka nam mi di Guiness dʋnia wusa onɛ dʋgi gaad sɔ wusa (adʋgi’gaadtaaba ni) awa nam piswai nɛ atan nɛ mid piinɛ yin’nɛ wadisa anʋ la ni yʋma tʋsa ayi nɛ pisinɛ atan la, li pʋ yʋʋgɛ yʋʋm kan ni ka Alan Fisher ɔnɛ yit Irish da dugi gaad o nɛ awa nam kɔbuga nɛ piinɛ awai nɛ mid pisnʋ nɛ ayɔpoi. Wadisa anii yʋma tʋsa ayi nɛ pisi nɛ ayin’ne ka ɔ da di agaadtaaba Jollof Faceoff ni.

Biilim saŋa nɛ tʋʋma

Hilda Effiong Bassey ba da dʋa ɔ nɛ dabis pisi wadisa awai la ni yʋʋm tʋsir kɔbuswai nɛ piswai nɛ anu ka ɔ yit Nsit Ubium Gomena zin’ig kane bɛ Akwa Ibom. O da diɛ gbang nidib nɛ tɛns zamisug ni on da naae Madonna University linɛ bɛ Okija, Anambra State. Onɛ da sin’iŋ linɛ ka ba bʋon ye dim’mi fʋ ligidi bɛn ka ba gosidi li Pop Central TV.

Baci da kiŋ diib dʋgib zamisʋg  ka li yitnɛ ɔ ma’ an onɛ dugid la

Guinness dʋnia wusa gbana ni

Wadisa atan yʋma tʋsa ayi nɛ pisinɛ atan, Baci da yɛl ye ɔ bɔɔdnɛ ye o paas adugigaadtaaba ni. Lata Tondon da di adugigaadtaaba la, O da dugnɛ awa nam pisnii nɛ ayɔpoi nɛ mid pisnaasi nɛ anʋ yʋma tusa ayi nɛ piinɛ awai ni.

Dabisa piinɛ yin’ne wadisa anu ni yʋma tʋsa ayi nɛ pisinɛ atan la, ɔ da sin’iŋi “adugigaadtaaba”. O da bas ya dabis piinɛ anu wadisa anu la ni yʋma tusa ayi nɛ pisinɛ atan.

Atini da’ar wadisa anu la ni dabpiinɛ anu, yʋma tʋsa ayi nɛ pisinɛ atan karifa ayɔpoi gaad mid pisnaasi nɛ anu bɛɛgin ka Hilda da kʋ’gi adugigaadtaaba linɛ wa’am hali la ka onɛ gaad la dʋg awa nam pisnii nɛ ayɔpoi nɛ mid pisnʋ ka li gaad onɛ da dʋgi gaad yʋma tʋsa ayi nɛ piinɛ awai la. Atilata daar, wadisa anʋ la dabis piinɛ ayʋobɔ, yʋma tusa ayi nɛ pisinɛ atan ka onɛ piandi tisid Guinness dʋnia gbana ni la da yɛl ye ”ti mi yɛ fʋ mukid, ti gʋr nɛ linɛ an kasɛta ye ti tisi ti gbana dim la yiiga ka na’an sɔb ye li anɛ sida”.

On da bɔɔd ye ɔ dugi gaad sɔ wusa la, Hilda da dʋgnɛ awa nam piswai nɛ ayuobɔ ka li ya’aŋ ka ɔ dʋgi paae awa nam kɔbuga adugigaadtaaba la.

Tuɔngatib banɛ bɛ Nigeria ka mɛ da gɔsid Hilda dʋgib la anɛ Lagos Gomena, Babajide Olusola Sanwo-Olu; Harvester International pʋ’ʋsim dim karimsa’am kpɛɛm, Bolaji Idowu, Nigeria onɛ di’ɛ yʋ’ʋma piini, Tiwa Savage, Tim Godfrey, Ice Prince.

Nigeria zugdaan ya’andɔl saŋkan la, Professor Yemi Osinbajo mɛ da bʋɔl Hilda ye o kpɛmisʋ o dugigaadtaaba la ni. Hilda da pa’am sʋŋir bɛdigʋ yit Nigeria dim banɛ da kɛŋa adugigaadtaaba la zin’igin la, ka bam mɛ mɔri o yu’uri bɛ nidib la’asig zin’ig.

Ban da gɔs on maal siɛl ka nyɛ’ kasɛta la, Guinness dʋnia wʋsa gbana dim da sɔb ya ye Baci da yaŋi dugi gaad sɔ wusa ɔ kɔ’ɔkɔ nɛ awa nam piswai nɛ atan nɛ mid piinɛ yin’ne.

Sapal saŋa yʋma tusa ayi nɛ pisinɛ atan la, Hilda Baci da gʋ’oŋ Guinness dʋnia wusa adugigaadtaaba tis Alan Fisher onɛ yit Iris ka mɛ dʋgid. Fisher da dʋgnɛ nɛ awa nam kɔbuga nɛ piinɛ awai nɛ mid pisnʋ nɛ ayɔpoi ka li pa’al ye o gaad Baci bun la nɛ awa nam pisi nɛ anaasi. Fisher da lɛm gaad nidib yin’yin akiimgaadtaaba la nɛ awa nam pisnaasi nɛ ayɔpoi nɛ mid pisinɛ yin’ne.

Baci da pʋ’ʋs Fisher ye o mɔya nɛ on di la ka yel ye o sunr malisi o yela nɛ on nyaŋi gaadi o la.