Kofi Annan International Peacekeeping Training Centre

Kofi Annan International Peacekeeping Training Centre

institute, military training area

Inception	1998
Country	Ghana
Located in the administrative territorial entity	Greater Accra Region
Coordinate location	5°34′31″N 0°6′47″W
Official website	http://www.kaiptc.org/

Kofi Annan International Peacekeeping Training Centre (KAIPTC) anɛ sakur zinꞌig kanɛ ka ba zamisid nidib ka li bɛ Ghana sʋꞌʋlim, ba zamisid nidib ka mɛ lɛn vɛɛnsidi gɔsid azinꞌin baanlim yela nɛ li tʋʋma. Li da pinꞌil nɛ yʋʋm tusir, kɔbiswai nɛ piswai nɛ anii la ni, ka tuongat da an Maj-Gen. Clayton Yaache, ka li pinꞌil tʋʋma titua bɛnɛ yʋʋm tusayi nɛ ayiꞌ la ni. KAIPTC da pinꞌili ba yiiga zamisig yʋʋm mum pʋʋgin nɛ yʋʋm tusayi nɛ anaasi, Dɔnwalig nwadig la ni, ka ban yʋꞌʋn paꞌan zamis siꞌeba anina tʋʋg ban kɔnꞌɔb-kɔnꞌɔb pisi yela.

Yelkpana

Zamisig zinꞌig la yelkpana an siꞌem nwana:

·        Ye ba paꞌal nidib nimmaꞌasim nɛ azinꞌin baanlim yela paꞌalig ka ba nyaan kɛŋ tɛnbanɛ ka ba ye ba tʋmi ba ka ba kɛŋ maꞌae zaba.

·        Ye ba sʋŋ ka azinꞌin baanlim yela zamisig kanɛ bɛ Koulikoro linɛ bɛ Mali tɛŋin ka banɛ sʋŋidi li tʋʋma an French dim la nɛ koligi kanɛ gɔsid zaba yela ka ba Nigeria sʋꞌʋlim la nyaŋi laꞌas taaba ka li mɔr sʋŋir.

·        Ye ba sʋŋ ka nidib nyɛ paŋ nɛ baŋiri kɛŋ tɛns kɔnꞌɔb-kɔnꞌɔb ka mɛ nyaŋi laꞌas nɛ tɛŋsiꞌeba nidibi tʋmi li tʋʋma.

·        Ye ba kɛ ka banɛ zamisid baŋ zaba gbin nɛ lin yit siꞌel na.

·        Ye bam aal vɛɛnsa gɔs ban na dɔlis suosiꞌeba ka azinꞌin baanlim bɛ.

Ban laꞌas nɛ tɛɛns siꞌeba

KAIPTC laꞌasi ba mɛŋ nɛ zinꞌis banɛ ka ba paꞌan azinꞌin baanlim yela bɛdigʋ dunia nwa ni nɛ vɛɛnsa lʋga bɛdigʋ, ka zinꞌig yinnɛ an Pearson Peacekeeping Centre linɛ bɛ Canada tɛŋin la.

Ba nyɛt sʋŋiri yit Ghana gɔmɛna ni, amaa KAIPTC lɛn nyɛt sʋŋir hali yit Canada, Denmark, European Union, France, Germany, India, Italy, Japan, Netherlands, Norway, Spain, Sweden, Switzerland, United Kingdom, nɛ United States.