Kpini Chugu

Kpini Chugu

festival

Country	Ghana
Located in the administrative territorial entity	Northern Region
Location	Dagbon, Mamprugo Moaduri District, Northern Region

Kpini Chugu, ka li gbin an kpa’aŋ malʋŋ bԑ Dagban buudi pian’ad ni la, anԑ malʋŋ kanԑ ka ba maan nwadis anaasi la ni Damba di’ema la nya’aŋ bԑ Northern region Ghana. Ba maan malʋŋ la bԑ Dagbon, Mamprugu nԑ Nanung buudi pian’ad dim zin’is ni. Onԑ zi malʋŋ kaŋa kԑna anԑ Naa Zangina. Kpa’aŋ anԑ bʋnvʋl kanԑ ka ba gͻs ka o bԑ o kͻn’ bԑ Northern Region Ghana sʋ’ʋlim.

Kpini Chugu pin’il si’em

Malʋŋ nwa' da pin’il nԑ sankanԑ ka Naa Zangina da an na’ab. Sͻlima pʋʋgin pa’al ye Naa Zangina da mͻr Islam pʋ’ʋsʋm kԑn Dagbon na. Kʋdʋmin labaar bԑ ye Prophet Mohammed saŋa la, o da tu suor ka paae mͻͻgin ka o kuom naae ka kuonuud kʋʋd o.

On da bͻͻd kuom nԑ nimmua la, o gͻdigi gͻs agͻl ka kpa’aŋ iandi gat ka o kͻnbilig la an ma’asig, ka kuom la tʋaki si’is o. O da buos kpa’aŋ la on naae zi’el na ka kuom la bԑ, amaa kpa’aŋ la da pʋ si’ak ye o yel o kuom la bԑ si’ela. Bʋnkͻnbig si’a da yuolim nya’aŋi kԑna ka pa’al Wina’am nid la kuom la bԑ si’el.

On da bͻͻd ye o tԑԑg kpa’aŋ la tʋbir la zug, o da gban’e ye o na kͻdig kpa’aŋ la, on pʋ si’aki pa’al o kuom la bԑ si’el la zug. Ba ya’a ye ba kͻdig o la ba vʋnsid kͻnbilig la si’eba ka fieb o bi’ela nԑ sisaanbig ka pian’a nԑ Dagban ye "A daa moŋ ti anabi kɔm" ka li gbin pa’al ye fʋ daa zan’as ye fʋ kʋ tis Wina’am nid kuom, li nya’aŋ ka ba kͻdigi li kʋ ͻnb.