Kusaas Siilima

Siilima banɛ ka kusaas mɔr bʋnvʋya naamidi ba.

1. Ngbam ye, sɔꞌ wʋsa iandnɛ o waꞌalim bɛn

2. Bintapigidʋŋ ye, paŋ on bɛ, ka nifi kae

3. Biꞌel-biel ka ba gbanꞌad nwaaŋ zʋʋr

4. Baa kum yaꞌa paae, o wɛsidnɛ o daan

5. Abaŋja ye,ba ɛɛnti suꞌanɛ ka zug muꞌoe

6. Baa pʋ dummi o biigi paad kɔnbirɛ

7. Amus yaꞌa dit saꞌab, li zabid baa suurnɛ

8. Baa ye, anayak saꞌab bɛnɛ o suunrin

9. Baŋtikarʋg ye, ti zanꞌa pʋ gbɛɛnd tɛŋa, ka nyɔdigi gbɛnꞌ tɛŋ

10. Baa ye, ba sumudnɛ kɔnbir ka kaꞌ saꞌabɔ

11. Tipɔꞌɔdiŋ ye, nɔɔr yaꞌa pʋ muꞌoe,yir pʋ kpɛnꞌɛda

12. Zinzaʋŋ yaꞌa ye o dʋꞌʋnɛ sienn Winaꞌam, o dʋꞌʋnidnɛ siendi o mɛŋ

13. Bʋŋ ye bɛog yaꞌa nie ka ba pʋ nwɛꞌ o nɛ balaarɛ, ban buolim o tampiinr

14. Baa ye yinne ɛɛnti lu, ka yinne mɛ lu ka diꞌema nɔbig

15. Ngbam ye zaba pʋ zabɛ ka yampɔɔn lɔbidaa

16. Bʋŋ yaꞌa ye waadɛ, o laꞌ nɛ walig

17. Azaʋŋkuꞌar ye, bɛŋa tigir bɛnɛ kɔlʋgʋn

18. Baa pʋ nyɛt ka ba lɛn suꞌasidʋ o

19. Sinsaʋk ye, o bʋn pʋ zuꞌoe ka siaki o sida

20. Alakim bɔbnɛ ka gur bugum mɔnyɔꞌɔs

21. Bʋŋ pʋtɛnꞌɛbɛꞌɛd ka o kɔŋ iila

22. Akɔra ye, suogɔnluŋ sʋŋ pʋ kɔꞌɔgid nɔbire

23. Bʋribig ye, gbir gbir ka nwiig kɛnsigid

24. Bandapaꞌada pʋ kpɛꞌɛnd vɔndʋg yinne

25. Bʋŋ ye, o ɔnbidnɛ yɔɔ-yɔɔgʋ paadi o puann

26. Amusi nyɛt ka sin la, baa nyɛt ka nyuunnɛ

27. Dindɛog pʋ nyɛnɛ kata, ka ye o ziꞌ zuaa

28. Zinzaŋ yaꞌa ti di taꞌama, o mɛɛsidnɛ kʋkpalig

29. Dulwaʋŋ kʋ zuon mɔɔ zugɔ

30. Bʋribig kunnɛ o baꞌ yir nɛ nɔbkɔɔliŋ daar

31. Bʋŋ yaꞌa dum saan, o kpɛnꞌɛsnɛ baa nyan

32. Dɛbil pʋ laꞌadi o ma nyingaandɛ

33. Lilaaliŋɛ pʋ dit ki la , fʋ yaꞌa bɛndi o nɛ zɔm, li kʋ gbanꞌae o

34. Fʋ yaꞌa nyɛ ka wief zɔt nɛ ganꞌar, baŋim ka o lubnɛ o daan

35. Bʋŋdaaʋg pʋ kaasidi o tiraan tɛŋinɛ

36. Ba yaꞌa nɔk bʋnyaꞌaŋ nwiigi lɔ bʋbila, o kaasidnɛ bʋnyaꞌaaŋ kaasig

37. Gbanzaʋg ye, nif kanɛ nyɛ la, on mɔri o yɛl

38. Zʋwɔkdaan pʋ gaŋid bugum

39. Fʋ yaꞌa pʋ lɔꞌɔŋ kɔlʋgɔ, da tʋꞌʋ bandaaʋg ye nɔwɔkɔ

40. Bʋribig ye, o ma, o ma ka o pʋꞌa bɛ yaꞌ

41. Bʋŋ yaꞌa kpi bɛꞌɛdɛ ba siidi o nɛ bɛꞌɛd

42. Fɛnꞌʋg yaꞌa bɔɔd ye li wʋm baa, li bɛnɛ o zupaasʋʋgʋn

43. Bʋŋ kpiida azɔtyɛl samanin

44. Fʋ yaꞌa ɔnbi fʋ tiraan nua, fʋ nua kennɛ kɛɛnr

45. Kuug ɛɛnti dumnɛ ka pɛbis

46. Baas kae ka nwaamis diꞌe pɔɔg

47. Bʋŋdaaʋg dʋʋ o bʋŋ tiraan

48. Bʋŋ yaꞌa bɔɔdi lugif, fʋ ziꞌ o tʋba baba

49. Baꞌamadir niŋid naꞌadaaug lan bɔ?

50. Nwaaŋ ye, zug baba pʋ diꞌema