Kwaku Sintim-Misa

Kwaku Sintim-Misa

ninsaal

Sex or gender	Dau
Country of citizenship	Ghana
Yu'ur Kane ka ba tis o	Kwaku
Du'am yuum	5 Samanpiid/Nwadispii nɛ atan 1956
Duam zin'ig	Kumasi
Languages spoken, written or signed	English
Tuuma	actor, television director, writer, television actor
Educated at	Prempeh College, Presbyterian Boys' Senior High School

Kwaku Sintim-Misa aka "KSM" (dʋ’am- yʋʋm tusir, kɔbiswai nɛ pisnu nɛ ayuobʋ, 1956) anɛ Ghana nid kanɛ an sini maan, siya sɔb, one tisid labaya,, nɛ gbansɔbid. O di’ema si’eba bɛ walis nɛ TV nam ni. One gɔsid di’em kanɛ buon The KSM Show la.

Pin’ilig

Da paas nɛ o dʋ’adib biis ayuobʋ ni ka ba dʋ’a o yʋʋm tusir, kɔbiswai nɛ pisnu nɛ yuobʋ, naar nwadig, daba nu daar (December 5, 1956), Kumasi tɛnpʋʋgin. O da kɛŋ UST Primary School, Presbyterian Boys' Senior High School, nɛ Prempeh College. On da naae college la, o da paam zamisigi yi lʋgir kanɛ nyɛ yʋ’ʋr Ghana kpala, National Film and Television Institute dinɛ bɛ Accra sʋ’ʋlim, Ghana la.

On da bɔɔd di’ema yela la, KSM da bas Africa sʋ’ʋlim yi na’asaatɛŋ ye o zamis sini maaligi bɛ Trinity College linɛ bɛ Connecticut , United States la. O da kɛŋ tuoni paam gbaŋ kanɛ an Master of Fine Arts in film production yi New York University.

Tʋʋma

KSM da pin’il o sini maalig nɛ Off-Broadway nɛ di’ema maalig. O da paasi maal sini kanɛ buon American crime series Law & Order nɛ sini kanɛ an Medal of Honor Rag (tuongat da anɛ one di’e ya’an piini yi Tony Award ni, Lloyd Richards.) KSM da an African nid kanɛ an yiiga da maal sini bɛ Off-Broadway on da maal di’ema kanɛ buon Thoughts of a Confused Black Man, on ma’a da maali li pa’al nidibi nɛ’ɛsid taaba bɛ United States sʋ’ʋlim si’em. Yʋʋm tusir, kɔbiswai nɛ piswai nɛ ayɔpɔi (1997) ka o da lɛb Ghana. On da lɛb na la, pʋ yʋʋgɛ ka o kilim one pian’ad walisin; on da tʋm nɛ Talk Shop la da kɛ ka Ghana sɔnsid walis pʋʋgin. KSM mɔr baŋir nɛ pian’ad pʋʋgin ka linɛ kɛ ka banɛ kɛlisid la’asid nɛ o pian’ad tɛnmaalig yela. O kɛŋ tuoni yis di’em kanɛ an Nyame Som Ye De, dinɛ da kɛ ka Ghana dim tɛn’ɛs bɛdigʋ kati wa’ae winpʋ’ʋsim yela.

Nidibi da mi’ o ye o anɛ one pian’ad walis ni la, KSM da pin’il di’ema kanɛ nyɛ yʋ’ʋr hali Ghana kpala: Thank God It’s Friday (TGIF). TGIF da anɛ di’ema kanɛ bɛɛ li kɔn’ ka ba pian’ad sakur nɛ ninsaal sʋŋir yela. KSM da di’e ya’an piini kanɛ an Radio and Television Personality Television Entertainment Show Host of the Year (2011) on da maan di’em kanɛ an TGIF la yela.

KSM sɔb di’ema gbana, ka gaad tuoni maali ba, ka maal di’em banɛ an siya di’ema wʋsa, si’eba anɛ Saga of a Returnee, Afia Siriboe, nɛ Politically Incorrect. KSM's mɔr nɛ o siya la maani pa’an nidib bɛilim, ligidi iieb, nɛ gɔmɛna na’adɔɔg dɔlisim yela Ghana sʋ’ʋlim. Lʋgir kanɛ gɔsidi li yela anɛ Sapphire Ghana Limited, di’ema zin’ig kanɛ ka o da pin’ili li, ka dɔlisi maal di’ema pa’al ninsaal bɛilim an si’em.

Yʋʋm tusayi nɛ awai la (2009), KSM da yis sini kanɛ wa’am bi’ela ka pʋdi li yʋ’ʋr ye Double. O sɔb di’ema gbana ka maal sini di’ema Tv nam ni, ka ba si’eba an Hot Bench, Divorce Court, Action Security, nɛ laafi yela sini nam. Ogya FM anɛ o TV ni tʋʋm kanɛ ka o tʋm daba yi’ nwa, linɛ an ye li sa’al nidib ban na paam ti’akir yela, ka ba gɔsi li bɛ Panafrican Film and Television Festival of Ouagadougou linɛ Burkina Faso sʋ’ʋlim la.

O yin yela

Banɛ da dʋ’a Sintim-Misa anɛ Rt. Rev. Godfried Kwadwo Sintim-Misa, one da an kpɛɛm tis Presbyterian Church of Ghana, nɛ Mary Oforiwaa Sintim-Misa. O mɔr pʋ’a nɛ biis anu ka ba yinne an rapper Yaw (Blackway).