Lionheart
| Title | Lionheart  |
|---|---|
| Assessment | Bechdel test |
| Genre | action film, thriller film, martial arts film, drama film, boxing film |
| Publication date | 1990, 4 Sawa'ar/Nwadispii nɛ yinne 1990 |
| Country of origin | United States |
| Original language of film or TV show | English |
| Director | Sheldon Lettich |
| Screenwriter | Jean-Claude Van Damme, Sheldon Lettich |
| Film editor | Mark Conte |
| Composer | John Scott, Jerry Goldsmith |
| Producer | executive producer |
| Production company | Universal Studios |
| Distributed by | InterCom, Netflix |
| Narrative location | Los Angeles |
| Color | color |
| Review score | 4.3/10, 39%, 41/100 |
| Distribution format | video on demand |
| Filmiroda rating | Category III |
| FSK film rating | FSK 18 |
Lionheart anԑ yʋʋm tusir,[1] kͻbiswai nԑ piswai America sini kanԑ maan zaba, ka onԑ gaad tuoni gͻsi li yela an Sheldon Lettich, banԑ paasi maal sini la si’eba anԑ Jean-Claude Van Damme, Deborah Rennard, Harrison Page, Lisa Pelikan nԑ Brian Thompson. Ka mԑ paas sini maan Ashley Johnson.[2] Van Damme maal o mԑŋ sini la ni nԑ an Fariŋ dim ninkanԑ bԑ Africa, onԑ bas ka kԑŋ United States, nͻk o mԑŋi paas banԑ zabid ka ba yͻͻdi ba ni, lin na niŋ si’em ka o paam ligidi gͻs o ba’abiig kanԑ ka ba kʋ o pʋ’a nԑo biis.
Ba da pin’il sini la gͻsig France nԑ Mͻtul nwadig pin’ilig daar, yʋʋm tusir, kͻbiswai nԑ piswai la ni, ka United States tԑŋin da an Yʋʋmpaal nwadig dabpiinԑ yinnԑ daar, yʋʋm tusir, kͻbiswai nԑ piswai nԑ yinnԑ la ni.[3] Nidib bԑdigʋ da di’e ba, ka da siak ye Van Damme an onԑ maal sini gaad o taaba bԑ North America.[4] Ba da yisi li United Kingdom ka pʋdi li ye A.W.O.L: Absent Without Leave, ka Oceania mԑ da an Wrong Bet, banԑ da gͻsi li yela anina da pʋdi li yʋda ayi’ si’eba pin’iligin si’em la.[5][6]
Suodͻlusug
Lyon Gaultier anԑ tԑnzʋŋ dim zabzabidi bԑ Djibouti, East Africa. O da mͻr ba’abiig ka o bԑ Los Angeles, ka ninsi’eba yʋ’oe o nԑ bugum on da kԑŋ ye o kuos ti’kpi’ema ka pʋ nyaŋ la, Lyon da di’e gbaʋŋi yi o ba’abiig la pʋ’a kanԑ yʋ’ʋri buon Hélène sa’an ka o bԑlim o ye o kulim na gͻs o ba’abiig la ka o wa’a nԑ kum, ka namisid ka buon o yʋ’ʋr. Lyon da sʋ’a zͻ’ ka bas o zabzabid taaba la ye o kul yin, o da nyԑ ka anrʋŋ lͻ’ͻŋid wa’ae United States. Lyon nԑ o zabzabidib taaba kpԑԑm la da baŋ on kun zin’ig si’a, ka tʋm zabzabidib ayi’ ye ba kԑm Los Angeles mͻr Lyon lԑb na ka ba tԑԑg o tʋbir.
On da paae New York City ka ligidi kae o nu’ug ni ka o na nͻki lͻ’ͻŋi kul Los Angeles la zug, Lyon da nͻk o mԑŋi kԑŋ paas nԑ banԑ zabid ka ba yͻͻdi ba zin’ig, ba kpԑԑm yʋ’ʋri buon Joshua Eldridge. O da siak ye o na zab zaba kanԑ tial la, ka sid da zabi nyaŋi o tiraan la. Joshua sunf da ma’ae nԑ ka o dͻl Lyon kԑŋ ye o sial Cynthia Caldera, on da anԑ onԑ gͻsid banԑ an kpan’anam zaba. Cynthia da siak ye o na sʋŋ Lyon, anina ka o da pʋd o yʋ’ʋr ye "Lionheart" ka da ye o zab nԑ zabzabid kanԑ yʋ’ʋri buon Sonny, on anԑ zabzabid kanԑ mͻr o taaba zamisid hali zaba pʋʋgin. Lyon da zabi nyaŋ Sonny na’ana’, ka dͻl Joshua kԑŋ lͻkanԑ ka baŋwiins bԑ ye o buol Hélène, tԑŋin la ninyaalis si’eba da kԑna ye ba zab nԑ o. Ka Joshua buol Cynthia ka o sʋŋi mͻri ba lͻ’ͻŋi paae Los Angeles.
Lyon da kԑŋi paae sibiti la ni ka o ba’abiig la pʋn kpinԑ sa. Ba da gban’ae banԑ tʋm tʋʋmkan la, amaa Hélène da pʋ lԑn mͻr ligidi o san’an ya’asԑ, ka sibiti ni sama nan digi ka pʋ yͻͻ, ka mԑ lԑn mͻr o pʋ’ayʋabil ka o yʋ’ʋr buon Nicole ka li nar ye o gͻs o. Lyon nԑ Joshua da nyaŋi vԑԑnsi baŋ Hélène gbԑԑnsig zin’ig, amaa, Lyon da ye o pian’a nԑ Hélène, ka o pʋ siakida ka ye Lyon bas ye ka o sid kpi, ye onԑ lԑn kԑ ka o sid kpԑn’ԑ tikpi’ema kuosʋg.
Lyon da gban’a o sʋn’ʋrin ye o na dͻlis sʋosia sʋŋ Hélène nԑ Nicole ka ba kʋ baŋ ye onԑ sʋŋidi baa. O da dͻlis Cynthia ni paas zabzabid ni ka o ya’a zab zaba nyaŋ wʋsa, o yͻͻd wa’ae nԑ Hélène n, ka o kԑ ka Joshua ma’ pʋ’a la ye o sid da digil nԑ ligidi lͻsia ka nyaan kpi. Lyon da zabi nyaŋ zabzabid kpi’ema, ka ba si’eba an, dau kanԑ da zabid hali yit Scotland, zabzabid kanԑ da bԑ squash court, ka zabzabid kanԑ zabid kuom pʋʋgin. Lyon da mͻr o ligidi wʋsa tisid yin la da kԑ ka li fʋfʋm gban’a Cynthia nԑ Lyon n tisid Hélène o ligidi wʋsa la, li da kԑ ka o tʋm o tʋmtʋm Russell ye o dͻlisim gͻs Lyon yela. Zabzabidib ayi’ banԑ ka ba kpԑԑm tʋmi ba ye ba kԑna gban’e Lyon la da paae Hélène yin la na da mͻͻd ye ba gban’e: Russell da faae o, amaa ka o sapirig kͻnbir da damm. Hélène da nyԑ ban da kԑna ye ba gban’e o la, ka mԑ baŋ sida ye o sid da pʋ bas ligidi zin’ig si’aa, anina ka o yʋ’ʋn da siak ye Lyon anԑ Nicole saambil.
Cynthia da ti’eb ye Lyon zab nԑ Attila, zabzabid kanԑ ka ba pʋ zabidi nyaŋid o, o ԑԑnti maal o mԑŋ wan wʋʋ tadim nԑ, ka ti kpԑlim ti’ebi zab nԑ o paŋ wʋsa nyaŋi ba. Cynthia da siak ye Lyon ya’a zab zabkaŋa naae o na nͻk o tis banԑ kԑna ye ba gban’e o la. O da nͻk on mͻr si’el wʋsa waae loto ye Attila na nyaŋ zaba la pʋʋgin. Lyon pʋ’aliŋ la zug ka Joshua da muk ye o da zab zaba laa, ka o da zan’as.
Zaba la da pin’il la, Attila da nyaŋi baŋ ye Lyon sapiri kͻnbir kͻ’ͻg ya, ka muku o mԑŋi nwԑn’ԑd anina. Saŋa da kԑna ka Attila nwԑn’ԑ o digil nͻͻr babig ka ba tԑn’ԑs ye o nyaŋ zaba la naae, anina ka Joshua maligim bԑlim Lyon ye o basim zaba la ka on waae loto ye o kʋ nyaŋ zaba laa, o na di’e ligidi la ka ba pʋdig abʋyi’. Nwa’ da kԑ ka Lyon sunf pԑlig hali, ka o da muk o mԑŋ nԑ o paŋ biela kanԑ kpԑlim la zabi nyaŋ Attila, o da tͻn’ o nԑ o nͻba, nԑ dʋnma ka nwԑn’ԑ o nԑ nu’ug kʋkʋma. Lyon da nyaŋ Attila ka o paŋ pʋ lԑn kpԑlim baa bi’elaa, ka lԑԑ bas ka bʋ ku o. Nwa’ da kԑ ka Cynthia kpԑn’ԑ samm ka on lԑԑ mͻr o yͻͻd la kʋl la li an on nԑ o yidim din. Banԑ da ied o la da gban’e Lyon, ban da mͻr o gat la, ba da wʋm ka bibil la kaasid Lyon yela, li nimbaanlig da kpԑn’ԑ ka ba mͻr o kԑŋ bi’ela ka bas o ye o kpԑlim America. Sini la naar ni, Lyon yʋ’ʋn la’as nԑ o yir-dim nԑ Joshua.
Di’em-di’emnib
[dɛmisim gbɛlima | dɛmisimi din yi zin'isiana]- Jean-Claude Van Damme an Lyon "Lionheart" Gaultier
- Harrison Page an Joshua Eldridge
- Deborah Rennard an Cynthia Caldera
- Lisa Pelikan an Hélène Gaultier
- Ashley Johnson an Nicole Gaultier
- Brian Thompson an Russell
- Vojislav Govedarica (Voyo Goric) an Sergeant Hartog
- Michel Qissi an Moustafa
- Abdel Qissi an Attila
- Ash Adams an Francois Gaultier
- George McDaniel an Adjutant
- Jeff Langton an Sonny
- Paco Christian Prieto an kuomin zabzabid
- Magic Schwarz an zabzabid
- Stuart F. Wilson an Scottish zabzabid
- Clement von Franckenstein an English kpikpiŋ daan
- Stefanos Miltsakakis an Dͻrͻba
- Billy Blanks an Africa zabzabid
- Tony "Satch" Williams an zabzabid
- James Brewster Thompson an zabzabid
- Tony Halme an onԑ gur la’ad
- Jeff Speakman an Mansion wasmaan
- Christopher M. Brown nimbi’es kpԑԑm
Maalig
[dɛmisim gbɛlima | dɛmisimi din yi zin'isiana]Pin’ilig nԑ sͻb
[dɛmisim gbɛlima | dɛmisimi din yi zin'isiana]Lionheart da yinԑ sini ayi’ ni na. Van Damme da sͻb gbaʋŋ ye o maal sini kanԑ maan zaba ka pʋdi li yʋ’ʋr The Wrong Bet. O zu’a Sheldon Lettich da sͻbid gbaʋŋ ye o tis Sylvester Stallone ka ba maal sini kanԑ buon Rambo III. Van Damme da sʋŋ Lettich saŋsi’eba Fariŋ buudi pian’ad ni. Ban da pʋ maal sini kan la zug, ba da la’asi li nԑ The Wrong Bet.[3] Bʋnlinԑ da tisi ba kpԑmisig da anԑ sini kanԑ ka ba da maal yʋʋm tusir, kͻbiswai nԑ pisyͻpͻi nԑ anu saŋa ka pʋdi li yʋ’ʋr Hard Times la, Van Damme nԑ Lettich da nͻŋ sini kan yela hali. The Wrong Bet mԑ da dͻl nya’aŋ, onԑ mukud nԑ tʋʋma da la’as nԑ onԑ gͻsid sini maalig titua k aba maali li (banԑ da maal an Charles Bronson nԑ James Coburn).[3]
Sunil Shah kanԑ da bԑ Imperial Entertainment da tʋm nԑ Van Damme kʋdʋm ka da maal Black Eagle, nidib da da’a li hali. Amaa, o da pʋ bͻͻd ye o tis Lettich tʋʋma la, bͻzʋgͻ, o da mͻr yͻͻd si’eba ka li da nar ye ba yͻ o. Onԑ ka ba da gban’e ye o na gͻsi li yela da anԑ Eric Karson, ka o zua kanԑ buon Stefani Warren da nar ye o gͻs ban na gban’a nidib la kpԑn’ԑs sini la pʋʋg, onԑ da sͻb gbaʋŋ kanԑ ka ba da gͻs ka maal sini kanԑ ka ba da maal ka pʋdi li Angel Town. Angel Town sini maan kanԑ buon Olivier Gruner da anԑ French dim soogia kʋdʋg. Ba da gaŋ on ye o sa’ali ba The Wrong Bet maalig kati wa’ae soogianam tʋʋma yela.[3]
Warren da sͻb o yiiga gbaʋŋi tis k aba gͻs ka ye li an sʋ’ʋm ka na nyaŋi tisi ba ligidi. Van Damme da bas suor ka Lettich maligim sͻb gbaʋŋ la, ka ba da nͻk o ka o gͻsi li maalig yela.[7] Lettich pa’al ye sʋŋir kanԑ da kpԑlim an Warren tʋʋma da anԑ yʋ’ʋr kanԑ ka ba da pʋd ye "Lionheart" la ma’a.[3] O da pʋ sͻb tͻ’ͻtͻ’ͻ ka Van Damme da la’an nͻk o mԑŋ baŋiri paas anina. On nԑ Lettich da ti’aki li ka li pʋ wan wʋʋ zaba sini nam la an si’em, ka lԑԑ kԑ ka zaba la pʋʋgin ka o ie nyԑ banԑ ku o ba’abiig laa.[8] Ligidi kanԑ ka ba da pin’il nԑ $3 million, nԑ lin ti dʋ ala paae $6 million.[9]
Gaansug
[dɛmisim gbɛlima | dɛmisimi din yi zin'isiana]Onԑ da gͻs ka gaans sini maanib Lionheart sini la ni anԑ James Tarzia, onԑ da tʋm hali gaad o taaba o saŋa. Zabzabidib gaansig da maali bԑ nԑ Frank Dux gym ka nidib banԑ da bͻͻd ye ba gaansi ba da paae ban tʋsir yela. Jeff Speakman da di’e Jean-Claude Van Damme zin’ig sini maanib la gaansig saŋa, amaa on da muk o mԑŋ sini la maalig zaba ni la, o da yi sini la pʋʋg na ka pʋ paas zaba la nii.[10] Brian Thompson da anԑ Lettich zua, ka ba da gaŋ o ye o banԑ zabid yͻͻg yͻͻg la zug bԑ sini la ni.[3] Ashley Johnson da paas sini la ni an Lyon pitʋ biig. O da bi’el o zuanami kԑŋ sini maalig zin’ig Los Angeles ka ba nyԑ o anina ka buol o paas.[2][11]
Sini la ki’eb da pin’il nԑ Sapal nwadig daba anii daar, yʋʋm tusir, kͻbiswai nԑ pisnii nԑ awai la daar.[9] Zin’ig kanԑ ka ba ki’a sini la bԑdigʋ anԑ Los Angeles baba nԑ New York City.[12] Jean Dry Lake, da zi’en nԑ Nevada ka ba ki’e o foto ka nͻki maal ye Djibouti tԑŋin.[12] Lin da an o yiiga sini ka o da gͻsidi li maalig yela la zug, Lettich da nyԑ yela hali bԑ nidib la ni, li kaskas da anԑ Robert C. New, li da kpԑlim bi’ela ka o yis on tʋʋma la ni.[3]
Van Damme, Michel Qissi nԑ Frank Dux da la’asi gͻsid ka ba maan zin’ig la ka li sid wan wʋʋ ba zabid nԑ zabmԑŋir nԑ. Zaba kanԑ bԑ sini la ni on nԑ Jeff Langton ka ba da zabid lͻrnam zin’igin la da tigid nini hali, amaa Van Damme da bͻͻd ye li naae tͻ’ͻ ka banԑ gͻsid la sʋnf ma’ae.[3] Van Damme mԑŋi da bas suor ka ba yԑԑs o fuud sini la ni.[8]
Maalig naar
[dɛmisim gbɛlima | dɛmisimi din yi zin'isiana]Stephen "Steve" Edwards an onԑ da maal yʋʋma nԑ bʋnwԑn’ԑda tis sini la. Amaa, Imperial brass dim da nyԑ sini la ka li an sʋ’ʋm k aba si’ak ye ba na gͻsi li bʋnwԑn’ԑda yela, ka onԑ da gͻsi li yela an British nid John Scott. Li da mͻr vuud kanԑ ka bʋnwԑ’ԑda nwԑ’ԑd baanlim,[13] amaa Lettich da bͻͻd ye li nwԑ’ԑd tԑnpʋʋgin nwԑ’ԑb dͻl nidib la bԑ sini pʋʋgin maan si’el la. Ban da ye ba sik kuom pʋʋgin zab zaba la, o da Edward yʋʋma yinnԑ. Amaa zin’is bԑdigʋ, yʋʋma kanԑ da nwԑ’ԑd anԑ Bill Wray yʋʋma.[3]
Buud si'eba
[dɛmisim gbɛlima | dɛmisimi din yi zin'isiana]Universal dimi da yis si’el la da bԑԑ li kͻn’ nԑ tԑŋ si’eba din, tԑŋsi’eba dim da gͻsid ka ba din la bԑԑ li kͻn’. Tԑŋsi’eba din la da wa’am nԑ, amaa, banԑ da gͻs tԑŋkan din la maal ka ba buoni ba Universal da mͻr si’el namԑ li pʋʋgin ka tԑŋ si’eba din la pʋ mͻra. Ba da gͻsid tԑŋsi’eba din la bԑ U.K.[5][6][14]
Paalʋ yiib
[dɛmisim gbɛlima | dɛmisimi din yi zin'isiana]Yiiga yiib
[dɛmisim gbɛlima | dɛmisimi din yi zin'isiana]Sini la da yina bԑ Cannes Film Market yʋʋm tusir, kͻbiswai nԑ piswai, Sigsaa nwadig dapiinԑ anii daar, da ba pʋdi li ye A.W.O.L.[9] Yʋʋm tusir, kͻbiswai nԑ piswai Mͻtul nwadig, daba ayi’ daar ka li da kpԑn’ԑ Universal Studios banԑ bԑ U.S nu’ugin.[9] Lini da an yiiga sini kanԑ ka Van Damme maal ka di’ema zin’is bԑda yisi li ka nidib gͻs.[15]
Di’ema zin’ig
[dɛmisim gbɛlima | dɛmisimi din yi zin'isiana]Lionheart da yi paalʋ France tԑŋin nԑ yʋʋm tusir, kͻbiswai nԑ piswai, Mͻtul nwadig pin’ilig daar, anina ka nidib bԑdigʋ di’e o nԑ nu’us ayi’ on kpin nԑ Fariŋ dim la yela.[3] Ba da pʋdi li anina ye Full Contact linԑ da an o sini kanԑ an yiiga daani paam nidib ka ba tʋʋg million yinnԑ gͻsili, nidib la da anԑ 1,226,025 admissions.[16]
United States tԑŋin, sini la da yi paalʋ nԑ yʋʋm tusir, kͻbiswai nԑ piswai nԑ yinnԑ, yʋʋmpaal nwadig dapiinԑ yinnԑ daar. O da lԑn paam zugsʋŋ anina, bakwai pʋʋgin ka li da paas abʋtan’ daan kanԑ ka nidib nͻŋ ka ban kuos ka paam ligidi sia li pʋʋgin tʋʋg $7 million.[17] Li da pʋ yʋʋgԑ ka li da’a lu,[9][18] sini la da paam ligidi sia anina anԑ $24,078,196, o da paam ligidi saŋkan sini la ni gaad o sini nam la wʋsa ti paae zina.[1]
Yaan di’ema
[dɛmisim gbɛlima | dɛmisimi din yi zin'isiana]Sini la da pin’ili yit yaani bԑ VHS ni yʋʋm tusir, kͻbiswai nԑ piswai nԑ yinnԑ, Sigir nwadig dapisi nԑ anu daar dͻlisid MCA/Universal Home Video.[19] Wan wʋʋ di’ema zin’isin la, U.K. din linԑ ka ba da gͻsidi yit Guild Home Video la ba da pʋ tiak si’eli li pʋʋginԑ,[14] ka li da paae anina yʋʋm tusir, kͻbiswai nԑ piswai, Samanpiid nwadig, daba atan’ daar.[20] Australia dim da di’e linԑ ka ba pʋ ti’ak mԑn la yi Palace Entertainment nԑ Roadshow ni.[5][21]
Yʋʋm tusayi nԑ piinԑ anii, Sigir nwadig dapiinԑ ayi’ daar, sini la da nyԑ suori bԑ Blu-ray yit MVD Entertainment Group ni, anina ka Van Damme nԑ Lettich da gͻsi li yela. Ba tͻlis lin nԑ ka li wa’am, ka Lettich buol lin ye "Linԑ ka Director maal o da nͻk lin nԑ tis ye ba gͻsi maali li titua."[3][15][22]
Rotten Tomatoes zin’igin la, nidib pisnaasi nԑ ayi’ kͻbiga pʋʋgin da di’e sini la ka nidib piinԑ awai mԑ sͻbi li yela sʋ’ʋŋa.[23] Metacritic ni, nidib pisnaasi nԑ yinnԑ kͻbiga pʋʋgin di’e li ka nidib piiga sͻbi li yela ban tԑn’ԑs ka li an si’em.[24] Nidib da tͻn’ tis sini la bԑ CinemaScore ka nidib da tisi li "B+" ba da ye ba gaŋim lin yi A+ kԑŋ paae F.[25]
Michael Wilmington kanԑ da bԑ Los Angeles Times da buoli li ye sini kanԑ mͻr zaba ka vԑnli gaad yʋʋm tusir, kͻbiswai nԑ pisnii saŋa sininam wʋsa."[26] Richard Harrington onԑ da bԑ The Washington Post da pa’ali li yela ye "ba nyaŋi tiasi li ka fʋ kʋ nyaŋi baŋ ban zi’en lͻsia maali li."[27] Owen Gleiberman onԑ da bԑ Entertainment Weekly da pa’al ye li anԑ linԑ ka ba ki’e li pԑsi maali li ka li pʋ wan wʋʋ sinii ka lԑԑ wan wʋʋ li maal nԑ fʋ tuon."[28]
| Lionheart (Nidib kԑn nԑ yʋʋma) | ||||
| John Scott pa’alʋg | ||||
| Paalʋ yiib | 1990 | |||
| Banԑ nͻk | Bavaria Music Studios,
Munich[29] | |||
| Genre |
| |||
| Wa’alim | 63:58 | |||
| Label | Intrada Records[29] | |||
| Producer | John Scott | |||
| John Scott chronology | ||||
| ||||
Onԑ da pa’al Lionheart yela giŋa nwa’ anԑ John Scott, ka vuud la yi Munich Symphony Orchestra. Intrada Records dimi yis sini la yʋʋma bԑ kaset ni yʋʋm tusir, kͻbiswai nԑ piswai ni.[29] Li nya’aŋ ka German label DigiDreams dim mԑ paas yʋʋma kanԑ buon "No Mercy" ka onԑ yʋʋmi li buon Bill Wray la, ba yis yʋʋma la ka li pʋ paas sini la zin’is si’ebaa.[29]
Sini si’eba banԑ Ka Steve Edwards maal da yi paalʋ yʋʋm tʋsir, kͻbiswai nԑ piswai nԑ anii ni kaset nam ni ka o pʋdi li yʋ’ʋr ye sini yʋʋma.[30][31]
Yu'usung
[dɛmisim gbɛlima | dɛmisimi din yi zin'isiana]Van Damme da kԑŋ tuoni maal sini banԑ mͻr ligidi si’eba, banԑ gͻsid o sini la si’eba mͻr o sini la foto ka yet ye, "nidib la nͻŋ Lionheart gͻsig bͻzugͻ, li pa’an nidi na bԑ nԑ o zua, nͻŋir, bԑԑ o ba’abiig si’em."[22] Knock Off da buosid o buosa ka Van Damme lԑbis ye Timecop nԑ Lionheart anԑ o sini nama ayi’ banԑ ka nidib nar ye ba gͻs.[32] Lettich da paas ya ye "Nidib banԑ nͻŋ Van Damme ka an pʋ’ab la nͻŋ sini la hali bͻzugͻ, o pa’al nͻŋilim anina hali. O zabid sini la ni ka ba namisid o, lin na niŋ si’em ka o paam ligidi da’ kԑԑkԑ paalig tis o pʋ’ayua la.[8]
Ba tԑn’ԑsi gͻs ye ba maal sini tͻlis Lionheart n naae si’em bԑn la. Yʋʋm tusayi nԑ piinԑ anaasi ni, sini kpԑԑm Albert Pyun da yel ye ba kԑn na yel on ye o gͻs ka maal sini la ya’as. Yʋʋm tusayi nԑ piinԑ ayuobʋ ni, ba da kaanl sini la paas banԑ bͻͻd maaligi bԑ Moonstone Entertainment, banԑ sʋ’ʋe Imperial library hali yʋʋm tusayi nԑ pisi nԑ atan’ saŋa sa, amaa li pʋ tʋmm.[33][34] Yʋʋm tusayi nԑ piinԑ anii, Fulumfug nwadig la ni, Van Damme da yis labaar na ye ba na maal Lionheart 2 yʋʋmkan ni, [4][35]amaa o da lԑn tiak o pʋtԑn’ԑr.[36]
Gbanvԑԑnsa
[dɛmisim gbɛlima | dɛmisimi din yi zin'isiana]- 1 2 "Lionheart". Box Office Mojo. Retrieved December 26, 2007.
- 1 2 Johnson, Ashley (May 3, 2017). "'Blindspot' Star Ashley Johnson: I Was a Child Star—and Lived to Tell About It". tvinsider.com. Retrieved December 31, 2022.
- 1 2 3 4 5 6 7 8 9 10 11 Danna, Corey (July 23, 2022). Sheldon Lettich: From Vietnam to Van Damme. Orlando: Bear Manor. pp. 228–231. ISBN 978-1629339887.
- 1 2 Beresford, Jack (February 28, 2018). "Jean-Claude Van Damme Confirms Plans For Lionheart Sequel". loaded.co.uk. Archived from the original on February 28, 2018.
- 1 2 3 Busby, Adrian; Cotenas, Eric (August 1, 2018) [February 16, 2003]. "Lionheart aka A.W.O.L. aka Leon (1990)". dvdcompare.net. Retrieved May 29, 2023.
- 1 2 Ryan, James-Masaki; Cotenas, Eric (August 1, 2018) [June 3, 2015]. "Lionheart aka A.W.O.L. aka Leon (1990) (Blu-ray)". dvdcompare.net. Retrieved May 29, 2023.
- ↑ Freitas, Marco A.S. (November 29, 2012). "Q & A with Sheldon Lettich". asianmoviepulse.com. Retrieved December 31, 2022.
- 1 2 3 Sathoff, Evan (February 5, 2015). "Badass interview: Talking Jean-Claude van Damme with Lionheart director, Sheldon Lettich". birthmoviesdeath.com. Retrieved December 31, 2022.
- 1 2 3 4 5 "Lionheart (1991)". afi.com. American Film Institute. Retrieved December 31, 2022.
- ↑ Scott (host), Adkins (February 23, 2021). "Jeff Speakman". The Art of Action. Episode 17. Event occurs at 15:54. Retrieved September 6, 2022.
- ↑ "Rencontre avec Mohamed Qissi". Imaginarium (in French). Lille; Lambersart. December 7, 2020. Event occurs at 16:30. RPL Radio 99FM.
- 1 2 Chris The Brain (June 20, 2018). "10 Things You Didn't Know About Lionheart". bulletproofaction.com. Retrieved December 31, 2022.
- ↑ Gorjón, Sergio; Senarriaga, Asier G. "Interview with John Scott". bsospirit.com. Retrieved December 31, 2022.
- 1 2 "A.W.O.L." bbfc.co.uk. August 31, 1990. Retrieved May 29, 2023.
- 1 2 Danna, Corey (February 8, 2021). "Exclusive: Director Sheldon Lettich Celebrates 'Lionheart' 30 Years Later". horrorgeeklife.com. Retrieved December 31, 2022.
- ↑ "Jean-Claude Van Damme (Acteur belge) : Résultats France". jpbox-office.com (in French). Retrieved December 31, 2022.
- ↑ Broeske, Pat H. (January 14, 1991). "Home Alone in 9th Week as No. 1 Film : Movies: 'Godfather Part III' takes dramatic slide from second to sixth place in its third week out. 'Awakenings' is in second". The Los Angeles Times. Archived from the original on November 4, 2012. Retrieved January 1, 2011.
- ↑ "'Home Alone' Fends Off Yet Another 'Intruder' : Box Office: Vietnam War film opens to mediocre business as comedy remains on top for 10th week. After four weeks of release, 'Godfather Part III' drops to 12th". Los Angeles Times. Archived from the original on April 4, 2013. Retrieved June 4, 2012.
- ↑ Wilkinson, Jack (July 25, 1991). "Movies: What's new on the home video scene". upi.com. Retrieved December 31, 2022.
- ↑ "Video Reviews". Herald & Post. Wellingborough; Rushden. November 15, 1990. p. 60 – via newspapers.com (subscription required) .
- ↑ Wrong Bet (VHS). Australia: Palace Entertainment; Village Roadshow Corporation. UPC 9398701389724.
- 1 2 Lionheart (Blu-ray). MVD Rewind. Pottstown: MVD Entertainment Group. June 12, 2018. UPC 0760137076483.
- ↑ "Lionheart (1990)". Rotten Tomatoes. Retrieved March 6, 2026.
- ↑ "Lionheart (1991)". Metacritic.
- ↑ "CinemaScore". cinemascore.com.
- ↑ Wilmington, Michael (January 11, 1991). "Karate-Themed 'Lionheart' Is a Swift Kick in the Teeth". The Los Angeles Times. Archived from the original on October 26, 2012. Retrieved August 23, 2010.
- ↑ "Lionheart". Washington Post. January 14, 1991. Retrieved January 1, 2021.
- ↑ "Lionheart". Entertainment Weekly. January 18, 1991. Archived from the original on December 21, 2009. Retrieved December 1, 2010.
- 1 2 3 4 "John Scott – Lionheart (Original Motion Picture Soundtrack)". discogs.com. 1990. Retrieved December 31, 2022.
- ↑ "Lionheart (1990)". soundtrackcollector.com. Retrieved December 31, 2022.
- ↑ "Steve Edwards – Film Music". discogs.com. 1998. Retrieved December 31, 2022.
- ↑ Carey, Lynn (September 9, 1998). "Van Damme knocks off yet another martial arts film". Tampa Bay Times. Knight Ridder. p. Baylife–5 – via newspapers.com (subscription required) .
- ↑ Bona, J.J. (April 25, 2016). "'Falcon Rising' producer to remake Van Damme's 'Lionheart'". cityonfire.com. Retrieved December 31, 2022.
- ↑ Morris, Clint (April 26, 2016). "Remake of Van Damme's Lionheart kicks into production!". moviehole.net. Retrieved December 31, 2022.
- ↑ Burwick, Kevin (February 28, 2018). "Lionheart 2 Begins Shooting with Van Damme Later This Year". movieweb.com. Retrieved December 31, 2022.
- ↑ Beresford, Jack (May 25, 2018). "Interview: Sheldon Lettich on Bloodsport, Van Damme and Stallone". ultimateactionmovies.com. Retrieved December 31, 2022.