Nania F.C
| Inception | 1998  |
|---|---|
| Sport | association football |
| Country | Ghana |
| Headquarters location | Accra, Legon |
| Category for members of a team | Category:F.C. Nania players |
Football Club Nania anɛ Ghana bɔɔl nwɛ'ɛb la'aʋŋ bɛ Legon Accra sʋ'ʋlʋmin. Ba nya'adnɛ Division One League bɔɔl nwɛ'ɛb la.[1]
zin'ig
[dɛmisim gbɛlima | dɛmisimi din yi zin'isiana]Nania FC bɛnɛ Legon kologi tita'ar la, ka zamisidi ba bɔɔl nwɛ'ɛb lammɛ ban maan lɔya maalʋg zin'ikanɛ li'el nɛ rugby bɔɔl nwɛ'ɛb zin'igin la, ba buon zin'ikan ye Legon lɔya maalʋg zin'ig, ka li bɛ Accra Ghana kpɛla.[2]
Labakʋda
[dɛmisim gbɛlima | dɛmisimi din yi zin'isiana]Nwɛ'ɛb nɔŋgbannwa'asim maalʋg
[dɛmisim gbɛlima | dɛmisimi din yi zin'isiana]Maha Ayew onɛ an Abedi Pele kanɛ an Nania FC kpɛɛm la da gban'e Ghana bɔɔl nwɛ'ɛb lʋgʋr la nɛ Kwesi Nyantakyi onɛ aan ba tuongat la, nɛ Amadu Tanko nɛ Justice Anim Yeboah banɛ an FA kpɛɛmnam kanɛ gɔsid wada nɛ tʋbtɛɛgir nu'ug-nwɛ'ɛb yɛla la tuongatib la, ye kootʋ gu'um FA ka ba da wʋm bɔɔl nwɛ'ɛb yɛlkanɛ bɛ on bɔɔl nwɛ'ɛdib la nɛ Okwawu United dim laa.
Amaa saria kat kanɛ da gɔsid yɛlkan la da yɛl ye a-maligim vɛɛns gɔs wada kʋ tʋm bɛ FA nii, bɔzugɔ vɛɛnsʋg kan tʋmmɛ gɔmma tʋʋmlʋga ni kae a-sʋ'oe-m-mɛŋ tʋʋma ni wʋʋ FA laa.
Saria katib la da kɛ ka Maha Ayew onɛ an Nania FC bɔɔl nwɛ'ɛb kpɛɛm la da pʋ nar ye o gban'e FA dim kootʋ ni on pʋ mɔr bɔɔdim bɛ Nania FC ni la zugɔ.
Tuogatib yɛl ye nidib atan' nwa; Kwesi Nyantakyi, Amadu Tanko nɛ Justice Anim Yeboah da tʋmmi ba tʋʋma ka li pʋ nar ye ba saminɛ ba bɛ ba mɛŋ tʋʋma nii.
Ba da tis nidib atan' nwa sɔ' mɛkama nɛ miliyɔn anii-nii Maha Ayew n maal dama'am zɛrigi ba la, ka nɔk miliyɔŋ yinne tis Nania FC.
Lababanɛ daa yi nya'aŋ na la pa'al ye, Ghana bɔɔl nwɛ'ɛb lʋgʋr la kpɛɛmnam banɛ gɔsid wada nɛ tʋbtɛɛgir nu'ug-nwɛ'ɛb yɛla la na maligim wʋm Nania FC nɛ Okwawu United nya'aŋ lɛbisʋg yɛla la.
Bɔɔl nwɛ'ɛdib banɛ ka ba mi'i
[dɛmisim gbɛlima | dɛmisimi din yi zin'isiana]- Andre Ayew
- Jordan Ayew
- Ibrahim Ayew
- Ahmed Barusso
- Lee Addy
- Kwabena Agouda
- Collins Addo
- Kennedy Asamoah
- Addison Ayitey
- Tekyie Mensah
- Yaw Agyei
- Joseph Amoah
Gbanvɛɛnsa
[dɛmisim gbɛlima | dɛmisimi din yi zin'isiana]- ↑ fc-nania-revel-in-cup-glory.. archive. from the original on 3 March 2016. Retrieved 10 November 2008
- ↑ nania-fc-and-others-banned-for-a-year/197.archive.from the original on 3 March 2016. Retrieved 10 November 2008.