Niŋgɔɔnr

neck

class of anatomical entity

Subclass of	subdivision of body proper, particular anatomical entity
Connects with	head, torso
WordLift URL	http://data.wordlift.io/wl01714/entity/cervical.html
NCI Thesaurus ID	C13063

Niŋgᴐᴐnr la an ninsaal niŋgbiŋ luokanɛ tᴐ’ᴐŋ zug la nɛ niŋgbiŋ la luos banɛ kpɛlim la. Di sʋŋid zug la tɛbisim ka mɛ lɛn giinlbanɛ ziid la’adi yit zupʋtin ken luos kᴐn’ᴐb-kᴐn’ᴐb banɛ kpɛlim la. Ya’asa, niŋgᴐᴐr la anɛ dinɛ bʋgʋs, ka kɛ ka zug la nyaŋidi giligidi gᴐsid zin’ikanɛ ka di bᴐᴐd wʋsa. Ninsaal niŋgᴐᴐnr la pʋnɛ zin’isa anaasi: kᴐnbir la, dinɛ tᴐ’ᴐŋ pʋʋgʋn la’ad la, ka ayi’ banɛ kpɛlim la an zin’ibanɛ ka ku’om, ziim, nɛ la’ad kᴐn’ᴐb-kᴐn’ᴐb pʋbid. Giinlbanɛ bɛ niŋgᴐᴐrin la, ka mᴐr bɛn-bɛn la, an titᴐndisi baki di luosi atan’ la.

Ninsaalib niŋgbina luos yɛla zamisʋg pʋʋgʋn, ba buon niŋgᴐᴐnr lanɛ sɛɛvis bɛɛ kolom.

Din an si’em

Niŋgᴐᴐnr la mᴐrnɛ luosi anaasi:

• Luokanɛ an kᴐnba: kᴐnba la an si’em pa’an ninsaal niŋgᴐᴐnr na an si’em. Kᴐnb-kaŋa tᴐ’ᴐŋ nɛ nya’aŋ kᴐnbdaag la, zin’ikanɛ ka niŋgᴐᴐnr la bɛ.

• Visceral compartment an dinɛ zanl kʋkᴐr, kʋkᴐdaʋg, kʋkᴐvᴐᴐg, nɛ luisieba.

Dinɛ lɛm paas niŋgᴐᴐnr bɛllim an si’em ni anɛ di mᴐr bʋnkanɛ lus ziim la dᴐlisid zin’isi’a la.

Giinla nɛ kᴐnba banɛ bɛ di ni

Giinlbanɛ bɛ niŋgᴐᴐnrin la tᴐ’ᴐŋnɛ nɛ zunwaŋ la, kᴐnb-banɛ bɛ zilim nɛ kʋkᴐnya’ar sʋʋgʋn la, kᴐnb-banɛ bɛ sʋsunya ni la nɛ nyᴐ’ᴐgʋn kᴐnba. Ba mᴐrnɛ niŋgᴐnbaans bɛda ayi’; dinɛ bɛ pʋʋgin nɛ dinɛ bɛ yiiŋ.

Pʋʋgʋn kᴐnba anɛ kᴐnba banɛ bɛ niŋgᴐᴐnr la tɛnsʋk, banɛ bɛ yierin (yiebaans). Di mᴐrnɛ giinla kᴐn’ᴐb-kᴐn’ᴐb nwɛnɛ anii yɛla. Giinlbama pʋnɛ zin’ibɛda ayi’ an banɛ bɛ zilim nɛ yiebaans la zugin nɛ banɛ bɛ zilim nɛ yiebaans la teŋir. Ba yʋda la pa’annɛ ba zi’esim an si’em bɛɛ ban zi’e zin’isi’a.

Yiiŋ kᴐnba la anɛ kᴐnba banɛ an titᴐndis bɛ kᴐnba kᴐn’ᴐb-kᴐn’ᴐb atan’. Kᴐnba atan’ nwa’ mɛ mᴐr giinla awai banɛ ka ba zanl ka niŋgbiŋ la nyaŋidi tʋm sʋ’ʋŋa.

Ziim ziib

Di dᴐlisidnɛ niŋgᴐᴐnr la ni ka zug la paamid ziim nɛ biim sieba tʋmidi di tʋʋma sʋ’ʋŋa ka daamʋg pʋ bɛɛ. biim buudi bɛdigʋ bɛ dᴐlisid niŋgᴐᴐnrin la wa’ae zugin nɛ niŋgbiŋ la luos kᴐn’ᴐb-kᴐn’ᴐb ni.

Kᴐnb-baanlsieba la’asi gbilim an dinɛ ka ti buon ye kʋkᴐr la. Kʋkᴐr kaŋa ɛɛnti bɛnɛ dap ni tita’am.

Zabir

Gbɛlima ya’a bɛ niŋgᴐᴐnrin la, li ta’asid zabir. Niŋgᴐᴐnr la mᴐr tʋʋma bɛdigʋ ka mɛ gɛɛnd hali pamm. Yɛlbanɛ ta’asid niŋgᴐᴐnr zabir anɛ banɛ digi teŋir nwa:

·      Si’el ya’a nwɛ’

·      Sᴐ’ ya’a paam sapʋ’ad ka di lɛb niŋgᴐᴐnr la baba

·      Nya’aŋ kᴐnbdaug la ya’a paam gbɛlʋŋ/daʋŋ

·      Sᴐ’ ya’a mᴐr kᴐnba wiim ka di lɛb zug bɛɛ niŋgᴐᴐn la baba

·      Fʋ ya’a gbisi bas niŋgᴐᴐnr la

Bʋnkᴐbid ni

Niŋgᴐᴐnr anɛ dinɛ ɛɛnti dɛŋi maal, ka di tʋʋma zu’oe si’em la zug ka di bɛ bʋnkᴐnb-banɛ bɛ teŋin nɛ banɛ bɛ ku’omin wʋsa. Niŋgᴐᴐnr la anɛ dinɛ bʋgʋs ka pʋ kpɛlim an ditti, baa ti ya’a pʋ nyɛti di yiiŋ bɛllim an si’em, nwɛnɛ zimi nɛ bʋnkᴐnbsieba ni. Bʋn-ianda nam buudi kᴐn’ᴐb-kᴐn’ᴐb mɛ mᴐr niŋgᴐnya ka di sʋŋidi ba ka ba nyaŋidi nwɛdigid ban bᴐᴐd zin’isia wʋsa, ba ya’a ian’ad. Zimi buudi bɛdigʋ pʋ mᴐri li ka di yinɛ ba niŋgbiŋ la an si’em nɛ ba nwaasim an si’em la zug.

Bʋnkᴐnbid nwɛnɛ wilisimis nɛ nwɛnɛ ba wʋsa la’am pʋ mᴐr niŋgᴐᴐnr la, ba buoni ba zug la nya’aŋ ye niŋgᴐᴐnr. Amaa fʋ ya’a gᴐs bakir kae lua kaŋa, zug la nɛ niŋgbiŋ la luabanɛ kpɛlim laa.