Okwawu United

Okwawu United

association football club

Sport	association football
Country	Ghana
Headquarters location	Ghana
Category for members of a team	Category:Okwawu United S.C. players

Okwawu United anɛ Ghana bɔɔl nwɛ'ɛb kpɛŋ bɛ Nkawkaw linɛ bɛ Eastern Region la. Ba nya'adnɛ Access Division One Bank League la. Ba mɛŋ bɔɔl nwɛ'ɛb zin'ig anɛ Nkawkaw bɔɔl nwɛ'ɛb zin'igin la.

Labakuda yɛla

Nwɛnɛ nidib la'aʋŋ kanɛ pʋ nyaŋ sɔbi li du'am nɛ li nɔbigir yɛla niŋ gbaʋŋʋn ka ba zi' ba yɛla si'em la, ala mɛn ka ba zi' Okwawu United labaar nwa vikkiinɛ kat wa'anɛ din si'iŋ si'em.

Laꞌasʋg labaar

Pʋtɛnꞌɛr yinne paꞌal ye Okwawu United anɛ dinɛ an kilab nam ayi banɛ bɛ Nkawkaw la; Okwahu stores nɛ Super Obuoma laꞌas taaba

YOUNG AFRICANS nɔbʋgʋr

Pʋtɛnꞌɛkanɛ paasi ayi la anɛ ye Okwawu United nɔbʋgʋ yinɛ fourth division tiim kanɛ yʋꞌʋri buon ye YOUNG AFRICANS.

Young Africans da pinꞌilnɛ 1973 ka di dɔlisnɛ nimbanɛ nɔŋ bɔɔl yɛla da pinꞌili di ka di yaꞌani paae regional third division bɛ yʋʋm tusir, kɔbiswai nɛ pisyɔpɔi nɛ anaasi (1974) la ni tis Eastern regional second division B, 1976. Nɛ wala wʋsa, yʋʋmkan ni ka Regional Football Association da tiak ziꞌesim la yɛl kilabnam la ye ba nɛ nwɛꞌɛm nɛ ba taaba banɛ di yaꞌan la distirik nam ni. Young Africans da an yiiga bɛ Mpraeso District league la ni ka lɛn di yaꞌan keŋ regional division ni bɛ yʋʋm tusir, kɔbiswai nɛ pisyɔpɔi nɛ ayuobʋ (1976) la ni.

yʋʋm tusir, kɔbiswai nɛ pisyɔpɔi nɛ anaasi (1974) la ni, ba da zinꞌin naalʋg laꞌasʋg tis Executives of Okwahu Stores, Super Obuoma nɛ Young Africans bɛ Nkawkaw topway ye di sʋŋi buꞌoe sam kanɛ ka kilab banɛ bɛ sʋꞌʋlʋm kan la wʋsa nwɛꞌɛd la. Amaa laꞌasʋg la da pʋ duoe sʋm bɔzugɔ ziꞌelis banɛ ka ba da tis la yɛla, di da kɛ ka Young Africans da kpɛlim mɔri ba ziꞌesim ka ken tuoni nwɛꞌɛd bɛ district league la ni.

RE-CHRISTENING

Ligiid yɛla da pakya ka tuongatib sieba tis Young Africans nwɛnɛ Alhaji Yahya (chief butcher)- chairman, T.A. Offei (Team Manager/player), Alhaji Abyssinia and Mrs Ampem-Danquah da paae Alhaji M.K. Osei, onɛ an kpikpikpin bɛ Nkawkaw ye o sʋŋi ba. Alhaji Osei da siakya ka lieb kilab la kʋkdaan ka di yinnɛ Eastern Regional sports organizer H.A. Asamoah, da tik nuꞌug la, ka ba yʋꞌʋn tiak Young Africans yʋꞌʋri siki di KWAHU UNITED bɛ 15 Sigir 1975 ka mɔr pʋtɛnꞌɛr ye ba na paam sʋŋir yi nimbanɛ bɛ sʋꞌʋlʋm la ni.

Ban da tiak yʋꞌʋr latis KWAHU UNITED, kilab la da paasi nwɛꞌ 1976 Regional second division league ka nwɛꞌ nɛ Okwahu stores ka Super Obuoma da mɛlim.

Di tuon ken

Kwahu United ka paam suori kpɛnꞌ national middle league la bɛ 1978. Yʋʋm tusir, kɔbiswai nɛ pisyɔpɔi nɛ awai (1979) la nii, Mr E.O. Boateng da lieb kʋkdaani tis kilab la ka ban da bɔɔd ye kilab la keŋ tuon la, o da mɔr tiim la keŋ Accra saŋkanɛ ka Jim Amoah da an coach la. Kilab la nidibi anii da yiya ka di daam tiim la hali ka ba pʋ nyaŋi di yaꞌani kpɛnꞌ elite league la nii. Nɛ wala wʋsa, ba tiak kilab la ka di yʋꞌʋr tʋꞌʋn aan OKWAWU UNITED ka di da di yaꞌani nwɛꞌ national first division la ni bɛ 1981.

Yʋʋmkan mɛ da an tiakir yʋʋmi tis kilab la kpɛɛmnam, ban da yɔꞌɔg kpɛŋ paala, BOARD OF DIRECTORS la, tis Kwahu nintitada nɛ kpikpinib ye ba sʋŋ nɛ ligidi yɛla la.

Kpɛŋ tiakir

Yʋʋm tusir, kɔbiswai nɛ pisnii nɛ ayi (1982) la nii, Alhaji Mohammed Kwame Osei, onɛ da an PIVOT OF OKWAWU UNITED la da fuoe o nuꞌus yi kʋkdaan nyaꞌandɔl kpɛŋ la ni ka lɛɛ kpɛlim paas banɛ sʋꞌʋe la ni.

Yʋʋm tusir, kɔbiswai nɛ pisnii nɛ atan nwadis piinɛ ayi la ni (December 1983), Mr Emmanuel Ofori Boateng mɛ da sikya ye o lɛn kaꞌ  Executive Chairman yaꞌasa, ka Mr. G.K. Abankwa nyɔdigi ziꞌeni tis Kʋkdaan. Yʋʋm tusir, kɔbiswai nɛ pisnii nɛ anaasi (1984) la ni, Mr R.K. Appiah onɛ bɛ Kwapaco limited la ka ba da vɔɔti gaŋ ye o an Executive Chairman ka o keŋ yʋma atan nwɛnɛ kilab la wada gbaʋŋ la paꞌal siꞌem.

Kilab la yʋꞌʋr da sɔbi bɛ Registrar General Department ye di anɛ limited liability company

Ba tʋʋma CAF ni

CAF Cup Winners' Cup: nɔɔra ayi

1987 - Second Round

2001 - withdrew in First Round

Tʋntʋnnib

Banɛ an kpɛɛmnam nananna

Prince Yaw Owusu – Head Coach

Bismark Asiedu – Assistant Coach

Prince Siaw - Assistant Coach

George Antwi – Team Manager