Open University of West Africa

Open University of West Africa

university

Inception	2012
Country	Ghana
Located in the administrative territorial entity	Accra
Coordinate location	5°33′31″N 0°10′18″W

Open University of West Africa (OUWA) anɛ John Roberts nɛ Patrick Steele da bɔɔ li ziꞌel Ghana, Sapal nwadig la, 2011 yʋʋm la ni. Ka ba yɛlkpan da anɛ li dɔlis pɛpsimin zamisʋgʋ yis West Africa nɔŋ pʋʋgin. John Roberts nɛ o tiraan la da paam kpɛmsʋg nɛ yɛl bama nwa ni: saŋkan la, sakur titada ken zinꞌigin Africa da pɔɔd nɛ hali, university sʋma banɛ bɛɛ gilig dunia wʋsa la da pinꞌin ye ba zaŋi ba zamisa namɛ dɔlis pɛbisimin woo Coursera, edX, Udacity, nɛ sieba yaꞌas.

Pʋtɛnꞌɛr nwa da kɛ ka nidiba ayi banɛ ziꞌel sakur la da maal Open Education Resources (OER), kɛ ka mobile technology paamʋg an naꞌanaa, ka mukʋd hali ye nidib ken sakuri laligid West Africa teŋgbaʋŋ pʋʋgin.

Li siꞌiŋir

Open University of West Africa bɛ Ghana (OUWA) pʋʋgin la, ka zamisʋg la yɔɔb zinꞌigin anɛ naꞌanaa hali (US$10/yʋʋma), ka lɛn kpɛmisid sakur bibis la yinne yinne  ye ba lieb banɛ na zi tiakiri kena ba mɔɔr nwa pʋʋgin. West Africa pʋʋginɛɛ, sakur bibis banɛ laligi kpɛnꞌ sakur titada an 10%, ka nɔŋ daamid nidib bɛdigʋ bɛlim. Laꞌam nɛ West Africa gɔbna namɛ mɔɔ maal suoya ye sakur ken an naꞌanaa la, tiakir kae paꞌan ye zamisʋg zinꞌigin la ken sʋꞌʋŋa Africa teŋgbaʋŋ pʋʋginɛ. Mɔɔr kanɛ maal suoya ye nidib bɛdigʋ nyaŋi keŋ sakuya la pʋ nyaŋi sʋŋ yɛlaa 4? Sakur bɛda ken paamʋg yaꞌ tɔi, tiꞌir na pɔɔd nɛ sakur bibisi na lieb tʋmtʋmnib woo kpikpin bɛda dim dɔcta nam nɛ gɔbna tʋmtʋmnib. Tʋʋm bama nɛ teŋin kpɛm yaꞌ kae, maalʋg kʋ bɛ.

Bɛdigʋ banɛ da bɔɔd sakur ken yam da gbanꞌae Open University of West Africa. Ban da yɔꞌɔg ‘internet café of educationꞌ Accra pʋʋgin, Ghana la nyaꞌaŋ, OUWA da pinꞌili nɛ sakur bibis 40 nɛ nyaꞌaŋ, banɛ da ken zamisa. Yʋʋm nɛ pʋsʋk pʋʋgin ban da yɔꞌɔgi li la, OUWA da mɔr woo sakur bibis 200. Nɛŋa paꞌal ye Sub-Saharan Africa teŋgbaʋŋ da mɔr sakur bibis bɛdigʋ banɛ da kpɛnꞌɛd MOOCs sankan la. Yɛlsʋm titaꞌar kanɛ na naam sakur bil kan la anɛ ye li kɛ ka sakur bibis banɛ mɔr pʋtɛnꞌɛr yimir la laꞌas nɛ ba taaba, ka pinꞌili maan laꞌasig nam ye ba kpɛnꞌ kpikpiŋ namin. Yam kaŋa ka sakur bibids la da zaŋ la, da lieb nɛ yɛlkpanɛ tis banɛ laꞌam da pɛꞌɛsi sʋꞌoe sakur la ziꞌelʋg la da zaŋ “Educate-Incubate-Invest” kpikpiŋ tʋʋma kanɛ da ye la lieb yɔꞌɔgir la yɛlkpan zamisʋg kanɛ na pɛꞌɛsa ayi la “sakur paal” nwa ni.

Zamisʋg paal la        

1.   Paꞌalim: pinꞌiligin la, OUWA pʋtɛnꞌɛr da anɛ li sʋŋ ka banɛ kʋ nyaŋi dɔlis suokʋdʋg la paam suori kpɛnꞌ zamisʋgin la nyaŋi paam zamisʋg. sakur-bi bama nwa da pʋ paad zamisʋg la, yʋʋn da tuꞌoe paamid zamisʋg laꞌad banɛ da nar, nɛ pɛbsimin zamisʋg zaalim zinꞌi banɛ ka OUWA internet café da bɛ. Entrepreneurship zamisa da bɛ, Computer Science zamisa, General Education, ka li wʋsa yit nɛ Coursera nɛ Udacity ni.
2. Unib: Kpikpinnib la nɛ sakur bibis la yam da gbanꞌae ye ba kpɛn kpikpiʋŋʋn la da nɔbigid la, OUWA da gbanꞌae ya ye ba pinꞌil tʋʋma la. Na niŋ siꞌem ka tʋʋma la paam paŋ, ba da maal yɛl-sieba ka paam zinꞌis ye banɛ sʋŋ sakur la ziꞌelig laꞌam tʋm. zʋmaaŋ kaŋa nwa da muku sʋŋ sakur bibis banɛ da pɛꞌɛsi ba mɛŋ la, hali ka li laꞌam ti an woo sakur la ken yʋʋn da pʋ lɛn mɔrɛ yɔɔdɛ, ka li na bɛ, ka paamʋg an naꞌanaa. OUWA unib zinꞌigin la pʋtɛnꞌɛr da gbanꞌae ya ziꞌel West African setup ecosystem. Ban da tʋmmɛ dɔlisid ban na niŋ siꞌem ka li ziꞌen la, banɛ da sʋŋi ziꞌel sakur la da niŋid nɛ ba pʋtɛnꞌɛri siꞌem la: Ba na kɛ ka W. Africa paam nɔbigir.
3. Kpimsig: Ba dɔlis nɛ malima nam wʋʋ Startup West Africa (SWA), ka gaŋ kpikpiʋŋ banɛ an sʋm ka na nyaŋi ziꞌen. Ka na zaŋ ligidi sʋŋi li yɔꞌɔgir ka li yaꞌa ziꞌeni naae, pʋdigir 10% na keŋ tis OUWA. Kpikpiʋŋ bama nam, ka an banɛ na ziꞌen sʋŋa nɛ sakur bi banɛ mɔr baŋir sʋŋa, an banɛ da maan suori tisid pʋtɛnꞌɛr sʋŋ siꞌa yaꞌas: li ziꞌenig.

Ban nyaŋi tʋm siꞌel  

 Banɛ da sʋŋi ziꞌel OUWA la da gɔsi nyɛ ka SliceBiz n da an kpikpiʋŋ paala la yinne, kanɛ ka ba na yɔꞌɔg. Li na an teŋgbauŋ la kpikpiʋŋ paala la yigilʋŋ titada la yinne, Apps for Africa, ba da gaŋi ba ka tisi ba ligiid $10,000 ka ba keŋ New York ye ba yɔꞌɔg NYSE. Siꞌir kanɛ ka yaꞌam paala dim da mɔri tʋm la, Open University of West Africa laꞌam nɛ SliceBis, da pinꞌil ya maal HUB Accra, banɛ na tʋm nɛ ba ka li na sʋŋi kɛ ka kpikpiuŋ kanɛ ka Africa nidib sʋꞌoe la bɔbig. “innovation hub” kanɛ bɛ zinꞌig wʋsa la, Impact HUB da diꞌe li tɔꞌɔtɔ “Impact Hub Accra” ka li an suor kanɛ ba na laꞌas ka dɔlisi sʋŋ ka kpikpiuŋ paala la bɛ Accra La keŋ tuon. Ba mɔr zinꞌi na tis kpikpiuŋ paala, freelancer nam, maker nam, creative nam bɛɛ kpikpiuŋ kʋda dim banɛ bɔɔd zinꞌi sʋŋ Ye ba tʋm. ban an banɛ ye ba sʋŋ kpikpiuŋ paala kpikpiuŋ zinꞌigin la, Impact Hub Accra  Impact Hub Accra mɛ da gɔsid malim bɛda tisid kpikpinnib buudi buudi. Hub nwa anɛ yiiga tʋʋm kanɛ ka Open University of West Africa da dɛŋi tʋm la.

Ba da mɔr pʋtɛnꞌɛr sʋŋ kanɛ na siei ka ka saꞌam nɔŋ baŋ kanɛ lɔbi gɛɛl, cycle of poverty, OUWA da tʋm ya ka li sʋŋ ka sakur nɛ da an yɔn ka an sʋꞌʋm la nyɛ paŋ, ka li kaꞌae nɛ Accra an Ghana tempʋ titaꞌar la maꞌaa nii. Zamisa zinꞌis da bɛ Kumasi, ka ba da maan suoya nɛ nimmua ye li widigi kpɛn Gambia, nɛ mali, nɛ Burkina. Gambia pʋʋginɛɛ, OUWA da mɔr zamisʋg kanɛ ka ba zanl primary sakur paꞌannib banɛ da gaad 20. Burkina nɛ Mali, sakur la da laꞌam tʋmmɛ zaŋ nasaal (EFL) paas zamisa la ni, ba da maal zamisʋg la nɛ ka li na nyaŋi kɛ ka na sʋŋ banɛ zamisid nasaal ye li sʋŋi ba zamisʋg zinꞌigin la nyɛ sʋŋir. Linɛ pɛꞌɛs EFL zamisʋg la ni, ba da maan suoya ye ba pinꞌil Physician Assistant Program zamisʋg.  

Ban gilig zinꞌ seiba  paꞌal nɛ baŋir kanɛ yii li ni

Ban da dɔlisidi maan OpenIDEO Challege  ̶̶  ka banɛ da maali li bɛnɛ Califonia  ̶  OUWA da paam tiakir kanɛ da bɛɛ li kɔnꞌ ka da yinɛ ba da kɛ ka  zamisʋg la paae refugees nam, ka kɛ ka ba paamid zamisa la ban bɛ zinꞌisieba la.

Refugees nam zinꞌis la da an zinꞌI banɛ ka ba da giligi paꞌal yiiga. Li da naamɛ refugees nam zinꞌis la ayiꞌ ni, Western sʋꞌʋlim Ghana pʋʋgin: Ampain nɛ Krisan. Paꞌalʋg nwa ni, OUWA da laꞌam tʋmmɛ nɛ École Polytechnique Fédérale de Lausanne (EPFL) Swiss teŋgbauŋ dakur kanɛ nyɛ naꞌasi kpikpiuŋ yɛla tʋʋma zinꞌigin. Regugees nam wʋʋ 100 nɛ, biis nɛ kpɛm, da pɛꞌɛs zamisʋg la ni. Open University of West Africa da pʋdig smartphone nam banɛ da mɔr kpikpiuŋ yɛla zamisʋg laꞌadi tis nidib banɛ da bɛ zinꞌi bama ni.

Nɛꞌɛga nwa da kɛ ka ban da giligidi paꞌan sʋꞌʋlim banɛ ka nɔŋ da bɛ hali la, da bɔ nyɛdigir tis Open University of West Africa.

Ba da paam zamisʋg zinꞌi kpana, ka ban pinꞌil zinꞌI sieba la yɔꞌɔg suopaal  ka ba tʋgʋs. pinꞌilin la da paꞌal ye ba na nyɛ sʋŋir kanɛ na gaada amaal zamisʋg gbana kɛ ka sakur bil keŋ paae institutional trajectory. OUWA da nyɛ yʋma anaasi gaad la, John Roberts da kena baŋ ye “linɛ na kɛ ka zʋmauŋ la paam paŋ anɛ fʋ yaꞌa na nyaŋi sʋŋ banɛ kuosid gabʋ suor kpʋkɛŋ ka ba paas kuosim sieba yaꞌas, bɛɛ ba nyaŋi baŋ linɛ na paasi ba kuosim la paŋ, ba tunꞌe paam ka ba ligiid na pɛꞌɛsa abʋ naasa nɛ abʋ nu yɛla. Ba yaꞌa dɔlisid suor kanɛ na zi nɔbigiri tisi ba, sʋꞌʋm kanɛ ka ba na nyɛ la sid na zuꞌoe hali galis. Tɛnꞌɛsim gɔs onɛ kuosidi paamid dollar dabsir yinne pʋʋgin, ka yʋʋn nyaŋidi kuosidi paamid dollar anaasi dabsir yinne pʋʋginc, ala la ba tunꞌe keŋ sibiti ie laafi.” Ba yaꞌa dɔlisid suor kanɛ na kɛ ka kpikpiuŋ yɛla keŋ tuon, ba na nyɛɛ li sʋꞌʋm anii ni nɔɔ.

OUWA Naar La, InvestED, PBC Pinꞌilʋg

 Ban da paam yam paal, ye ban maan siꞌem la an naꞌanaa ka an sʋm laa, ban da na niŋ siꞌem dɔlisi ba giligirin la ka li paae zinꞌi banɛ ka li nam pʋ paae la, IvestED da lɛdig OUWA . ka OUWA tʋʋm kpan da anɛ ba kɛ ka zamisʋg an yɔn, InvestED na gɔs paꞌalʋg kanɛ pʋ paam suorɛ, ka kɛ ka ba na zamisid ba vʋm saŋa wʋsa. OUWA bɛlim da anɛ li kɛ ka zamisʋg paae zinꞌi kana ka ba pʋ paamid la , ka sʋŋi kɛ ka baŋir kanɛ kpiꞌilim la na yinɛ open educational resources . Laꞌamnɛ OUWA pʋ lɛn tʋm laa, yaꞌam kanɛ ka ba nyɛɛ yi yʋʋm anaasi kanɛ ka ba da tʋm la kɛ ya ka InvestED paam paŋ: app kanɛ mɔr android “na mɔri paꞌan banɛ zamisid kpikpiuŋ yɛla ka pʋ tunꞌe la, ka ba na nyaŋi kɛ ka ba ligiid yɛla ziꞌen sʋŋa, la yaꞌa dɔlis cutting-edge mobile technology”.