Peace Butera

Peace Nankunda Butera anɛ Uganda dim didʋgʋd . O tʋmmɛ nɛ diib  nɛ gbɛn'ɛsa zin'ig  kanɛ bɛ kampala ka ba buon ye serena hotel la.O anɛ onɛ pɛ'ɛs ayi daan kpeemnam la ni.  Hotel kaŋa anɛ zin'ig tita'ari bɛ Uganda tenmpʋtita'ar kanɛ an' Kampala la. pʋ'a kaŋa anɛ onɛ nyaŋidi maan si'elnam tituaa zin'ig bama ni ninsabilis teŋgbaŋ wʋsa ni.

Yin ne Sakur yela

Ba dʋa o ne yir kanɛ mɔr biis piiga. Ba da gɔs o ne yititaꞌarin. O da kɛŋne Uganda College zamis daꞌab ne kʋosʋg, Nakawa ziꞌig kane ka zina ka ba bʋon ye Makerere University Business School, o da naae ne yʋʋm tusir kobuswai ne piswai ne ayi, ka die gbaŋ Hotel ne diib gosʋg yela.

Tʋʋm

Yʋma tusir ne kobuswai ne piswai ne atan la, o da tʋmne soꞌ saꞌan wadisa atan Nile Hotel be Kampala. Hotel la dim da nɔk o ne ka o dugid diib on da naae o zamisʋg la. Yʋma tusa ayi ne anaasi la, Hotel la da tiak yʋʋr la ne lɛbis Kampala Serena Hotel. Bane da an saꞌam ka soeꞌ ziꞌig la da kɛ ya ka o kpɛlim. Ba da gaŋ Peace Butera ye o zamis dʋgʋb Serena Hotel dim ni. Zamisʋg la da nɔk o kɛŋ Serena ziꞌins konꞌob konꞌob nɔr piiga tens anu be ninsabilis tɛŋin, laꞌam ne nwadibibisa anu hotel kane be South Africa ne Turkey la. On da lɛb Kampala la, ba da gaŋ o ne ka o an kpɛɛm daʋŋin Kampala Serena yʋma tusa ayi ne anu.

Saŋa kane ka tensꞌ zʋgranꞌnam gomena nam da laꞌas yʋma tusa ayi nɛ ayopɔi la, li da ane Kampala ka siꞌiŋ dabis pisinɛ atan paae dabis pisinɛ anu wadis piinɛ yine yʋma tusa ayi nɛ ayopɔi, pʋanaꞌab Elezabeth one paasa ayi la da gbɛꞌ Kampala Serena daba anaasi. Ba da gaŋ Peace Butera ye o dʋg diibʋ tis pʋanaꞌab la saŋkan. O me da dʋg diibʋ tis zʋgran Bill Clinton ne o yirꞌdim.

Yirꞌdim

Peace Butera da kʋl sid Vincent Butera ka ba laꞌasi dʋa biis anaasi, Kylie, Kelly, Lillian, ne Laban, ayi da ane ba mɛŋ biis ka ba da nɔk ayi zinꞌsia mɛn.