Presbyterian University College

Presbyterian University College

higher education institution, private university

Industry	higher education
Inception	2003
Official name	Presbyterian University, Ghana
Short name	PUG
Languages spoken, written or signed	English, Twi
Affiliation	Kwame Nkrumah University of Science and Technology, University of Ghana, University of Cape Coast
Motto text	Discipline in Leadership
Continent	Africa
Country	Ghana
Located in the administrative territorial entity	Agogo, Abetifi, Kwahu East District
Location	Abetifi
Coordinate location	6°40′35″N 0°44′41″W
Member of	Ghanaian Academic and Research Network, African Library and Information Associations and Institutions, Association of African Universities
Headquarters location	Abetifi
Official website	http://www.presbyuniversity.edu.gh/
Academic calendar type	semester

Presbyterian University, Ghana (ka ba da buon ye Presbyterian University College, Ghana) anɛ university kanɛ ka fan an asʋꞌʋmmɛŋ dim bʋn, ka fan mɛ an gɔmɛna bʋn, ka ba zamisig zinꞌis bɛ zinꞌis kɔnꞌɔb-kɔnꞌɔb, ka li dɔtitaꞌar bɛ Abetifi-Kwahu linɛ bɛ Eastern Region Ghana sʋꞌʋim. Li paas university banɛ an paala bɛ Ghana sʋꞌʋlim ka lʋgir kanɛ gɔsid kpɛɛmnam sakur bɛda nam la tisi ba suor ye ba tʋmi ba tʋʋma. Presbyterian Winpʋꞌʋs dɔɔg dim banɛ bɛ Ghana sʋꞌʋlim la da yɔꞌɔgi li yʋʋm tusayi nɛ atanꞌ, Sapal nwadig dabpisi nɛ atanꞌ daar ka Ghana zugraan kʋdʋg John Agyekum Kufuor da zʋŋi li yʋʋm tusayi nɛ anaasi, Dɔnwalig nwadig, dabpisi nɛ ayɔpɔi daar.

Yʋʋm tusayi nɛ pisi nɛ ayiꞌ, mɔtul nwadig la, dabpistanꞌ daar, da lu Atalata daar, ka Ghana zugraan kʋdʋg Nana Akufo Addo da tisi ba paŋ ye ba ziꞌeni ba mɛŋ nyali. Ba gɔs ka ye linɛ an asʋꞌʋmmɛŋ university kanɛ gaad o taaba Ghana sʋꞌʋlim, ka mɛ paas nɛ atanꞌ daan, fʋ yaꞌa yis University of Ghana nɛ KNUST ka banɛ vɛɛn vɛɛnsig kaŋa anɛ dunia wʋsa lʋgir kanɛ mamisid university nami gɔsid ka ba buon webometrics la.

Pinꞌilig nɛ lin yi siꞌem na

Kʋdʋmin gbana paꞌal ye ye Presbyterian Winpʋꞌʋs dɔɔg dim banɛ bɛ Ghana sʋꞌʋlim da mɛꞌ bibanꞌalig sakur yiiga Ghana yʋʋm tusir, kɔbisnii nɛ pisnaasi nɛ atanꞌ la ni, ka li dɔlis anina ka gbaŋ zamisig nɔbigi kɛŋ tuon. Yʋʋm tusir, kɔbisnii nɛ pisnaasi nɛ anii la ni, sakur la da mɔr zinꞌig kanɛ ka ba paꞌan Winaꞌam tʋmtʋmnib ka ba buon ye teacher-catechist seminary, bɛɛ Basel Mission Seminary, lin nyaꞌaŋ ka ba tiaki buon Presbyterian Training College ka li bɛ Akropong, linɛ da paas ayiꞌ daani an sakur titaꞌari bɛ West Africa, ka yiiga daan la da an Fourah Bay College linɛ bɛ Sierra Leone tɛŋin la. Nwa da kɛ ka ba laꞌas nɛ Ghana gɔmɛna ka ba mɛꞌ primary nɛ secondary sakur nam nɛ koliginam; ba da anɛ sakurnam tusir, kɔbisnii nɛ pisnii nɛ ayuobʋ, ka kɔbisnaasi nɛ piswai an kindergartens, kɔbiswai nɛ pisyɔpɔi nɛ atanꞌ an primary sakur nam, kɔbistanꞌ nɛ pisnii nɛ anii an JSS, pisi nɛ nu an senior secondary school nam, anu an vocational institutes ka anu mɛ an colleges of education. Winpʋꞌʋs dɔɔg la sʋŋid nidib hali kati waꞌae kuob nɛ gʋꞌʋl nɛ laafi yela.

Ban da gbanꞌae siꞌem da anɛ ye ba kɛ ka Presbyterian Training College linɛ da bɛ Akropong la kilim university wan wʋʋ Fourah Bay College ziꞌesim paae siꞌem bɛn la, amaa, gbanꞌa kan da pʋ ziꞌenɛ. Yʋʋma kɔbiga nɛ pisnu nyaꞌaŋ, ka Presbyterian Winpʋꞌʋs dɔɔg kpɛɛmnam da laꞌas taaba yʋʋm tusir, kɔbiswai nɛ piswai nɛ ayuobʋ laꞌasig la ni ye ba dɔlis ban na niŋ siem ka sakur la nɔbigi paae university bɛn, ba da yis kpɛɛmnam ye ba gɔsi li yela yʋʋm tusir, kɔbiswai nɛ piswai nɛ anii la ni. University la da nyɛ ka nidib bɛdigʋ bɔɔd koligi kɛn la zug ka ba da mɔɔd ye ba dʋꞌʋsi li ka nidib mɛ kɛn anina na. Laꞌan nɛ lin an Winpʋꞌʋs dɔɔgi sʋꞌʋe la, university diꞌesid nidib ka ba baꞌ kae nɛ ba dima yit zinꞌig siꞌa bɛɛ ban an buud siꞌa. Banɛ kɛn sakur la ni yɔɔd sakur fiis nɛ gbɛɛnsa zinꞌis banɛ bɛ sakur la ni, asʋꞌʋmmɛŋ kpipiŋ dim mɛ mɔr dɔɔd anina. Ban zamisid yelsiꞌeba anina titaꞌam anɛ dunia bɛilim yela, wan wʋʋ Winpʋꞌʋsim yela nɛ buudi pianꞌad zamisig. Sakur la mɛ zamisid naꞌasaasɔɔng zamisig nam ka ba siꞌeba kati waꞌae nɛ laafi yela, tima yela, nɛ nɛɛsnam zamisig.

Yelkpana

Sakur la mɔr yelkpan siꞌeba anɛ anwaꞌ:

·        "ye ba tis nidib suor ka ba kɛŋ University zamis ka maal vɛɛnsa,

·        Ye ba kɛ ka nidib paam yaꞌam nɛ labaya,

·        Ye ba mɔr nɔɔrnaaligi kɛn sakur bɛda ni na, nɛ nidib tɛnsʋk na.

·        Ye ba zamis nidib banɛ gbanꞌadi ba mɛŋ, ka na nyaŋi muku ba mɛŋ ka mɛ na lɛn nyaŋi an tuongatib ka an ninsʋma Winaꞌam, nidib, nɛ tɛngbaŋ wʋsa tuon."

Pʋdigir

University la mɔr zamisig zinꞌis anu ka ba bɛ Abetifi-Kwahu, Akropong-Akuapem linɛ bɛ Eastern Region, Agogo – Asante Akyem linɛ bɛ Ashanti Region, tɛmpʋʋgin Tema linɛ bɛ Greater Accra Region la nɛ Kumasi Santasi linɛ bɛ Ashanti Region la. Zamisig zinꞌis bama wʋsa yinnɛ-yinnɛ mɔri ba dɔɔd nɛ zamisig laꞌad.

Kwahu zinꞌig

Faculty of Science and Technology

·        Department of Information and Communication Technology and Mathematics

·        BSc. ICT

·        BSc. Mathematics with Statistics

·        BSc. Mathematics with Accounting

·        Department of Computer Engineering

·        BSc. Computer Engineering

School of Business

·        Department of Business Administration

·        BSc. Business Administration (Accounting & Finance)

·        BSc. Business Administration (Banking & Finance)

·        BSc. Business Administration (General Management)

·        BSc. Business Administration (Human Resource Management)

·        BSc. Business Administration (Marketing)

·        Department of Agribusiness

·        BSc. Agricbusiness

Asante Akyem zinꞌig

Faculty of Health and Medical Sciences

·        Department of Physician Assistantship

·        BSc. Physician Assistantship

·        Department of Nursing & Midwifery

·        BSc. Nursing

·        BSc. Midwifery

Akuapem zinꞌig

Faculty of Education

·        Department of Social Studies

·        BEd. Social Studies

Faculty of Development Studies

·        Department of International Development Studies

·        BSc. International Development Studies

·        Department of Environmental and Natural Resource Management

·        BSc. Environmental and Natural Resource Management

Kumasi zinꞌig

Faculty of Law

·        Bachelor of Law (LLB)

Tema zinꞌig

·        BSc. Business Administration (Accounting & Finance)

·        BSc. Business Administration (Banking & Finance)

·        BSc. Business Administration (General Management)

·        BSc. Business Administration (Human Resource Management)

·        BSc. Business Administration (Marketing)

School of Graduate Studies

·        MEd. Educational Studies

·        MPhil. Educational Studies

·        MA. International Development Studies (IDS)

·        MSc. Environmental Health & Sanitation

·        MSc. Natural Resources Management

·        MSc. Financial Risk Management

·        Master of Public Health (MPH)

Laꞌasʋg

University la da laꞌasi ba mɛŋ nɛ university sakur siꞌeba, amaa yʋʋm tusayi nɛ pisi nɛ ayiꞌ, motul nwadig, dabpistanꞌ daar ka ba nyɛɛ ba mɛŋ nyali ka baki ba mɛŋ. Sakurnam la anɛ University of Ghana, University of Cape Coast nɛ Kwame Nkrumah University of Science and Technology

Gɔmɛna zugraan nuꞌug tikir

Yʋʋm tusayi nɛ pisi nɛ ayiꞌ, motul nwadig, dabpistanꞌ daar, dabiskanɛ da lut Atalata daar la, university la nɛ o taaba ayiꞌ, da paam paŋ ye ba ziꞌeni ba mɛŋ nyali yi Ghana gɔmɛna zugraan kʋdʋg Akufo Addo ni, tigir kanɛ ka ba da laꞌasi maal Accra sʋꞌʋlim la. Nwaꞌ da tis university la paŋ ye ba tis degree nɛ diploma kasɛta gbana linɛ paꞌal ye nidib zamis anina naae.