Sɛnlʋŋ: Dunia tiaknɛ
D U N I A T I A K N Ɛ
Dunia tiaknɛ!! Dunia tiaknɛ!! Dunia tiaknɛ!!
Anɔꞌɔn tiak dunia la?
Mam nɛ fʋ tiak dunia la
Ti yaanam saŋa la
Winnig da tansidnɛ Ya-nyaꞌaŋ ka lit Ya-tuon
Ka nwadig tansid ya-tuona ka lit ya-nyaꞌaŋ
Li nan kpɛn anɛ ala.
Anɔꞌɔn tiak dunia la?
Mam nɛ fʋ tiak dunia la
Ti yaanam saŋa la
Sɔꞌ yaꞌa da kpi asɛɛ ka kpɛɛmnam laꞌas
Ka kʋʋr kaas ka gɔɔginam nwɛ'
ka binna nwɛ' ka baaŋ baam
Amaa nananna sɔꞌ yaꞌa kpi
o pun kʋ basi o mɛŋi naae
Ka ba lɔ dɛknami ziꞌel ka nyaan tʋm kʋya.
Anɔꞌɔn tiak dunia la?
Mam nɛ fʋ tiak dunia la
Ti yaanam saŋa la
dau da ɛɛnti binɛ paae dau bɛn
ka nyaan di pʋꞌa,
ka pʋꞌa mɛ bii paae pʋꞌa bɛn
ka nyaan kul sid
Amaa nananaa biisi dit biis duꞌad biis.
Anɔꞌɔn tiak dunia la?
Mam nɛ fʋ tiak dunia la.