Sefwi Bodi

Sefwi Bodi anɛ tɛmpʋʋgʋ bɛ Western North Region dinɛ bɛ Ghana la sʋꞌʋlim. Nimbanɛ bɛ sʋꞌʋlim la ni titaꞌam anɛ Sefwi nam. Yʋʋm tusa ayi nɛ piinɛ ayi nwadisa ayuobʋ (June 2012) la nii, Sefwi Bodi da lieb tempʋtitaꞌari tis district paal kanɛ ka ba da yɔꞌɔg la, Bodi (district). Bodi anɛ 60 km lɛbid Sefwi Wiawso dinɛ an region la tempʋtitaꞌar la Ya-tuona baba. Bodi anɛ tembanɛ kɛ ka Ghana paamid diib la yinne. Dibanɛ ka ba mɔri ken tempʋbɛda nwɛnɛ Kumasi nɛ Accra la paam yitnɛ Sefwi Bodi. Nidib bɛdigʋ miꞌ Sefwi Bodi nɛ Bodi Senior High School dinɛ aan ba sakur yimmir sʋꞌʋlim kan ni la.

Daꞌa diisim

Sefwi Bodi anɛ dinɛ ka di daꞌ diisim yɛla yuug hali ka kɔbiga pʋʋgin, nidib gaŋ pisnii (80%) tʋm kuob nɛ gʋꞌʋl tʋʋma. Zʋkanɛ k aba kuod pamm bɛ Sefwi Bodi anɛ koko ka di kɛ ka di an teŋkanɛ koko pamm bɛ Ghana. A mugusud biis k aba tʋm tʋʋmkanɛ gaadi ba paŋ Ghana sʋꞌʋlim banɛ kuod koko anɛ bʋnkanɛ ka nidib wʋsa nini muꞌoe di yɛla hali.

malima

Alluolue Festival an malʋŋ kpɛŋ kanɛ k aba maani bɛ Sefwi Bodi ka nimbanɛ bɛ sʋꞌʋlim la ni maani tiend yɛlbanɛ da naam kʋdʋmin. Malʋŋ la mɔr nidib kɔnꞌɔb-kɔnꞌɔb laꞌasid ka ba gbanꞌad temmaalʋg yɛla ka maan nɔɔryinne nɛ zuod nɛ taaba. Malʋŋ la saŋa, ba ɛɛnti kaanb saam ye ba kena di ka nu nɛ ba. Nidib la yɛɛdi ba malima fuud ka Naꞌanam mɛ laꞌasid taaba. Bʋnnwɛꞌɛda ɛɛnti nwɛꞌ k aba waꞌ sʋꞌʋŋa.

Nintitada banɛ yi ani

Sampson Ahi onɛ an pɔlitis nwɛ'ɛd.