Soup joumou

Soup joumou

dish

Subclass of	soup
Country of origin	Haiti
Intangible cultural heritage status	Representative List of the Intangible Cultural Heritage of Humanity
Cuisine	Haitian cuisine

Soup joumou (/dʒuːmuː/; French: soupe au giraumon) anɛ zɛɛnd linɛ ka banɛ dʋgʋdi li an Haitian cuisine. Yʋʋm tusayi nɛ pisi nɛ yinne (2021), joumou zɛnꞌɛd da paas UNESCO Intangible Cultural Heritage List kanl ni.

Ba mɔr nɛ walbanɛ buon squash la dʋgʋd zɛɛnd, li yinne an turban squash. Ba ɛɛnti wanꞌ walbama dʋgʋl dʋkin nɛ kʋrkʋr niim gbila nɛ kɔnba, potato, nɛ zɛnvaand (vegetables) ka ba sieba an leeks, celery, radishes, carrots, green cabbage, habanero pepper nɛ gabʋ (onions). Ba ɛɛnti biank walanam la nɛ kuꞌom ka li kilim bʋʋlli, ka ba kpaꞌae li lɛbis dʋkin la. Ka yʋꞌʋm paas Yaarim (Salt) nɛ guꞌud (seasoning), lime juice, garlic, parsley nɛ vaand sieba nɛ spices. Haitian ninsieba paasid pasta biela ka lin sieba anɛ vermicelli, macaroni ka kpaam bɛɛ butter. Ba did zɛnꞌɛd la ka li nan tʋl, ka wanꞌas bodobodo gbila sugusidi li.

Din ziꞌeni tis siꞌelnam

Soup joumou anɛ zabini paꞌal Haiti dimi da nyɛ yɔlisim yi French nuꞌusin yʋʋm tusir, kɔbʋs nii nɛ anaasi, yiiga nwadig dabisir yinne daar la (January 1, 1804). Ban da bɛ mʋgʋsʋg pʋʋgin la, French dim banɛ da sʋꞌoe ba la maꞌa da did zɛnꞌɛd nwa, ka tɛŋ dim la da an yamis la da maani li. Ba yɔlisim nyaꞌaŋ la, ba mɛŋ yʋꞌʋn da nyɛ suori dii ba zɛɛnd ka li da an zanbini paꞌali ba yɔlisim nɛ ba mɛŋ sʋꞌʋgʋr yɛla. Yʋʋm paal daar la, Haiti dim banɛ da bɛ ba mɛŋ tɛŋin nɛ banɛ da lɔꞌɔŋ tɛŋ sieba wʋsa da di diib nwa ka li paꞌal ban da nyɛ yɔlisim yi yammʋg pʋʋgin yiiga ka ba da sʋꞌʋgi ba mɛŋ teŋ la.

UNESCO baŋir

Yʋʋm tusa ayi nɛ pisi nɛ yinne, nwadis piinɛ ayi la nii, Haiti da nyɛ yʋꞌʋr nɛ ba zɛɛnd joumou yɛla ka UNESCO dim kaanli li paas saalib malima nɛ ba diib banɛ bɛ dunia nwa pʋʋgin. Haiti dim yiiga saŋa la ka ba kanl da paas ani.