St. Louis Senior High School
| Inception | 1952  |
|---|---|
| Motto text | UT-SINT-UNUM, That we may be one |
| Country | Ghana |
| Located in the administrative territorial entity | Kumasi Metropolitan District, Ashanti Region |
| Location | Ashanti Region |
| Coordinate location | 6°41′42″N 1°32′42″W |
| Color | green, white |
| Operator | Ministry of Education of Ghana, Ghana Gbaʋŋ zamisʋg lʋgʋr |
| Postal code | P. O. Box KS 460, Kumasi Oduom, Ashanti Region Ghana |
| Official website | http://stlouisshs.edu.gh/ |
St. Louis Senior High School anɛ Ghana sakur tis bipumis bɛ Oduom linɛ Kumasi, Ashanti sʋ'ʋlʋm. Dunɛ an bipumis sakur yiiga bɛ Ghana, ka pu'ab banɛ ka ba buonnɛ ba ye Yesu kasi suunr pu'ab la da mɛɛ li.
Pin'ilʋg
[dɛmisim gbɛlima | dɛmisimi din yi zin'isiana]Rev. Hubert Pailissen, onɛ an SMA nid la da yɛl ye 1949 yʋʋm la ni ye, "Teŋ kaŋa ni, din pʋn tɔn'ɔn ka pʋ zu'oe gba, sakur banɛ ka pu'asada nɛ dasam ken la, ba 15 kɔbʋg pʋʋgin anɛ pu'asada. Nidib la da yʋ'ʋn baŋ ye tʋʋma bɛdigʋ bɛ nar ye ba tʋm ka li sʋŋ linɛ ka ba bas la, dinzug ka na'anam la da baŋ ye di anɛ ba tʋʋm ye ba sʋi ba nidib, ka yɛli ti ye ti mɛɛm sakurnam tis pu'asada bɛ ba tɛɛsin. Di ya'a ye di maal, asɛɛ ka ba nɔk pu'asada sakurnam la niŋ banɛ ka ba buonnɛ ba ye wada pa'alʋg pu'ab banɛ mi'i nannana sakurbiis pa'alʋg suoya la nu'usin.
18 sawa'ad 1947 yʋʋm la ni, ka St. Louis pu'ab da paae Ghana na. Ba da kena nɛ ye ba tɔlis sakur kanɛ ka ba pʋn mɛɛ li, ka li yʋ'ʋr da buon ye ye St. Bernadette ka nidib pamm da buonnɛ li ye 'Roman bipumis' la. Asida tʋʋma ni, St. Louis pu'asada banɛ da nan zi' wɛlig pʋsʋk tʋm la, da gban'e ye ba mɛ' secondary school bɛ zin'ikan ni nɔɔ.
1952 ni, St. Louis secondary school la da yɔ'ɔg, ka pu'asada 12 da bɛ. Nimbama ni la sieba da nyaŋ kpɛlim paas banɛ da dɔl nya'aŋ kena la ka ba kal la'as 42. Li da paae Samanpiid 1957, saŋkanɛ ka banɛ d nyaŋ mɔdig bɛ la da sɔbi ba "O" level kpansib la, ka ba kal bu'oe kpɛlim11.
Pu'asada la yɔɔd pamm, ligibanɛ ka ba da di'es nɛ ligibanɛ ka sɔ' wʋsa da la'as la da kpɛn'ɛnɛ sakur la maalʋg ni nɛ la'abanɛ na sʋŋ ka si'el mɛkama keŋ titua.
Karimbiis la da bɔɔdnɛ ye Apostolate of Education dim naam karimbikpi'ema nɛ banɛ an nyain, ka na nyaŋi mɔr tiakir bɛɛ tʋm bɛ teŋ nɛ pɔlitis tʋʋma ni. Zin'isi'a da kae bɔɔd tʋʋma pamm gat pu'asada sakur ken yɛlaa.
Yiiga ka bipuŋ sakur ken yɛla da yʋ'ʋn an linɛ ka nidib bɛdigʋ da pian'adi li yɛla, Catholic pʋ'ʋsʋm dim nɛ St. Louis dim da gban'e li nimua yɛla gbin titua. Dinzug ka St. Louis pu'asada nɛ karimbiis la da ɛɛnti dɔlisid pa'alʋg suobanɛ na sʋŋ biig vʋm wʋsa ni.
La'am nɛ pa'annib nɛ ligidi yɛla n da kae la, sakurbiis la kal da kpɛn paasidnɛ. Ba da mɛ dɔgbɛɛndis bɛdigʋ paas. Kumasi na'ab Nana Osei Agyemang Prempeh II, da tis sakur la paalʋ, ka pu'asada nɛ teŋ la karimbiis la sʋŋ nɛ ligidi.
Kpɛɛmnam Labaya sid di kasɛta kat wa'anɛ pu'asada la pa'an sʋ'ʋŋa si'em. Lababama da anɛ na'asi tis sakur la nɛ ban mɔɔd si'em bɛ gbana zamisʋg ni, nɛ ban maannɛ ba la'asʋg sʋm ka mɛ dɔl wada si'em la. Li da anɛ pian'asʋma bama zug kpɛɛm kanɛ gɔsid sakur ken yɛla 1960 saŋa la da maal o pʋten'ɛr ye pu'asada la na mɛ kɔlɔgi zi'el zin'ikanɛ ka St. Louis secondary school bɛ nannana la. 1960 yʋʋm la ni nɔɔ ka tiakir da naam ka St. Louis secondary school vurigi keŋ din bɛ zin'isi'a nannana la. Kambʋmis na'ab Otumfuo Osei Agyemang prempeh II, n da ɛɛnb sakur la bɛ 25 dɔnwalig 1960 la ni, ka Andrew van den Bronk onɛ an Kumasi Bishop la da bariki li.
kpinnim
[dɛmisim gbɛlima | dɛmisimi din yi zin'isiana]Sakur la nam kpɛm mɔr kpinnim nɛ Opoku Ware Senior High School, ka nidib buon ye Akata Slopsa la.
Sakur Dɔɔd
[dɛmisim gbɛlima | dɛmisimi din yi zin'isiana]Dɔɔd banɛ ka ba mɛ tis sakur la digi teŋin nwa.
- La'asʋg dɔɔg
- Diib dɔɔg
- La'ad maalʋg zin'ig
- Science Lab
- Pa'annib nɛ kpɛɛmnam dɔɔg