The African university college of communications

African University College of Communication

university

Inception	2002, 2001
Motto text	Discover Yourself From Here
Country	Ghana
Located in the administrative territorial entity	Accra
Coordinate location	5°33′29″N 0°12′42″W
Member of	Association of African Universities
Official website	https://www.aucc.edu.gh/

African university college of communications la anɛ asʋꞌʋmmɛŋ sakur titaꞌar kanɛ bɛ Adabraka, n bɛ Accra, Ghana teŋgbauŋin, ka ba na zamisid ka paꞌan labaya laꞌasʋŋ nɛ li widigir nɛ labaya baŋir tʋʋma, nɛ kpikpiŋ zinꞌigin, nɛ Africa malima zamisʋg, kanɛ lina yɔꞌɔg suoya ka zamisʋg keŋ tuon, ka zumaaŋ la na zamis ka tʋm ka Africa paam nɔbigir nɛ tuon ken.

University la da zaŋ yiiga Diploma sakur bibis la ye ba zamis labaya yɛla la nɛ 2002 yʋʋm la ni, ka National Accreditation Board (NAB), Ghana, da Siaki diꞌe sakur la 2004 yʋʋm la ni

Li siꞌiŋir

African labaya laꞌasʋg nɛ li widigir zamisʋg sakur titaꞌar la da dɛŋi n buon nɛ Africa Institude of Journalism & Communications (AIJC). Sakur la da anɛ asʋꞌʋmmɛŋ sakur titaꞌar kanɛ ka Kojo Yankah, onɛ da an Ghana wʋsa labaya gbaʋŋ kanɛ widig hali la editor, Daily Graphic la, ka da lɛm an Ghana Institude of Journalism la Director yʋʋma awai pʋʋgin, yʋʋma ayɔpɔi kꞌo da an Minister of State, nɛ Wadmaan gobina Naꞌadɔɔgin la ni yʋʋma anii.  

Suor paamʋg  

2007 la nii, National Accreditation Board da lɛn tis sakur la suor ye li paꞌan Bachelor of Arts degree zamisa, n kɛ ka ba da buon sakur la ye African labaya laꞌasʋg nɛ li widigir zamisʋg sakur titaꞌar (AUCC), ka da niŋ Africa yiiga sakur titaꞌar kanɛ zamis labaya laꞌasʋg nɛ li widigir tʋʋma ka lin an ba zamis kpan 2010 yʋʋm la ni, NAB da lɛn tis AUCC suor yaꞌas ye ba paꞌalim Bachelor of Science degree zamisa tʋʋma zinꞌisin nɔbigir nɛ ba kligidi zanlim yɛla. Sakur la laꞌasi o mɛŋi nɛ University of Ghana ka paamid degree zamisa la, nɛ Ntional Board for Technicians Examinations (NABPTEX) ka paamid diploma zamisa la.

Zamisʋg nɛ zamisa vɛɛnsʋg zinꞌis

Sakur la maal zinꞌis bɛdigʋ nɛ zamisʋg dɔɔd ye li tis sakur bibis la suor ka ba zamisid saŋa wʋsa, laꞌam nɛ onɛ wʋsa yaꞌam bɔɔd teŋgbaʋŋ la zug. ZinꞌI ban anɛ:

·       Kwabena Nketia Centre for African Studies,

·       Ama Ata Aidoo Centre for Creative Writing

·       The Centre for Innovation and Creativity

·       The Business Centre

Karimʋg dɔɔg  

Sam Quaicoe karimʋg dɔɔg la an African labaya laꞌasʋg nɛ li widigir zamisʋg sakur la karimʋg dɔkpɛŋ, ka bɛnɛ AUCC sakurin la teŋir dɔɔdin la. Karimʋg dɔɔg la mɔri zamisʋg gbana buudi kɔnꞌɔb-kɔnꞌɔb ka li kal an woo tusa pisnu nɛ, CD nam, tape nam, nɛ zamisʋg gbaʋŋ-sʋma banɛ ka ba nyɛɛb kaꞌ naꞌanaa, prints nɛ laꞌasuada. Karimʋg dɔɔg la mɛ lɛn tiꞌebid ye li yɔꞌɔg suor ka ba na karim dɔlisid baŋ-nwiig nɛ pɛbisimin laꞌad.

Karimʋg dɔɔg la an giinl kanɛ zanl sakur la zamisʋg.  Linɛ an zamisʋg tʋʋma nɛ li malima wʋsa, woo paꞌalʋg, vɛɛnsʋg nɛ zamisʋg, paamid sʋŋir nɛ karimʋg dɔɔgin la, ani ka gbana buudi wʋsa maal nɛ n digil sʋꞌʋŋa ka ba nyɛɛb an naꞌanaa tis zinꞌigin dim.

Yaꞌan piini nɛ ban zɛm siꞌem

United Nations Educational, Scientific and Cultural Organization (UNESCO) mak sakuya nam nɛ taaba, ka ye AUCC sakur la di yaꞌan labaya nɛ li widigir zamisʋg tʋʋma la ni

2012 yʋʋm la, Dɔnwalig nyadig la ni, labaya laꞌasʋg nɛ li widigir zamisʋg sakur la AUCC, level 300 dɔɔg biis nɛ ba taaba Simmon's College n bɛ Boston, USA la, da di nɛ “Most Innovative Programming in College Radio” yaꞌan piini, New York, USA teŋin.

Sakur la laꞌas nɛ sieba

African labaya laꞌasʋg nɛ li widigir zamisʋg Sakura nananna nwa laꞌasi nɛ sakur titada banɛ dɔl nwa la:

·       University of Ghana, Legon, Ghana

·       University of Education, Winneba

·       Ghana Institute of Management and Public Administration, Ghana.

·       Clark Atlanta University, USA.

·       Morehouse College, USA.

·       The University of Maryland Eastern Shore USA.

·       Ohio University, USA.

·       Howard University, USA.

·       College of Bahamas, Norh America.

 Yaꞌasɛ, AUCC sakur la lɛn laꞌasɛ nɛ tʋʋma nɛ zamisa zinꞌis woo UNESCO la, World Bank, Mo IbrahimFoundation, Africa2Green International la, nɛ Voice of America (VOA) la.

AUCC sakur la lʋgʋr kanɛ zamisid kpikpiŋ yɛla la da laꞌasi tʋm nɛ tʋʋma lʋgʋr kanɛ buon Knowledge Innovations to equip professionals with knowledge, ka ba zamis Fin Tech n dɔlis pɛbsimin.

Gɔsim nɛꞌ yaꞌas

·       List of universities in Ghana