Things We Do for Love (Ghanaian TV series)

Things We Do for Love (Ghanaian TV series)

television series

Languages spoken, written or signed	English
Country of origin	Ghana
Original language of film or TV show	English
Language of work or name	English
Production date	2000
Cast member	Adjetey Anang, Jackie Appiah, Majid Michel

Things We Do for Love (Ghanaian TV series) anɛ Ghana dim telivision series. Ba da pa'ali linɛ GTV bɛ yʋʋm tusa ayi nɛ atan' (2003) la ni, pa'an dasam nɛ pu'asada daʋ nɛ pʋ'a na la'as taaba si'em yɛla.

Sini zin'ig nɛ saŋa

Bʋbanɛ ka ti maanɛ nɔŋilim yɛla (Things We Do for Love) la anɛ dasam nɛ pʋ'asada nɛ ba bɛllim bɛ sakur nɛ yin, ka ba du'adib paamid nɔŋilim. Pusher (Adjettey Anang) bɛnɛ nɛ Dede, amaa ka mɔr bipuŋ sabua sieba. Di anɛ onɛ ta'as ka daʋŋ la wʋsa bɛ teŋin la. O zua BB ied pʋtɛn'ɛri yit Pusher ni ye o ke ka Masia nɔŋ o. Amaa, Marcia bier la mɔrnɛ nɔŋilim tis Dede. Shaker (Majid Michel) da tʋmnɛ nɛ Lebanese hotel ka an pua bɔɔd hali ka na nyaŋi ke pua ya'am kpɛn' o hali nɛ o pian'amalisima la yɛla. o bɛlim la an siɛm la da kɛnɛ ka nyan kpɛn' o hali. O da mɔɔdnɛ yɛ o bɔ Enyonam (Jackie Appiah) ka li pʋ ya'ani tʋmm ka li anɛ om daa nɔŋ biribiŋ sʋŋ so sʋ'ʋlim kan la nɔɔ la yɛla, bipuŋ la da zɔtnɛ o saam ka ke ka ba nɔŋilim la da pʋ nyaŋi an sʋmm.

Episode 1

Pusher da pa’an nε BB on kεn si’em-si’em. Di da kpεlim bi’ela ka Marcia zɔɔ kεŋi bεlim ka sɔs taal pεŋir, Pusher da duoe nε hali bɔzugɔ Marcia da kεlisidnε yʋma, BB da yεl Pusher yee o paamim sugurʋ amaa Pusher da zan’asnε. Marcia da zɔɔ kul o yin. Pusher da buos BB yee bɔ ka o Marcia.

Max da gɔsidnε tv nε takpiidʋg bεdigʋ. Marcia da zɔɔ kul yin la ye o yεli o ma nε o saam dinε maal la. Max sunf ma da duoe nε teŋin la biis la bɔzugɔ ba da pʋ nɔŋ Max yεla. O da buos o tan’ʋ la lɔr la yεla. Marcia da asee ka o bas safa biis la lɔr la pʋʋgin. Max da wʋm la ka duoe kεŋ yee o nɔk lɔr la.

Bam bɔɔd lɔr la paar la, Pusher da nye ka baŋ yee Marcia bas lɔr la safua biis la nε lɔr la pʋʋgin la o da yεl BB te ba gɔsim. BB yεl Pusher yee o mɔr lɔr la nε kun yin, ka mɔr lɔr la tʋn’ʋs biribis la tiisin la ka yεli ba yee o kεŋ ka lεb n aka biribis la faasid o. Ka o mɔr lɔr la kεŋ tis Marcia ka sʋʋnr maa’e hali. Max da lεb nε zin’ig kanε ka Marcia bas lɔr la ka nye Pusher anina ka buosʋ nε sumpεεn yee, bɔɔ maalε. Pusher mε da lεbi o nε sʋmpεεn amaa o da pʋ yεl o lɔr la bε zin’isia. Max yʋ’ʋn da lεb yini nye ka lɔr la maali paki zi’e yin la. Marcia da yεl o yee di BB mɔr lɔr la kenna.

BB da fεdigi lεb Pusher san’an yεl o yee si’el wʋsa zεmis ya on nε Marcia tεnsʋg. Max da nyɔnni BB nε teŋin la biribis la. Marcia da yεl o dinε yεla ka o sunf pεlig nε BB, amaa o tisid o nε sour. Max da si’el ya;a maal o, o na nɔki ziil BB.

Di'em-di'ennib

• Pusher o anε di’em-di’em kanε ka o yʋ’ʋr buon yee Clotey k aba tis o baa yʋ’ʋr yee 'Pusher' o pa’an nε da buos o ye o bɔɔd ye o o ta an bεεo daarε. Ka o lεbis ye on ti bɔɔd ye o an “truck Pusher” ka dinzug ka o sakur bi taaba mɔr o buon ye Pusher. O da gbεεndnε ne o yaab nε o pitʋ. Ba pian’a pa’al ye o saam on bε nε naasaateŋ, amaa ba pʋ pian’a o ma yεla. O anε nyεεnsim sɔb ka bɔɔd ye o gɔɔnd saŋa wʋsa nε o biribis taaba banε kpi’e nε o la, ka mɔr yεla bεε daaʋŋɔ tisid teŋin dim la. O anε anε pu’abɔɔd.

• Dede anε bipʋŋ paaligi mɔr sabuos bεdigʋ. O da ane Pusher's sabua, ka ba da bas taaba bɔzugɔ on nε max da lεn dtl taaba la zug.

• Marcia anε puasadir kanε gu’usid nε dap dɔlim ka li anε on da na zi’i dau o ka o sabua kʋdʋg la da mʋk o digin nε o san’am o la yεla. O yʋ’ʋm da mɔr bɔɔdim tis BB.

• BB da anε Pusher zu’asiind. BB da anε onε mɔr bεlim sʋŋ, ka kpεm zani o yʋ’ʋsʋŋ la kim tis bibi’es  nwεnε o kpi’ie Pusher nε. O dataa paa da anε Max, bɔzugɔ Max da pʋ bɔɔdi ye o li’a o tan’ʋ Marcia la yεla.

• Max anε kpεεm, pʋ di’em nε o tan’ʋ Marcia yεlaa. On nε Ofeibea da la’am bε ni teŋ yinne ni ka di niŋ wʋʋ nyaliŋε ka o pεεs biribis bedigʋ onε bɔɔdi Dede mεn.

• Ofeibea anε puasadir vεnlin onε ka on nε max da dɔl nε nimua. O zan’asid saŋa wʋsa Max ya’a bɔɔd ye o diŋin nε o. o nan zi’i digin nε dau kudim amaa, o da pd bɔɔd ye o digin nε dau nε on na ti εl o sid.

• Julia da εnti taa bε nε nε kpεεmnam saŋa wʋsa, nε dap banε mɔr ligidi. O da anε Pusher sabua, ba sabuuodʋg tun’ɔm pʋ nyaŋi maal sʋmm bɔzʋgɔ Pusher namisid o nε.

• Aluta, Pusher nε BB da anε kpi’ies nε taaba, ka an teŋin la biribisnam la yinne banε nɔŋ zaba teŋin la.

• AKiller anε danuud kanε εεnti daamid teŋ la galis.

• Octopussy anε daʋsaŋ kanε miilim nε biribis banε Pusher, BB nε Aluta. O yʋ’ʋmεŋir anε Tsatsu. O niŋ yada nε ye o gban’ae puasada la ka ba mɔri ba saŋa wʋsa. O da nɔŋ puasad kuda laa.

• High Priest anε dasaŋpaalig kanε nɔŋ yʋm banε yʋmi pεdigid la.

• Cambodia anε sogia kudʋg kanε ka biribis la, Pusher, Killer, BB, Aluta nε Octopussy εεnti kε ka o sunr duod.

• Lois anε ka sɔ’ mi’i o nε om pian’ad wʋʋ naasara la yεla, o da anε di’em kanε ka’ae na’ana’aa.

Nimbanɛ paasi di ni

• Adjetey Anang as Pusher
• Jackie Appiah as Enyonam
• Majid Michel as Shaker
• Alice Schreyer as Dede
• Sena Tsika as Marcia Mensah
• David Bossman as BB
• Zimran Clottey as Aluta
• Vincent McCauley as Max
• Abeiku Nana Acquah as AKiller
• Adjoa Pieterson
• Akwasi Boadi (Akrobeto) as Police Officer
• Nat Banini as Cambodia
• Marleen Hutchful as Lois