Tunde Wey

Tunde Wey

ninsaal

Sex or gender	Dau
Country of citizenship	Nigeria
Yu'ur Kane ka ba tis o	Tunde, Akintunde
Zak yu'ur	Wey
Du'am yuum	1983
Tuuma	cook, writer

Akintunde ka tita'am mi'i o ye "Tunde" Asuquo Osaigbuovo Ojo Wey la anɛ didʋgʋd nɛ gbaʋŋ sɔbid. Ba dʋ'a o nɛ yʋʋm ( 1983). Ghana dim mɔri  Nigeria dim diibi bigisid  ninsabilisi  an' sʋm siem,  sʋ'oe ti mɛŋ si'em,  ka na'asaanam pʋ nɛ'ɛsidi tii.

Nyɔvʋr pin’ilig nɛ sakur

Ba da dʋ’a Tunde Wey nɛ Lagos, Nigeria, ka o dʋ’adib sɔn’ɔe. Yʋʋm tusir, kɔbiswai nɛ piswai nɛ awai la ni, o da kɛŋ United States ye o kɛŋ sakur anina. Detroit tɛŋin, o da zamis nɛ community college yʋma ayuobʋ ka nyaan kpɛn’ɛ diib dʋgʋb ni.

Tʋʋma

Yʋʋm tusayi nɛ piinɛ atan’ ni, Wey da yɔ’ɔg diib kuosig zin’ig, Revolver, zin’ig kanɛ ka o kuosid diib ka nidib kpɛn’ɛd ka yit, banɛ bɛ Detroit sʋ’ʋlim wʋsa. Diib kuosig zin’ig la da dʋgʋ li naar diib ka nyaan yɔ nɛ yʋʋm tusayi nɛ pisi, na’asaanwadis atan’ ni, ka on nɛ onɛ sʋ’ʋe ka o yʋ’ʋr buon Peter Dalinowski, da yis labaar na ye ba ye ba yɔ’ zin’ig la nɛ yʋʋm tusayi nɛ pisi ni, Sawaar nwadig la ni.

Yin yela

Wey gbaŋ kanɛ da kɛ ka o bɛ na’asaatɛŋi kɛn sakur la saŋa da naae la, o bɛɛ anina yʋma si’em yela ka gbaŋ kae pa’a ye o bɛ United States tɛŋin la. Yʋʋm tusayi nɛ piinɛ anu ni, o da kpɛn’ɛ lɔri wa’ae zin’ig si’a pʋlʋs gʋ’ʋ o suorin. Yʋʋm tusayi nɛ piinɛ awai ni ka o da paam gbana ye o kpɛlim na’asaatɛŋ.