University of Energy and Natural Resources

University of Energy and Natural Resources (UENR; French: Université de l'énergie et des ressources naturelles) anɛ gɔmɛna university bɛ Ghana, ka Parliament of Ghana wada kanɛ da pinꞌili li an Act 830, 2011 bɛ yʋʋm tusayi nɛ piinɛ yinne, naar nwadig, dabpistanꞌ nɛ yinne (December 31, 2011). University la anɛ gɔmɛna sakur kanɛ zamisid tuongaadig yela kati waꞌae laꞌabanɛ bɛ tɛngbaŋ pʋʋgin, li guꞌub, nɛ li tʋʋma yela. University la zamisid vɛɛnsig yela kati waꞌae kpikpiŋ yela, wada yela, tuongaadig yela, naꞌasaasɔɔng, laꞌad banɛ sʋŋid ka tʋʋma kɛn tuon, nɛ banɛ vɛɛnsidi gɔsidi ba taaba tʋʋma. Ba mɛ lɛn gɔsid Ninsaalib nɛ naꞌanyaꞌadib tʋʋma nyaŋidi sʋŋid bɛɛ sanꞌamid laꞌabanɛ bɛ tɛngbaŋ pʋʋgin siꞌem.

Lin da dɔl siꞌem ka ba maal university la an siꞌem nwana. Gɔmɛna tuongat kanɛ da bɛ saŋkan anɛ President, J. E. A Mills. O da gaŋ nidib ka ba buon ye National Task Force Planning Committee yʋʋm tusayi nɛ piiga, pinꞌilig nwadig, daba nii daar (January 8, 2010), ye ba zinꞌini gbanꞌe gɔs, ka pinꞌil Universities paala nam ayi bɛ Volta nɛ Brong Ahafo (linɛ yʋꞌʋn an Bono) Region nam ni. Nidib pisi nɛ naasi nwaꞌ tuongat da anɛ Samuel Kofi Sefah-Dedeh, one da an Dean of the Faculty of Engineering Services, bɛ University of Ghana, on nɛ Christine Amoako-Nuamah one ka gɔmɛna da gaŋi yi Osu Castle ni la ye o mɛ an li kpɛɛm. Committee la da zinꞌini gbanꞌe gbanꞌa siꞌeba la, Ghana gɔmɛna zugraan kʋdʋg, J.E.A Mills da bas suor ye ba pinꞌil University bɛ Sunyani yʋʋm tusayi nɛ piinɛ yinne, nwadisayi, daba nii daar (on February 8, 2011). Kwame Nkrumah University of Science and Technology da nɔki ba zamisig zinꞌig kanɛ an Faculty of Forest Resources Technology tis UENR malʋŋ kanɛ ka ba da maali bɛ Sunyani yʋʋm tusayi nɛ piinɛyi, nwadisayuobʋ, daba yɔpɔi daar (June 7, 2012). Li yaꞌa pinꞌil tʋʋma, university la na mɔr zamisig zinꞌis ayɔpɔi. Zinꞌis bama anɛ:

·        School of Engineering;

·        School of Energy;

·        School of Sciences;

·        School of Geosciences;

·        School of Agriculture and Technology;

·        School of Natural Resources;

·        School of Graduate Studies;

·        School of Management Sciences and Law; and

·        School of Mines and Built Environment

University la mɔr zamisig zinꞌis atanꞌ ka ba bɛ Sunyani, Nsoatre nɛ Dormaa Ahenkro. Zinꞌig kanɛ bɛ Sunyani ka li yaliŋ wan wʋʋ 85 acres (34 ha) la ni ka School of Sciences; School of Natural Resources; School of Engineering; School of Energy; School of Graduate Studies nɛ sakur la tuongatib zinꞌig, nɛ university la gbana zinꞌig (Library) bɛ.

School of Engineering bɛnɛ Nsoatre campus ka li waꞌalima na 2,000 acres. School of Agriculture and Technology nɛ Geosciences mɛ an wʋʋ 2000 acres bɛ Dormaa campus. Ba da gbanꞌe ye university na mɔr yiŋ zamisig zinꞌis anaasi, bɛ Mim, Bronsankoro and Kyeraa tis banɛ zamisid kuob nɛ gʋꞌʋl yela nɛ mɔɔg nɛ tiis yela, ka yinne bɛ Bui tis banɛ zamsid Engineering. University la bɔɔdim anɛ ye ba zamis nidib ka ba miꞌ naꞌasaasɔɔng nɛ laꞌabanɛ sʋŋid laꞌad maaligi tis Ghana nɛ dunia wʋsa.