University of Environment and Sustainable Development
| Industry | higher education  |
|---|---|
| Inception | 2020 |
| Short name | UESD |
| Founded by | Ghana gɔmena |
| Continent | Africa |
| Country | Ghana |
| Located in the administrative territorial entity | Eastern Region, Somanya |
| Location | Somanya |
| Coordinate location | 6°3′3″N 0°0′27″W |
| Member of | Ghanaian Academic and Research Network |
| Language used | English |
| Official website | https://www.uesd.edu.gh/ |
| Academic calendar type | semester |
university of environment and sustainable development (UESD-Ghana) anɛ univɛsiti paal kanɛ ka ba yɔ'ɔg bɛ Trom-somanya linɛ bɛ Yilo Krobo Municipality sʋ'ʋlʋm, Eastern Region, Ghana kpɛla. Ghana gɔmma da dɔlisi sakur ken lʋgʋr la ni mɛ' sakur kaŋa ye li sʋŋ ka teŋ wɔɔ paam si'el wʋsa azinzima. Sakur la da anɛ linɛ ka Ghana nɛ Italian dim da la'asi mɛɛ li nɛ nɔɔr yinne.
pin'ilʋg
[dɛmisim gbɛlima | dɛmisimi din yi zin'isiana]Eastern University la anɛ univɛsiti kanɛ Ghana Gɔmma zudann John Mahama da kaanb zi'el ye o na mɛ, o pɔlitis nwɛ'ɛb saŋa la. li na mɔri li sakur bibis ayi, li mɛŋ zin'ig linɛ bɛ Somanya sʋ'ʋlʋm la ka yinne la mɛ bɛ Donkorkrom linɛ bɛ Afram pipiinrisin la.
2013 yʋʋm la ni la, John Mahama onɛ an Ghana gɔmma zudaan la da gaans kpɛɛmnam ye ba zin'in gban'as pʋten'ɛr linɛ na niŋ si'em ka ba me univɛsiti la, ka li nyaŋ sʋŋ ka yɛldaʋŋ banɛ paad Ghana sʋ'ʋlʋm la nɛ teŋmaalʋg la nyaŋ maal. lin nya'aŋ ba da kɛ kpɛɛmnam banɛ ka ba gaans la pin'il tʋʋma.
Samanpiid 2016 yʋʋm la ni, Johna Dramani Mahama onɛ angɔmma zudaan la da kɛ ka ba pin'il univɛsiti la mɛɛb. Gɔmma zudaan Hohna Mahama da yɛl ye, wadmaanib la siak ye ba nɔkim ligidi £45 million linɛ ka gɔmma nɛ mɛɛb lʋgʋr linɛ bɛ Italy la di nɔɔr yinne la sʋŋ mɛ univɛsiti la.
la'aʋŋ
[dɛmisim gbɛlima | dɛmisimi din yi zin'isiana]onɛ da an minista bɛɛ kpɛɛm kanɛ gɔsid Ghana sakur ken yɛla ka o yʋ'ʋr buon ye Dr. opoku Prempeh la da gaans kpɛɛmnam ye ba gɔs ka univɛsiti la mɛ'. ka niban da anɛ Professor Jonathan N. Ayertey onɛ da an kʋkdaan nɛ ninsieba banɛ an; professor Eric Nyarko onɛ an VC, Mrs Efua Easaba Aygire Tettey, professor John Blay onɛ an Iŋgiinia, Johannes Twumasi Mensah nɛ Mrs Gina Odartefio. professor Eric Nyarko an Iterim vais kansila, Mrs Mary A. Agyepong yʋ'ʋn an sakur la Registrar nannanna, ka Mr Barfour Awuah Kwabi an kpɛɛm kanɛ gɔsid ligidi yɛla nannana.
nannanna, UESD maan digirii gbana bɛ teŋ sʋ'ʋlʋm zmisʋg ni, dabisir bɛɛ saŋa tiasʋg zamisʋg ni, tempʋʋd teŋmaalʋg zamisʋg, ku'om tuub, bugum nɛ kpaam, bugum zanllim nɛ kuon ne gʋ'ʋl yɛla.
University la ye di mɔri sakurnam anaasi banɛ aan li wɛlis;
zin'ig
[dɛmisim gbɛlima | dɛmisimi din yi zin'isiana]li anɛ Universityenvironment and sustainable development yinne ma'a bɛ Eastern Region kpɛla. li mɔri vice chancellor yinne ma'a, ka mɔr kpɛɛmnam la'asʋg zin'ig yinne ma'a. ba ye ba mɛ vice chancellor yir la bɛnɛ kpɛla (Samnya) . Kpɛɛmnam la'asʋg zin'ig la mɛ ye li mɛnɛ Samnya kpɛla. Ghana Gɔmma zudaan Addo Akufo n da yɛl si'eli la. o da pian'nɛ ye o tis banɛ bɛ zin'ikanɛ ka univɛsiti paal bɛ Eastern Region la sida. la'asʋg kanɛ ni ka ba da ye ba zuŋ unkivɛsiti la ni ka Gɔmma zudaan Akufo-Addo da pian' pa'al ye nɔɔryinne siakir linɛ Ghana nɛ Italian dim gɔmma la pʋ bas bɛɛ tis on bɛɛ sɔ' suor ye vurig univɛsiti la keŋ Bunso wʋʋ ban tis nɔɔr pian'aʋk ye ba na maal si'em la.