Valley View University
| Industry | higher education  |
|---|---|
| Inception | 1979 |
| Short name | VVU |
| Motto text | Excellence, Integrity, Service |
| Country | Ghana |
| Located in the administrative territorial entity | Greater Accra Region, Oyibi |
| Coordinate location | 5°47′58″N 0°7′34″W |
| Member of | Ghanaian Academic and Research Network, Association of African Universities |
| Official website | http://www.vvu.edu.gh/ |
| Academic calendar type | semester |
valley View University anɛ asu'oe-m-mɛŋ univɛsiti kane mɔri li zin'is bɛdigʋ bɛ Oyibi ( Accra), Kumasi nɛ Techiman (linɛ bɛ Sunyani) tɛɛns banɛ Greater Accra, Ashanti nɛ Bono East sʋ'ʋlʋm banɛ bɛ Ghana kpɛla. Li anɛ sakur titada 100 banɛ ka Seven-day Adventist pʋ'ʋsʋm dim sʋ'oe la yinne. Li paasnɛ Seven-day Adventist sakur ken linɛ tial pʋ'ʋsʋm sakurnam la ayi.
pin'ilʋg
[dɛmisim gbɛlima | dɛmisimi din yi zin'isiana]Valley View University da naamnɛ yʋʋm 1979 la saŋa, ka li anɛ West African Union Misson linɛ an Seven-day Adventist (ka buonnɛ li nannanna ye Ghana Union Conference) dim la da mɛɛ li. Yʋʋm 1997 ni la, ba da nɔki li niŋ Adventis university kanɛ ka West-Central Africa Division da sʋ'oe ka gɔsidi li ka li la'asʋg zin'ig bɛ Abidjan cote d'lvoire. Sevenday Adventist la'aʋŋ kanɛ buon ye Ghana Union conference (li da naam bɛ 2000) la da sʋ'oe Univɛsiti la.
Univɛsiti la da pin'il ka nan anɛ Adventist dim pʋ'ʋsʋm sakur, ka bɛ Bekwai-Ashanti sʋ'ʋlʋm. Ba da yiisi li keŋi Adentan linɛ liיel Accre sʋיʋlʋm bɛ 1983 yʋʋm la saŋa. Ba da yɔnɛ ligidi ka diיen dɔɔd bɛɛ ani tʋm hali ti paae saŋa kanɛ ka bay ii ani keŋ zinיikanɛ ka ba yʋיʋn bɛ nannanna, ka li liיel Oyibi (nɔba makir wʋʋ 19 yit Accra sigid Dodowa nɛ). 1989 ni ka ba da maligim pʋdi li yʋיʋr ye Valley View College.
Adventist dim lʋgʋr kanɛ gɔsid zi'esim suor yɛla la, da pin'il 1983 saŋa la vɛɛnsid ye ba gɔs sakur la zi,esim nɛ din mɔr suor na tʋm si'em. ka 1995 saŋa la, ka univɛsiti la nɛ Griggs univesiti dim da naal nɔɔtaalʋg nɛ taaba bɛ silver spring, Maryland nɛ USA ni. Nɛ'ɛŋa da sʋŋ ka univɛsiti la nyaŋid maan yʋma anaasi Wina'am gbaʋŋ nɛ buudi malima zamisʋg digiiri. Ghana lʋgʋr kanɛ mɔr suor kanɛ tisid lʋgʋsi'a suor ka nidib pamm baŋ ka siak sida tisi li la, da tis sakur la kasɛta nɛ suor bɛ 1995 ye sakur la tun'e yʋ'ʋn nyaŋ maal ba mɛŋ kasɛta gbana tisi ba sakurbiis. Valley View University an asʋ'oe-m-mɛŋ sakur kanɛ an yiiga ka ba tisi li kasɛt nɛ asʋ'oe-m-mɛŋ suor ka ba na nyaŋ maal si'el nɛ ba mɛŋ.
Valley View University an na'asi univɛsiti kanɛ an asʋ'oe-m-mɛŋ univɛsiti yiiga bɛ Ghana ka ba tisi li sida kasɛta gbaʋŋ kanɛ pa'an ye li tun'e tʋm si'el nɛ li mɛŋ. Valley view univɛsiti da di'e li suor kasɛta gbaʋŋ yinɛ gɔmma zudaan kʋdʋg, girima daan John Kufuor bɛ yʋʋm 28 bʋdʋg, 2006. suor tisib gbaʋŋ la anɛ gbaʋŋ kanɛ gɔmma bɛɛ wadmaanib tis ka li sid pa'an gɔmma tis sakur la suor nɛ paŋ si'em kat wa'anɛ din na nyaŋ tʋm si'em ka sɔ' kʋ gu' oo.