Venus Films

Venus

film

Title	Venus
Assessment	Bechdel test
Genre	comedy drama, drama film
Publication date	2006
Country of origin	United Kingdom
Original language of film or TV show	English
Director	Roger Michell
Screenwriter	Hanif Kureishi
Director of photography	Haris Zambarloukos
Film editor	Nicolas Gaster
Composer	David Arnold
Producer	Kevin Loader
Production company	Miramax
Distributed by	Walt Disney Studios Motion Pictures, Netflix
Narrative location	England, London
Color	color
Review score	88%, 7.3/10, 82/100
Nominated for	Academy Award for Best Actor
Distribution format	video on demand
Filmiroda rating	Category II
Kijkwijzer rating	6
Official website	http://www.miramax.com/movie/venus
Medierådet rating	Suitable for a general audience

Venus anԑ Na’asaa nam British dim di’em n da bԑ yυυma 2006 la ni, Roger Michell da mᴐri di kena ka Kevin Loader maanԑ di, ka Hanif Kureishi yisidi pa’an. Nimbanԑ da si’iŋ sini nwa ane Peter O'Toole, Leslie Phillips, Jodie Whittaker, Richard Griffiths nԑ Vanessa Redgrave.

Venus da maali di di’em tita’ar hali dinԑ da bԑ Telluride Film Festival daar la n bԑ Senlυg nwadig la 2 2006, ka di’em kanԑ da lԑn dᴐl anԑ limited theatrical release n bԑ United States Samanpiid nwadig la 21 2006 nԑ wide release ya’as n bԑ United Kingdom bԑ yυυmpaal nwadigla 26, 2007. O'Toole's da mᴐ di’ema nwa ni nԑ hali ka ba ye onԑ mᴐ gaadi ba wυsa bԑ sini la ni ka tis o yᴐᴐd anii ka mԑ lԑn tis o yᴐᴐd dinԑ an gbaυg zamisυg bun, ka gaŋ o ye onԑ di’em-di’em sυŋ gaad banԑ kpԑlim wυsa ka gat o taaba la wυsa.

Sini la dol si'em

Maurice Russell anԑ onԑ an kpԑԑm n da bԑ di’ema nwa ni, on ka o zua Ian's grand-niece Jessie, o da bԑn’ԑd nԑ hali ieed tiim dinԑ an sunsunya wiim la. Maurices zua da pian’a grand-niece yԑla ye onԑ bᴐᴐd yԑla, amaa Maurice da baŋ ye Jessie kԑ ka o an wam saŋkanԑ ka o si’iŋi pian’ad nԑ o. O da mᴐri o keŋ National Gallery linԑ bԑ London ye o kԑŋ gᴐs dinԑ ka o nᴐŋ la, Rokeby Venus, mԑ anԑ dinԑ ka Spanish di’em-di’em Diego Velázquez mᴐri kena.

Jessie da mᴐr nyԑlυg ye o gᴐs (Maurice dinԑ ka o da dԑgim yidig ye "yodelling" la), ani ka Maurice yu’un ti’eb ye Jessie kena zamisi ba. Jessie n da zi’el zamisυg la, nԑ paintυg dinԑ da mᴐr o nyԑlυg la, Maurice gban’e ye o tis Jessie zak yυ’υr dinԑ an ye "Venus". Ani ka Maurice nԑ Jessie zuad la yu’un nᴐbig hali pamm sini la tυυma la ni. Maurice anԑ ayԑl-nyain sᴐb kati wa’ae on nԑ Jessie dᴐlim pυυgυn, amaa ka Jessie lԑԑ ԑԑnti kpԑlim an baanlaamm ka saŋa ni ka di nwԑn wυυ o pυ bᴐᴐdi siaknԑ, wυυ o ya’a babin o nu’us, nyuusidi o niŋᴐᴐr, ka di kas-kas anԑ o ya’a ti baŋ ye o lallig nԑ la. Sini la di’em-di’emnib la yinԑ nidib ayi nwa dᴐlim la pυυgυn na. Ya’a an Maurice, nԑ’ anԑ dinԑ an kpi’ilυŋ n tis o, ka o nyԑ ka si’el paagid nᴐŋilim vυ’υm, amaa ka o zigid ye o zab amaa ka paŋ bԑԑ sυŋυr kae. Ya’a an Jessie, o nyԑt ka mi’ Maurice n an si’em nԑ nyain. Sini la maalυg saŋa la, ti nyԑ ka o maan si’el wυsa ye o san’am o yυ’υr (ye mug on na niŋ si’em ka o da’ o ka paam o, ye maal o bibi’em ya’am digin nԑ biribiŋ la), onԑ gᴐsidi o la, O daa si’iŋi di’emid nԑ o amaa ka o zan’as ye o kυ digin nԑ o zua la. Sini la maalυg win, ka ti baŋ ye o ma nԑ o ansib zan’asi o nᴐzi’ela banԑ ka pian’ad saŋa wυsa la; nԑ’ gbin bigis ye o da yu’un nᴐki o mԑŋi li’el nԑ Maurice bᴐzugᴐ on da pυ maanԑ o nwԑn wυυ o buudi  la maanԑ o si’em laa.

Di’em-di’em zug wυsa anԑ Jessie n kenԑ la’as nԑ biribiŋ la. Nᴐŋilim dim nidib ayi bama da mug Maurice ye o kԑ ka ba keŋ ka di suŋ ka ba nyaŋi digin nԑ taaba. Pin’ilυgun la ka Maurice siak amaa ka lԑb nya’aŋi kena tᴐn’ ba bas. Ani ka Maurice tԑŋi o dansaar ye o nwԑ’ biribiŋ la, Jessie laali gban’am o ye o da pu’alim o, ka di kԑ ka o lԑbi lυ o nᴐba zug, n pu’alimi o mԑŋ. Jessie bas biribiŋ la, amaa ka nya’aŋ ka o lԑb na ye o kaae Maurice n gᴐs on an si’em. Saŋkanԑ ka o da paae na la, Maurice ye on kυ lԑm baŋ nimbanԑ pu’alim o laa, dina da niŋ Jessie pakir. Ka Maurice buol "Venus" ye o kɛna gur o. Jessie, sʋnf da san’am ya ka o si’ak ye o na gur Maurice. Saŋa da ti kena Maurice paam laafi la, o da nᴐk Jessie keŋ mu’arin bԑ Whitstable dinԑ bԑ Kent. Ban da zin’in kpi’e nԑ ku’om la, ka Maurice yԑl Jessie ye, "nannanna ti yu’un tun’e pian’a", ka kpi, dԑliim o. Kυυr la maalυg daar, Jessie si’el  Maurice's pu’akυdυg Valerie, onԑ ka Maurice nᴐŋilim da pυ tigid o la.

Di’em-di’emnib

•           Peter O'Toole onԑ an Maurice Russell

•           Leslie Phillips onԑ an Ian

•           Jodie Whittaker onԑ an Jessie

•           Bronson Webb onԑ an Jessie's Boyfriend

•           Richard Griffiths onԑ an Donald

•           Vanessa Redgrave onԑ an Valerie

•           Cathryn Bradshaw onԑ an Jillian

•           Harvey Virdi onԑ an Art School Teacher

•           Ashley Madekwe onԑ an Royal Court Actress

•           Kellie Shirley onԑ an Royal Court Actress

•           Ony Uhiara onԑ an Royal Court Actress

•           Andrea Riseborough onԑ an Period Film Lover

•           Tom Mison onԑ an Period Film Lover

•           Christine Bottomley as Hospital Nurse

•           Lolita Chakrabarti as Health Centre Nurse

•           Sam Spruell onԑ an Hospital Director

Sini maalig

Ba da pin’il sini maalig nɛ yʋʋm tusayi nɛ anu, sapal nwadig (November 2005), o bunia nɛ yʋʋm paal saŋa ka ba vʋ’ʋs. O'Toole da li ka o kpiilig an’e Boxing Day yʋʋm tusayi ne anu la ni (2005), ka lin da kɛ ka ba pʋ nyaŋi maal sinii nɛ yʋʋmpaal nwadig la ti gaad yʋʋm tusayi nɛ ayuobʋ ni (January 2006).

Nidib si’akir

Nidib da pian’a Venus yela sʋ’ʋŋa, ba da paam nɛ pisnii nɛ anii kɔbiga pʋʋgin (88%) bɛ Rotten Tomatoes, lin da anɛ nidib kɔbiga nɛ pisnu nɛ anaasi pʋtɛn’ɛr, ka li pa’al ye ba paam nɛ ayɔpɔi nɛ pʋdigir atan’ piiga pʋʋgin (7.3/10). Nidib la pian’ad da anɛ ye: "nidib na kɛŋ gɔs Peter O'Toole's Oscar-di’em sʋŋ, amaa ba mɛ na baŋ ninsaal bɛilim an si’em ka o ya’am paasid." Nidib da di’e sini di’ema la pisnii nɛ ayi, kɔbiga pʋʋgin bɛ Metacritic, ban da anɛ nidib pistan’ nɛ ayi pʋtɛn’ɛr. Ba da gaŋi li nɔɔr anu ye ba di’e ya’an piini bɛ British Independent Film Awards, ka mɛ paam Oscar, BAFTA, Screen Actors Guild, Broadcast Film Critics Association, nɛ Golden Globe ya’an piini dim ka ba gaŋ O'Toole ye o an Best Actor. Leslie Phillips mɛ da paam BAFTA gaŋir ye  di’e ya’an piini kanɛ buon Best Supporting Actor.

Ban da gaŋ O'Toole's Oscar ye o di’e ya’an piini la da paas nɛ nɔɔra abʋnii, ka li nɔk nɛ yʋʋma pisnaasi nɛ anu ka ba nyaan gaŋ o ye o di’e piin kanɛ buon Best Actor la. Yʋʋm tusayi nɛ ayɔpɔi, fulumfug nwadig, dabpisi nɛ anu daar (25 February 2007), bɛ 79th Academy Awards ni, onɛ buon Forest Whitaker (The Last King of Scotland), da gaad o tuoni di’e piini ka bas o, ka li da pa’al ye nɔɔra abʋnii la ka ba gaŋ o ye o di’e ya’an piini ka o pʋ paam. Nwa’ da an o kpi’iliŋ gaŋir ka ba da gaŋ o nɛ on da kɛna kpi yʋʋm tusayi nɛ piinɛ atan’ la ni (2013).

Sini yʋʋma

Yʋʋma banɛ paas sini nwa ni si’eba anɛ British yʋmyʋm Corinne Bailey Rae album la. Yʋʋma banɛ da paas da yinɛ David Arnold ni na. Slavonic Dance No. 2 linɛ bɛ E minor, ka yinɛ Czech tɛŋ yʋmyʋm Antonín Dvořák yʋʋma kanɛ paas ayi Slavonic Dances mɛ da paasi li pʋʋgin bɛdigʋ.

External links

• Venus at IMDb
• Venus at Rotten Tomatoes
• Venus at Box Office Mojo
• Venus at Metacritic
• Venus director talks of talent and O'Toole