Akanvariva Lydia Lamisi
| Sex or gender | pua  |
|---|---|
| Country of citizenship | Ghana |
| Du'am yuum | 7 Sawa'ar/Nwadispii nɛ yinne 1973 |
| Duam zin'ig | Tempane |
| Native language | Kusaal |
| Languages spoken, written or signed | English, Twi, Kusaal |
| Tuuma | politician, nurse, law student |
| Position held | Member of the 8th Parliament of the 4th Republic of Ghana |
| Educated at | Sandema Senior High/Tech school, Central University (Ghana), Mountcrest University College |
| Residence | Tempane |
| Work location | Tempane Constituency |
| Member of political party | National Democratic Congress (NDC) |
| Candidacy in election | 2020 Ghanaian general election, 2024 Ghanaian general election |
| Religion or worldview | Reformed Christianity |
| Hair color | black hair |
Lydia Akanvariba Lamisi anɛ Ghana laafi tʋmtʋm (awuriba), ka mɛ an onɛ nwɛꞌɛd pɔlitiks. Ba da duꞌa o nɛ Nasaa nwadig October dabsʋm ayɔpɔi, 1973 yʋʋmin. O paati anɛ National Democratic Congress bɛɛ NDC. Nannanna, o anɛ Tempaan sʋꞌʋlim MP Wada Maalʋg Yir dinɛ paas anii (8th Parliament) Ghana Republic anaasi la ni (4th Republic). O da pinꞌíli o pɔlitics nwɛꞌɛbnɛ Nasaa yʋʋm 2020 votʋk la ni ka di.
O duꞌam yɛla nɛ on da duoe siꞌem
[dɛmisim gbɛlima | dɛmisimi din yi zin'isiana]Ba da duꞌa Lydia Akanvariba nɛ Nasaa nwadig piiga, li daba ayɔpɔi 1973 yʋʋm la ni. Ba da duꞌa o nɛ Accra, linɛ bɛ an Greater Accra Region la.
O sakur baŋsim yɛla
[dɛmisim gbɛlima | dɛmisimi din yi zin'isiana]O da keŋ sakur nɛ Mount Crest University College Kanda- Accra karim wada yɛla ka diꞌe Bachelor of Laws (LLB) kaseta gbauŋ 2013 paae 2016, ka mɛ keŋ Central University College zamis laafi tʋʋm (awuriba) ka diꞌe Bachelor of Science (BSc) kasɛta gbauŋ.
O tʋʋma yɛla
[dɛmisim gbɛlima | dɛmisimi din yi zin'isiana]Gerimadaan Akanvariba anɛ puꞌa kanɛ nifʋ mui nɛ teŋ maalʋg yɛla; li kaskas anɛ saalib laafi nɛ ba bɛllim sʋŋ yɛla. O da pinꞌili o laafi tʋʋma nɛ Saboba Medical Centre N/R 1998 – 2000, Presbyterian Hospital Bawku UE/R 2000 paae 2009. O da tʋmnɛ yʋʋm piiga nɛ yinne laafi tʋʋma zinꞌigin. Li nyaꞌaŋ ka on nɛ osid Gerimadaan David Adakudugu onɛ digi o nuꞌug zug la pinꞌil Sengnaab Development Corporation (SDC) linɛ bɛ Achimota, Accra ka o an tʋʋma la kpɛɛm. Ba mɛ lɛn pinꞌil tʋʋm kaɛ ka ba buon ye Nɔɔryinne Commercials Limited ka mɛ aan li kpɛɛm.
O politiks yɛla
[dɛmisim gbɛlima | dɛmisimi din yi zin'isiana]O sid; Girima Daan David Adakudugu da di NDC primaries la ye o zinꞌin 2020 votʋk la ka Winaꞌam diꞌe o nyɔɔr. Ani ka madam Akanvariba pinꞌil pɔlitiks nwɛꞌɛm ka zinꞌin primaries la di pisyuobʋ nɛ awai vaar kɔbiga pʋʋgin (69%). On nɛ Lɔya Akpemka onɛ da ziꞌe tis NPP la da nyaꞌ naꞌam la ka o diꞌ ka lieb Tempaan sʋꞌʋlim wada maan (parliamentarian) wada maalʋg yir (parliament) kanɛ paas anii Ghana Republic anaasi la ni. Nidib tusa pisi nɛ kɔbiswai nɛ pistanꞌ nɛ awai (20,939) da vɔti tis o, ka li paꞌal ye kɔbiga pʋʋgin, o da nyɛnɛ vaar pisnu nɛ a yuobʋ(56.0%) ka nidib tusa pii nɛ ayuobʋ nɛ kɔbisnaasi nɛ pisyuobʋ nɛ ayiꞌ voti tis Joseph Dindiok Akpemka ka li paꞌal ye ɔbiga pʋʋgin, oda paamnɛ vaar pisnaasi nɛ anaasi (44.0). Ghana Wada Maalʋg yir la ni, o bɛnɛ Kɔmitiinam ayiꞌ ni: Labaya Kɔmitii (Communications) nɛ Suobanɛ na dɔliss sʋŋ nɔŋdaannam (Poverty reduction Strategy). O mɛ paas tʋʋm kanɛ an APNIG linɛ aan ti Gbauŋ Sabilʋg sʋꞌʋlim wada maannib laꞌasʋg (African Parliamentarian network on internet governance) nɛ IPPForB linɛ an tɛɛns kɔnꞌɔk-kɔnꞌɔb tʋʋma linɛ gɔsid ka labaya nɛ pianꞌabanɛ nar nɛ pʋꞌʋsim yɛla ken tuon ka sɔꞌ kʋ nyaŋɛ gʋꞌ baa.
O mɛŋ bɛllim yɛla
[dɛmisim gbɛlima | dɛmisimi din yi zin'isiana]Gerimadaan Lydia Akanvariba Lamisi sid da anɛ Gerimadaan David Adakudugu onɛ lɛn kae la. Ba mɔri biis anaasi; bipʋŋ yinne biribis atanꞌ. O anɛ onɛ nɔŋ gbana karʋŋ, nɛ kuꞌom lugib nɛ yʋʋma.