Anthony abayifaa karbo

Anthony Karbo

ninsaal

Sex or gender	Dau
Country of citizenship	Ghana
Yu'ur Kane ka ba tis o	Anthony
Zak yu'ur	Karbo
Du'am yuum	12 Mɔtul/Nwadisawai 1979
Duam zin'ig	Ghana
Languages spoken, written or signed	English
Tuuma	politician, quantity surveyor, architect
Position held	Member of the 7th Parliament of the 4th Republic of Ghana
Educated at	University of Birmingham
Member of political party	New Patriotic Party
Religion or worldview	Christianity
Copyright status as a creator	works protected by copyrights

Anthony Abayifaa Karbo: Ba da duꞌa o nɛ yʋʋm tusir nɛ kɔbʋswai nɛ pisyɔpɔi nɛ awai, nwadis anii la dapii nɛ ayi' daar (12 August, 1979) la, anɛ Ghana pɔlitiks nwɛnꞌɛd. O anɛ Lawra constituency linɛ bɛ upper west Region, Ghana la wadmaan, ka paas wadmaannib yikanɛ paas ayɔpɔi (7th) la, ka bɛnɛ nɛ New Patrotic Party la. O anɛ deputy minister for Roads and Highways, Ghana.

O pin'ilig yʋʋma

Karbo anɛ Dagaaba buudi la bɛ Lawra, upper west sʋꞌʋlim la nid. O teŋ duꞌadir anɛ Jekarayili an tempʋbili bɛ Tamale, Ghana Northern region sʋꞌʋlim tempʋtitaꞌar la ni. O anɛ naꞌabiig Abayifaa naꞌayin. Karbo zamis politiks nwɛ'ɛb tʋʋma ka anɛ biig. O saam, Abeifaa Karbo paas nimbanɛ da pinꞌil Northern People's Party la, ka yʋ'ʋn da ti naam Lawra-Nandom constituency yiiga wadmaan la. O da anɛ onɛ ka o kʋkɔr dʋt hali ti yiiga Ghana Zugraan, Dr Kwame Nkrumah saŋa la.

• 

O sakur yɛla

Karbo zamis nɛ University for Development Studies, ka yina nɛ bachelar's degree bɛ Integrated Development Studies yʋʋm tusa ayi' nɛ anu (2005) la ni. On da an sakur bil la, karbo da yi paalʋ nii an sakur bibis tuongat, ka da ti dʋʋ ti lieb Central Student Representative Council Zugraan, University for Development Studies, yʋʋm tusa ayi' nɛ anaasi (2004) la ni. Ka da dɛŋi an TESCON laꞌasʋg University for Development Studies, Navrongo la ni Zugraan. Karbo da lɛn tʋm nɛ National Union of Ghana Students nɛ University Students Association of Ghana. O tʋʋma laꞌasʋg bama ni da an sʋm hali kɛ ka ba da gaŋ o paas banɛ da gɔsidd NPP party la Upper West Region nyaꞌab yɛla, yʋʋm tusa ayi' nɛ anaasi (2004) vɔɔtʋg la ni. Yʋʋm tusa ayi' nɛ ayuobʋ (2006) la nii, o da yi nɛ Masters in Economic Policy and International Business, Uniersity of Birmingham la ni na. Yʋʋm tusa ayi' nɛ ayɔpɔi (2007) la nii, New Patrotic Party, Nana Akufo-Addo da an wabʋg party tuongat la, o da tʋm buol Karbo ye o kul Ghana na nwɛn' politiks. (politics)

O pɔlitiks yɛla

New Patrotic Party

Yʋʋm tusa ayi' nɛ anii (2008)) la nii, ba da gaŋ Karbo paas nimbanɛ da vɛɛnsid New Patrotic Party ghana wʋsa yɛla. Yʋʋm kan la nwadis piinɛ ayi' la nii, o da paam kpɛʋŋʋ an New Patrotic Party la naꞌanyaꞌad tuongat nyaꞌandɔl, Dr. Mahamudu Bawumia. Party la da lʋ yʋʋm tusa ayi' nɛ anii (2008) vɔɔtʋg la, Karbo da lɛb party la tʋʋma ni aan ba tuongattib yinne onɛ da gɔsid party la labaya lʋgʋr la yɛla. Yʋʋm tusa ayi' nɛ piiga (2010) la ni, ba da gaŋ o New Patrotic Party la dasam nɛ pu'asada kpɛɛm (National Youth Organiser), Ghana wʋsa ti paae yʋʋm tusa ayi' nɛ piinɛ ayi' (2012) la, ka da sig ye o nyaꞌ wabʋg naꞌadɔɔg la wadmaan Lawra constituency kanɛ ka ba da naam saŋ kan la, ka li dɔlis nɛ party la wada (party policy) On da kɔꞌɔŋ laa, Karbo da lɛb party la tʋʋma nii da aan ba labaya lʋgʋr la kpɛɛm la nyaꞌandɔl, nɛ onɛ da pianꞌadi tisid party presidential candidate tuongat la nyaꞌandɔl.

Wadmaan

Abayifaa Karbo da zi'en wabʋg party NPP la zugʋ di yaꞌannɛ ken Ghana wadmaannib yin la o yiiga ken la ni nɛ yʋʋm tusa ayi' nɛ piinɛ ayuobʋ (2016) la ni. O da lubnɛ Sampson Abu onɛ da an wadmaan saŋkan la nɛ Upper East Regional Minister Bede Ziedeng ka vɔɔtʋg nyaan paae. Bɛdigʋ da bi'esid o yaꞌan diib la nɛ, li da anɛ maꞌasim tiig (National Democratic Congress) NDC da zinꞌ kʋk kan la zug yʋʋma anii. On da digil nɔɔri an MP la dabisa biꞌela nyaꞌaŋa, kikɛʋng da giligid labaya tisidib ni ye ba na gaŋ o ka o an lʋgʋr kpɛɛm nyaꞌandɔl (Deputy Minister). O nyaꞌad nɛ yʋʋm tusa ayi' nɛ piisi (2020) Ghanaian General Election la ni, New Patrotic Party la zug.

Lʋgʋr kpɛɛm nya'andɔl

Yʋʋm tusa ayi' nɛ piinɛ ayɔpɔi nwadisa anaasi (April 2017) la ni, ba da gaŋ Karbo niŋ o Deputy Minister for Roads and Highways. Anina la, o da anɛ working committee on sinohydro deal kʋkraan.

O vʋm bɛllim

Karbo puꞌa anɛ Awenlue Kante-Karbo (Nee-Kante), ba mɔr biis atanꞌ. O anɛ Catholic Christabiig. O pʋꞌʋsid nɛ Lawra Parish Catholic Church ni. Karbo anɛ onɛ lɛn kuod ka nɔŋ on na laꞌan tʋm nɛ o teŋ dim kuobin o yaꞌa ɛɛnti paam sour. O nyɛt o mɛŋ ka o anɛ ba yinne ka naan o mɛŋ nɛ o teŋ nidib la. Nidib nyɛt o ka o bɛlim paꞌal ye o anɛ teŋimbiig amɛŋa, ka bɔɔd tadimnam maalʋg. Amaa ka lɛɛ pʋ zanꞌasid nɛ saam laꞌasʋg nɛ ba sʋŋʋrɛ. Karbo tʋmmɛ sʋŋid Africa tɛɛns banɛ laꞌam kpiisid nɛ taaba ka li sʋŋ Africa nidib la.

O siak ya nɛ baa ni'im ɔnbir

Yʋʋm tusa ayi' nɛ piinɛ ayɔpɔi (2017) la nii, labaya da gilig zin'is bɛdegʋ ye nidib bɛdegʋ ɔnbid baa ni'im hali (ban ye li tisidnɛ paŋ la) kɛ ka politiks nwɛ'ɛd Anthony Karbo yɛl ye ba zi'elim baa ni'im maalʋg zin'isi ti tudu tɛɛns atan' nwa ni, Ghana nwa.