Ashanti Region sʋ’ʋlʋm

Ashanti Region sʋ’ʋlʋm teŋ kanԑ bԑ Ghana ya-dagↄbʋg ka sʋ’ʋlʋm kanԑ zu’oe ti’el atan’ n yi ti Ghana sʋ’ʋlʋm nam piina ayuobʋ la ni, ba tam la sʋ’ʋlʋm kanl gil na an wʋʋ 24,389 km2 (9,417 sq mi) bԑԑ10.2 kↄbiga pʋʋgin n yi ti Ghana tam wʋsa pʋʋgin. Ya’a an ba nidib zimisim, ba sʋ’ʋlʋm la nidibi zu’oe hali bԑdigʋ, ba nidib kanl na an wʋʋ 4,780,380 Ghana da maal ya kaanlʋg yʋʋma 2011 la ni la ka kↄbiga pʋʋgin li an wʋʋ 19.4% n yi Ghana nidib wʋsa pʋʋgin. Li anԑ Ashanti Region sʋ’ʋlʋm ka salima nԑ kↄↄkↄ tʋʋma bԑ hali pamm n gat zi’is la wʋsa Ghana kpԑla. Li anԑ tempʋʋg tita’ar Ghana kpԑla ka li tempʋtita’ar anԑ Kumasi.

Zi’ig la bԑllim nԑ li zimisim

Ashanti Region sʋ’ʋlʋm bԑ Ghana tensʋg. Li wa’alim na an wʋʋ 0.15W nԑ 2.25W ala ka li ya-tuon wa’alim an 5.50N nԑ 7.46N. Sʋ’ʋlʋm la mↄr nindaas banԑ kpa’a sʋ’ʋlʋm nam ayuobʋ banԑ paas ti Ghana sʋ’ʋlʋm nam ayuobʋ la ni, linԑ an Bono, Bono East, Ahafo Regions linԑ bԑ ya-datiʋŋ la, Eastern region linԑ bԑ ya-nya’aŋ la,  Central region linԑ bԑ ya-dakↄbʋg la nԑ  Western region linԑ South ya-tuon la. Zi’ig la pʋdignԑ sʋ’ʋlʋm nam bam piisi nԑ ayↄpↄi (27), ba wʋsa mↄri ba D.C nam.