Bryan Acheampong

Bryan Acheampong

ninsaal

Sex or gender	Dau
Country of citizenship	Ghana
Yu'ur Kane ka ba tis o	Bryan
Zak yu'ur	Acheampong
Du'am yuum	27 Sapal/Nwadispii nɛ ayi 1972
Duam zin'ig	Ghana
Languages spoken, written or signed	English
Tuuma	politician, consultant
Position held	Member of the 7th Parliament of the 4th Republic of Ghana, Member of the 8th Parliament of the 4th Republic of Ghana
Educated at	Johnson & Wales University, Providence, University of Ghana
Member of political party	New Patriotic Party
Religion or worldview	Christianity

Bryan Acheampong anɛ Ghana pɔlitis nwɛꞌɛd, ba da duꞌanɛ Buniya nyaꞌaŋ nwaris piinɛ yinne la ni li dabisim piisi nɛ ayɔpɔi yυυm tusir nɛ kɔbiswai nɛ piisyopɔi ne ayi la ni O anɛ wadmaan n tis Abetifi  linɛ bɛ Gaana  Eastern Region sυꞌυlυm la. O anɛ Wabυg Naꞌadɔɔg la nid. Peter Wiafe Pepera da bɛ kυk la zug ka kpi la onɛ da diꞌe o. Onɛ da an ti Ghana pυlis Minista lin da yi Buniya nyaꞌa nwaris ayi yυυma tusa yiꞌ nɛ piina wai n ti paae yυυma tusa yiꞌ nɛ piisi la ni. Yυυma tusa yiꞌ nɛ piina yuobu la ni ka o da daꞌ Okwawu United F.C la.

O vυm pinꞌilυg nɛ o sakur yɛla

Ba da duꞌanɛ Buniya nyaꞌaŋ nwaris piinɛ yinne la ni li dabisim piisi nɛ ayɔpɔi yυυm tusir nɛ kɔbiswai nɛ piisyopɔi ne ayi la ni n bɛ Suhum linɛ bɛ Gaana Eastern region sυꞌυlυm la. . Bryan yinɛ  Nkwatia linɛ bɛ Gaana Kwahu East sυꞌυlυm la.  O siꞌiŋi o sakυri bɛ Achimota Primary sakur la ni ka tɔlis Presbyterian Boys Secondary Sakur linɛ bɛ Legon la. O da lɛn tɔlisi keŋ Johnson and Wales University (USA) la naae ka diꞌe kasɛta gbaυŋ linɛ an ye MBA Business Administration la. Ka lin nyaꞌaŋ ka o tɔlisi maal o PhD N bɛ University of Ghana sakur la ni naae ka diꞌe kasɛta gbaυŋ linɛ an Information Systems la. O da lɛn tɔlis Massachusetts Institute of Technolog.  O lɛn mɔr HP n yi HP University.

O tυυma

O da tυmnɛ bɛ US Air Force lin yi tusa yiꞌ nɛ anaasi la ni n ti paae yυυma tusa yiꞌ nɛ ayuobu la ni. Onɛ da an langima nam la Minista.  O anɛ Consultant. Onɛ da an CEO INTU-Group Ankara sυꞌυlυm. Nannanna onɛ an lagima nam Minsta la kpɛɛm nyaꞌandɔl.

O pɔlitiks bɛllim

O anɛ Wabυg Naꞌadɔɔg nid. O anɛ wadmaan n tis Abetifi linɛ bɛ Gaana Eastern region sυꞌυlυm la.

2016 vɔt la yɛla

Yυυma tusa yiꞌ nɛ piina yuobu vɔt la ni ka ba da vɔt ka Abetifi wadmaanib kυk la, o da paam vɔt bam 23,432 kɔbiga pυυginɛ o da mɔri 74.61%  vɔt ka o tiraan onɛ da an Maꞌasim Tiig Naꞌadɔɔg la zug Tabi Emmanuel da mɔri 7,975 kɔbiga pυυginɛ o da mɔri  25.39%.

2020 vɔt la yɛla

Yυυma tusa yiꞌ nɛ piisi la ni yaꞌas ka ba vɔt ka o di Abetifi sυꞌυlυm wadmaanib kυk la o da mɔr vɔt bam 25,035 kɔbiga pυυginɛ o mɔri 72.42% ka Maꞌasim Tiig nid Samuel Asamoah da mɔri 9,536  kɔbiga pυυginɛ o mɔri 27.58% vɔt.

Kpɛɛm banɛ ni ka o paas

Onɛ an kpɛɛm banɛ gɔsid Foreign Affairs kυk daan, ka lɛn kpɛɛm banɛ gɔsid Defense and Interior la ni. O mɛ paas kpɛɛm banɛ gɔsid ka ba gaansid nidib tisidi ba tυυma la ni.

On da an Minista la

Nannanna onɛ Minista kanɛ gɔsid ti Gaana diib nɛ kuob nɛ Gυꞌυl yɛla la. Atilata daar, nwadis ayi la li daba yɔpɔi yυυma tusa yiꞌ nɛ piisi nɛ atanꞌ la ni, ka ti Gaana wadmaanib yir kpɛɛm onɛ an pianꞌadiꞌes la Alban Sumana Bagbin da yinɛ bas suor ye o an Minista la O da diꞌe kpiꞌeuŋ nwanɛ yi Dr. Owusu Afriyie Akoto onɛ da an Minista lin da 2017 ti paae 2023 la ni. Dr. Owusu Afriyie Akoto bas tυυm kanna ka yυꞌυn duoe ziꞌen ye o ziꞌen Wabυg Naꞌadɔɔg la zugu nyaꞌa ti Gaana Gɔmina naꞌam vɔt kanɛ kenna la. Ba da gaŋ o ka siaki tis ye o an Minista kanɛ gɔsid Gaana sυꞌυlυm wυsa, n bɛ Gɔmina tυυma dɔɔgin nwadis anaasi la li daba anaasi, yυυma tusa yiꞌ nɛ pii nɛ ayɔpɔi la ni.

O vυm bɛllim

O mɔr puꞌa. O anɛ Kristo biig, o anɛ Presbyterian dim karim biig.

Tυυma suma banɛ ka o tυm

Buniya nyaꞌaŋ nwaris ayɔpɔi la yυυma tusa yiꞌ nɛ piina wai la ni o da nɔk generator nam bam 150kv n tis Presbyterian College of Education (ABETICO)  n bɛ Abetifi linɛ bɛ Eastern Region sυꞌυlυm la.

Buniya nyaꞌaŋ nwaris anii la yυυma tusa yiꞌ nɛ piina wai la ni Bryan da dɔlis o tυυma linɛ da buon ye Bryan Acheampong Foundation n tis Presbyterian University College ligidi linɛ an wυυ GH¢250,000 [19].

Buniya nyaꞌaŋ nwaris anaasi la yυυma tusa yiꞌ nɛ piisi la ni ka o da lɛn tis Afram Plains North, Afram Plains South, Abirem, Mpraeso, Nkawkaw, Abetifi nɛ Suhum ligidi linɛ da an ¢820,000 la.

In February 2021, he supported in the construction of over 100 boreholes in Abetifi, Pampaso, Abetifi Christian Quarters, Nkwatia, Kwahu-Tafo, Bokuruwa, Nteso, Ankomah, Akwasiho, Dwerebease and Suminakese.

Buniya nyaꞌaŋ nwaris ayɔpɔi la yυυma tusa yiꞌ nɛ piisi nɛ yinne la ni ka o da tɔd kpaarib laꞌad, o da tis ligidi linɛ an ¢500,000 ka o nɔki tis kpaarib wɔɔ bam 6,000 n bɛ Kwahu East sυꞌυlυm la ni ye ba diꞌe sυŋɛ ba pɔɔdin tυυma.

Buniya nyaꞌaŋ nwarig yinne la yυυma tusa yiꞌ nɛ piisi nɛ ayi la ni ka o da tɔd Suzuki Swift SRS n tis puꞌaduꞌas nam banɛ bɛ Abetifi sυꞌυlυm la.

Buniya nyaꞌaŋ nwaris anii la yυυma tusa yiꞌ nɛ piisi nɛ ayi la ni, ka o da tɔd ¢170,000, 42 n tis tɛɛla nsiindib lυgυr la ka mɛ tis banɛ maan zut la hair dryers bam 26.

Piini  banɛ ka ba tis o

Buniya nyaꞌaŋ nwaris anaasi la yυυma tusa yiꞌ nɛ piisi la ni Kasapreko Company Limited dim da duꞌos o yυꞌυr hali ye o mɔya nɛ sυŋυ kanɛ ka o sυŋ n kati waꞌae COVID-19 baꞌas la yɛla la.

Buniya nyaꞌaŋ nwaris anii la yυυma tusa yiꞌ nɛ piisi nɛ yinne la ni ka Gaana paꞌan-paꞌanib lυgυr la duꞌos o yυꞌυr hali ye o mɔya nɛ on sυŋid Kwahu East suꞌυlυm sakur bibis nɛ ligidi ka ba ken sakur la.