Desmond De-Graft Paitoo

Desmond De-Graft Paitoo

ninsaal

Sex or gender	Dau
Country of citizenship	Ghana
Name in native language	Desmond De-Graft Paitoo
Yu'ur Kane ka ba tis o	Desmond
Zak yu'ur	Paitoo
Du'am yuum	21 Mɔtul/Nwadisawai 1969
Duam zin'ig	Gomoa East District
Languages spoken, written or signed	English, Fante
Tuuma	politician, freight handler
Position held	Member of the 8th Parliament of the 4th Republic of Ghana
Educated at	City and Guilds of London Institute
Work location	Gomoa East District
Member of political party	National Democratic Congress (NDC)
Candidacy in election	2020 Ghanaian general election
Religion or worldview	Christianity

Desmond De-Graft Paitoo anɛ Gaana pɔlitiks nwɛꞌɛd, ba da duꞌanɛ nwaris anii la yυυm tusir nɛ kɔbiswai nɛ piisyuobυ nɛ awai li dabisim piisi nɛ yinne la ni. O anɛ wadmaan n tis Gomoa East sυꞌυlυm la.

O vυm pinꞌilυg nɛ sakυr yɛla

Ba da duꞌa Desmond De-Graft nɛ nwaris anii la yυυm tusir nɛ kɔbiswai nɛ piisyuobυ nɛ awai li dabisim piisi nɛ yinne la ni, o yinɛ Gomoa Dasum linɛ bɛ Gaana Central Region sυꞌυlυm la. Desmond De-Graft da naae o MSLC yυυm tusir nɛ kɔbiswai nɛ piisnii nɛ ayɔpɔi la ni, ka lɛn naae linɛ an Mechanical Engineering yυυm tusir nɛ kɔbiswai nɛ piiswai nɛ yinne la ni ka maal o Digirɛɛ linɛ an Supply Chain Management (Procurement) yυυma tusa yiꞌ nɛ piina nii la ni.

Tυυma

Desmond De-Graft anɛ Chief Executive Officer (CEO) n tis Desreen Shipping and Logistics tυυma. O anɛ freight forwarder.

O vυm bɛllim

Desmond De-Graft anɛ Maꞌasim Tiig Naꞌadɔɔg nid. Ban da maal vɔt Maꞌasim Tiig Naꞌadɔɔg la ni ye ba gaŋ sɔꞌ ka o ziꞌen naꞌadɔɔg la nɔba zug nyaꞌa Gomoa East linɛ bɛ Gaana Central Region sυꞌυlυm kυk la ka ba vɔt ka o di.

Yυυma tusa yiꞌ nɛ piina yuobυ vɔt la yɛla

Yυυma tusa yiꞌ nɛ piina yuobυ vɔt kanɛ ka Gaana dim da maal la, ka ba vɔt Wabυg Naꞌadɔɔg nid Kojo Asemanyi di Gomoa East  kυk la ka bas. O da paamnɛ vɔt bam 15,010 kɔbiga pυυginɛ o da mɔri 42.5% n yi vɔt la wυsa pυυgin ala ka Wabυg nid la Kojo mɛ da 17,654 kɔbiga pυυginɛ o da mɔri 50.0% n yi vɔt la wυsa pυυgin, onɛ mɛ da ziꞌen o mɛŋ nyari Marcus Yaw Danso mɛ da paamnɛ 1,604 kɔbiga pυυginɛ o da mɔri 4.5% vɔt la wυsa pυυgin, Eunice Assuman onɛ mɛ da an PPP nid mɛ da paamnɛ vɔt 920 kɔbiga pυυginɛ o da mɔri 2.6% n yi vɔt la wυsa pυυginɛ ka Godfred Kumedzro Cudjo onɛ an CPP nid la mɛ da mɔri 105 kɔbiga pυυginɛ o da mɔri 0.3%  n yi vɔt la wυsa pυυgint.

Yυυma tusa yiꞌ nɛ piisi la vɔt la yɛla

Yυυma tusa yiꞌ nɛ piisi la ni ka ba da vɔt ka Desmond De-Graft da ziꞌen Maꞌasim Tiig Naꞌadɔɔg la nɔba zug nyaꞌa di Gomoa East sυꞌυlυm wadmaanib kυk la, o da paamnɛ vɔt bam 36,637 kɔbiga pυυginɛ o da mɔri 49.46% n yi vɔt la kanl wυsa ni n keŋi paas ti wadmaanib yir linɛ paas anii la ti Gaana Republic linɛ paas anaasi la onɛ Wabυg nid  Kojo Asemanyi la ziꞌen ka o di ka bas o, Wabυg nid la da mɔri vɔt bam 135,873 kɔbiga pυυginɛ o da mɔri 48.42% n yi vɔt la kanl wυsa ni, Samuel Kofi Essel onɛ da an  GUM nid la mɛ da paam vɔt bam 1,397 kɔbiga pυυginɛ o da paamnɛ 1.89% n yi vɔt la wυsa pυυgin ka Emmanuel Otchere onɛ an UPP nid la mɛ da mɔri vɔt bam 173 kɔbiga pυυginɛ o da mɔri 0.23% vɔt la wυsa pυυgin.

Kpɛɛm banɛ ni ka o paas

Desmond De-Graft paas kpɛɛm banɛ gɔsidi ti Gaana ya yɛla la ni. O mɛ lɛn paas kpɛɛm banɛ gɔsidi ti diib nam, kuob nam nɛ Kooko nam yɛla la ni n bɛ wadmaanib yir linɛ paas anii la Gaana Republic linɛ paas anaasi la.

O mɛŋ bɛllim

Desmond De-Graft anɛ Kristo biig.

On tυm siꞌel

Yυυma tusa yiꞌ nɛ piisi nɛ ayiꞌ la Buniya nyaꞌaŋ nwarig yinne la ni, ka o yina pianꞌa ye o na kɛ ka ba mɛꞌ sibiti dɔt, kυkus nɛ laꞌadnam bɛdigυ n bɛ Dampase linɛ bɛ Central Region sυꞌυlυm la.