Edward Nasigrie Mahama

Edward Nasigrie Mahama

ninsaal

Sex or gender	Dau
Country of citizenship	Ghana
Yu'ur Kane ka ba tis o	Edward
Du'am yuum	15 Vaala/Nwadisanu 1945
Duam zin'ig	Sumniboma
Languages spoken, written or signed	English
Tuuma	politician
Employer	University of Ghana
Educated at	University of Ghana
Member of political party	Akubɛ Na'adɔɔg
Candidacy in election	2016 Ghanaian presidential election

Edward Nasigrie Mahama duꞌam dabisir anɛ yʋʋm tusir, kɔbʋs wai nɛ pisnaasi nɛ anu la nwadis anaasi, dabisa piiga nɛ anu la ni (born 15 April 1945) o anɛ dʋaꞌata ka lɛn an pɔlitis naꞌanyaꞌad.

On pinꞌinl siꞌem nɛ o sakur yɛla

Ba da duꞌaꞌ o nɛ tɛŋkpɛŋ kanɛ an Sumniboma (northern Gh. Saŋakan la, o da lɛn anɛ onɛ paꞌan ziim dɔɔgin paalig bɛ Northwestern University. Yʋʋm tusir, kɔbʋs wai nɛ piswai la (1990), ba da gaŋ Mahama ye o an paꞌan-paꞌan bɛ University of Ghana Medical School dʋaꞌatanam sakurin la, ka lɛn an onana), yʋʋm tusir, kɔbʋs wai nɛ pisnaasi nɛ anu la (1945). Mahama da kɛŋ sakur nɛ Nalerigu Primary and Middle School lin yi yʋʋm tusir, kɔbʋs wai nɛ pisnu nɛ atanꞌ la, kɛŋ paae yʋʋm tusir, kɔbʋs wai nɛ pisnu nɛ awai la ni (1953 to 1959).    O da tɔlis nɛ kɛŋ kpɛɛmnam sakur kanɛ an Secondary School bɛ Tamale sʋꞌʋlim, lin yi yʋʋm tusir, kɔbʋs wai nɛ pisyuobu nɛ yinne, paae yʋʋm tusir, kɔbʋs wai nɛ pisyuobu nɛ yinne (1961 to 1965). Yʋʋm kan pʋʋgin ka o da tɔlisi kɛŋ University of Ghana bɛ Legon la ka naae sakur kan yʋʋm tusir, kɔbʋs wai nɛ pisyɔpɔi nɛ ayiꞌ la (1972) nɛ kasɛta gbaʋŋ kanɛ paꞌal ye o anɛ duaꞌata.

Tiim

Mahama da lɛb Nalerigu yʋn an duaꞌata nɛ yʋʋm tusir, kɔbʋs wai nɛ pisyɔpɔi nɛ atanꞌ la, nwadis awai la ni (September 1973), ka li yʋʋma anaasi nyaꞌaŋ ka o bas Ghana ka kɛŋ  naꞌasaatɛŋ kanɛ buon Chicago, Illinois tʋm tʋʋm kanɛ an pʋꞌadʋas bɛɛ biisdʋꞌam yɛla (Obstetrics and Gynecology) ka banɛ bɛnꞌɛd wɛnꞌɛdʋ suora ka ba buon ye consultant bɛ Accra's Korle Bu Teaching Hospital. Ba da gaŋʋ ye o paas banɛ an yaꞌtuona ninsabilis teŋ banɛ gɔsid pʋꞌadʋꞌasʋg yɛla (West African College of Surgeons) yʋʋm tusir, kɔbʋs wai nɛ piswai nɛ anaasi la (1994).

Pɔlitis

Yʋʋm tusir, kɔbʋs wai nɛ piswai nɛ ayuobu la (1996), on da ziꞌen nyaꞌa Ghana zugraan naꞌam, ziꞌenɛ naꞌadɔɔg kanɛ an People's National Convention (PNC) la, nidib biela da tɔnꞌɔ tis o, ka ba da anɛ atanꞌ yit kɔbʋga pʋʋgin (3.0%) banɛ da tɔnꞌɔ la wʋsa. Abuyiꞌ daan ka o da nyaꞌa naꞌam la da anɛ yʋʋm tusayiꞌ la ni (2000), saŋkan ka o da paam nidib ayiꞌ nɛ pʋdigir anu kɔbʋga pʋʋgin (2.5%) banɛ da tɔnꞌɔ la wʋsa.

Banɛ da tiebid ye ba nyaꞌa naꞌam yʋʋm tusa ayiꞌ nɛ anaasi la (2004 presidential election), naꞌadɔɔg  PNC nɛ ba taaba ayiꞌ banɛ an – Every Ghanaian Living Everywhere (EGLE) nɛ Great Consolidated Popular Party (GCPP) – da laꞌas taaba ka buoli ba mɛŋ ye Grand Coalition ka gaŋ Mahama ye o gaadi ba tuoni an kʋgdaan tisi ba naꞌadɔɔg la. Naꞌadɔɔd anaasi da nyaꞌa naꞌam la, ka o da paas ne atanꞌ kati waae yaꞌan diib pʋʋgin. Li da an wʋʋ nid yinne nɛ pʋdigir awai kɔbʋga pʋʋgin (1.9%), da tɔnꞌ tis o, banɛ da vote la wʋsa.

Mahama da lɛn paam gaŋir ye o gaad naꞌadɔɔg kanɛ buon PNC la tuoni nyaꞌa naꞌam yʋʋm tʋsa ayiꞌ nɛ anii, nwadis piiga nɛ ayiꞌ la dabisa ayɔpɔi daꞌar vɔɔtʋg la (December 7, 2008 presidential elections).

Edward Mahama da kɔꞌɔŋ yaꞌan nɛ on nan an ba naꞌadɔɔg PNC kugdaan tis nɛ Hassan Ayariga yʋʋm tusa ayiꞌ nɛ piiga nɛ ayiꞌ naꞌam nyaꞌab yʋʋŋ la (2012 general election). Nɛ wala o da lɛn diꞌ yaꞌani yii Ayariga nuusin, da an ba kugdaani nyaꞌa yʋʋm tusa ayiꞌ nɛ piiga nɛ ayuobʋ naꞌam nyaꞌab saŋa la (2016 election). Ayariga da kɔꞌɔŋ la o da bas PNC kɛŋ pinꞌil o mɛŋ naꞌadɔɔg kanɛ buon All People's Congress (APC) la.

Nannanna Edward Mahama anɛ kpɛɛm kanɛ ka gɔmina gaŋ yɛ o gɔs Ghana nɛ tɛŋ zʋmis belim sʋŋ yɛla (Ghana's Ambassador-at-Large).

Yir yɛla

Mahama mɔr pʋꞌa nɛ biisa anaasi.