Geoffrey Kini

Geoffrey Kini

ninsaal

Sex or gender	Dau
Country of citizenship	Ghana
Yu'ur Kane ka ba tis o	Geoffrey
Zak yu'ur	Kini
Du'am yuum	9 Dɔnwalig/Nwadisanaasi 1971
Languages spoken, written or signed	English
Tuuma	politician, businessperson
Position held	Member of the 7th Parliament of the 4th Republic of Ghana, Member of the 8th Parliament of the 4th Republic of Ghana
Educated at	Evangelical Presbyterian University College
Member of political party	National Democratic Congress (NDC)
Religion or worldview	Christianity

Geoffrey Kini (duꞌanɛ Alamisi daar 1 yʋʋmpaal nwadig 1970) anɛ Ghana pɔlitis nwɛꞌɛd ka an Wadmaani paas Wadmaanb yikanɛ paasi anii Ghana Republic kanɛ paasi anaasi la ni tis Nkwanta South Constituency sʋꞌʋlim bɛ Oti Region Ghana la. O anɛ maꞌasim tiig Naꞌadɔɔg la nid.

On siꞌiŋ siꞌem nɛ o sakur yɛla

Ba da duꞌa Geoffrey Kini nɛ Bakpa New Town bɛ Oti Region, Ghana. Geoffrey Kini da maali o Middle School Leaving Certificate (MSLC) nɛ yʋʋm tusir nɛ kɔbiswai nɛ pisnii nɛ anu la ni (1985), ka maali o 2nd Division yʋʋm tusir nɛ kɔbiswai nɛ piswai nɛ yinne (1991) ka maali o Bachelor's degree in Human resource management (2nd Class Upper) yʋʋm tusa ayi' nɛ pii nɛ ayɔpɔi la ni (2017). O da lɛn naae Conflict Peace and Security yʋʋm tusa ayi' nɛ pisi la ni (2020).

Tʋʋma

Geoffrey Kini anɛ chief executive officer (CEO) tis Kini Geoffrey. O da anɛ managing director tis FairCom (A Database Technology Company) yʋʋm tusir nɛ kɔbiswai nɛ piswai nɛ anaasi (1994) ti paae yʋʋm tusa ayi' nɛ pii nɛ ayuobʋ (2016). Nannanna o anɛ Wadmaani tis Nkwanta South Constituency bɛ Oti Region sʋꞌʋlim, Ghana la dim. O anɛ Maꞌasim tiig Naꞌadɔɔg nid.

Pɔlitis nwɛ'ɛb yɛla

Geoffrey Kini da nyaꞌ yʋʋm tusa ayi' nɛ pii nɛ ayuobʋ la ni (2016), Maꞌasim tiig Naꞌadɔɔg NDC gaansʋg la ni ka o da di Nkwanta South Constituency bɛ Oti Region, Ghana la. Geoffrey Kini da keŋ tuoni nyaꞌ ka di Wadmaan kʋk la o sʋꞌʋlim la, (Nkwanta South Constituency) bɛ Oti Region, Ghana yʋʋm tusa ayi' nɛ pii nɛ ayuobʋ Ghana wʋsa vɔɔtʋg la ni ka da dii keŋ Wadmaan yikanɛ paasa ayɔpɔi la ni. O di nɛ vɔɔt kal tʋsa pisi nɛ ayi' nɛ kɔbisyuobʋ nɛ piswai nɛ yinne (21,691) ka li an pisnu nɛ awai duꞌali atan' kɔbʋg pʋʋgin (59.3%) ka Edusei Cephas Kujo onɛ an Wabʋg Naꞌadɔɔg nid la paam vɔɔt kal tusa anii nɛ kɔbiswai nɛ atan' (8,903) ka li an pisi nɛ anaasi duꞌali anaasi kɔbʋg pʋʋgin (24.4%), Njonam Wisdom Wagy onɛ zi'e o mɛŋ nyadi la mɛ mɔr vɔɔt kal kɔbisyuobʋ nɛ pisyɔpɔi (670) ka li an pii nɛ anu duꞌal anu kɔbʋg pʋʋgin (15.5%) nɛ Nyame Maxwell onɛ an Anɔraʋg na'adɔɔg (CPP) nid la paam kɔbisyiꞌ nɛ piswai nɛ ayɔpɔi (297) ka li an nɛɛm duꞌali anii (0.8%).

Geoffrey Kini da lɛn nyaꞌ ka di yʋʋm tusa ayi' nɛ pisi (2020) Maꞌasim tiig Naꞌadɔɔg, NDC Wadmaanib vɔɔtʋg la Nkwanta South Constituency bɛ Oti Region, Ghana la sʋꞌʋlim. O da paam vɔɔt kɔbisnii nɛ piswai nɛ yinne (891) ka bas Richard Manuribe onɛ da paam vɔɔt kɔbiga nɛ pisnii nɛ awai (189). Geoffrey Kini da keŋ tuoni di yʋʋm tusa ayi nɛ pisi (2020) vɔɔtʋg la nɛ vɔɔt tusa ayi nɛ, kɔbiga nɛ pisnii nɛ awai (29,189) dinɛ an pisnu nɛ ayɔpɔi duꞌali ayɔpɔi kɔbiga pʋʋgin (57.7%) ka Sherifa Sekyere-Tijani onɛ an Wabʋg Naꞌadɔɔg, New Patriotic Party nid la paam vɔɔt tusa ayi, kɔbisyiꞌ nɛ pisyɔpɔi nɛ ayi (20,272) dinɛ an pisnaasi duꞌal yinne kɔbiga pʋʋgin (40.1%) ka Ograh Felix William onɛ bɛ Progressive People's Party(PPP) mɛ paam vɔɔt tusir yinne, kɔbiga nɛ pisi nɛ ayɔpɔi (1,127) dinɛ an ayiꞌ duꞌali ayi kɔbiga pʋʋgin (2.2%).

Laꞌasbanɛ ni ka o tʋm

Geoffrey Kini paas laꞌaskanɛ gɔsid Wadmaanib yir suoya dɔlisʋg (Standing Orders Committee). O lɛn paas laꞌaskanɛ gɔsid pianꞌad yɛla (Communications Committee) Wadmaanib yikanɛ paasi anii la ni.

Mɛŋ bɛllim yɛla

Geoffrey Kini anɛ Kristo biig.

Tʋʋmsʋma sʋŋir yɛla

Geoffrey Kini da tis Breweniase Sibiti bil la samɛt bɔtʋ kɔbiga ye ba nɔki mɛ ziim dɔɔgʋ tis sibiti la.

Geoffrey Kini da tis Bonakye bɛ Nkwanta South Constituency la dim samɛt bɔtʋ kɔbiga ye ba nɔki mɛ dɔɔdi paas sibiti la Bonakye Naꞌanb nɛ nidib la da bɛlim o ye o mɛɛ tisi ba ka di sʋŋ ka nidib da ɛɛnti duoe keŋi Nkwanta ka naan paam tiꞌebʋg la.

Geoffrey Kini da lɛn nɔk punpun nami tis St. Joseph Catholic Hospital nɛd Municipal Hospital banɛ bɛ o sʋꞌʋlim (Nkwanta South Constituency) n bɛ Oti Region, Ghana la. Bɔzugɔ, ba da pʋ mɔr dinɛ na sʋŋi ba ka ba nyaŋi tieb banɛ gbirigi bɛnꞌɛd ka lɛn sʋŋ nimmaꞌasim tʋntʋnnib ka ba nyaŋi ken ka daʋŋ kae Covid-19 saŋa la. Geoffrey Kini da lɛn tis Sibiti la ligidi nwɛꞌnɛ Gaana sidi tusa piiga (GHc10,000) ye ba daꞌ laꞌad, Personal Protective Equipment (PPEs) guꞌu ba mɛŋ. Geoffrey Kini da lɛn keŋ tuoni tisi tiim ye ba puuus (gallons of disinfectants), kpakanɛ sɔɔnd nuꞌus (hand sanitizers), kiꞌibʋ kuꞌomnam (liquid soaps) nɛ laꞌasieba (other items).