Gertrude Atongi
| Sex or gender | female  |
|---|---|
| Country of citizenship | United States of America, Ghana |
| Date of birth | 1980 |
| Place of birth | Pusiga |
| Occupation | nurse, social worker, humanitarian |
Gertrude Teni Atongi anɛ Ghana-American laafi lʋgir Gbaʋŋmi'id nɛ Ninsaalib yɛla nid tis laafi lʋgʋr ka o pɛsigir ʋk bɛlim nam gbaʋŋzamisʋg.
Pin'ilʋg nɛ Gbaʋŋzamisʋg
[dɛmisim gbɛlima | dɛmisimi din yi zin'isiana]Gertrude Teni Atongi anɛ Anthony Atongi kanɛ dig teŋin la pu'ayua. Ba da'u o nɛ yʋʋm tusir, kɔbiga nɛ pisnii (1980) la ni Yendi teŋin ka ba gʋn'ʋl o Pusiga sʋ'ʋlim.
O yitnɛ Ghana Ya-tuona ka lɛɛ zin'i Na'asar-Teŋ ka ba buon ye America la.
O pin'ili o gbaʋŋzamisʋg nɛ Pusiga Practice No.2 pin'ilʋk sakurin la. Yʋʋm tusir, kɔbiswai nɛ piswai na atan' (1993) ti paae yʋʋm tusir, kɔbiswai nɛ piswai na anu (1995), o da keŋnɛ Bawku Presbyterian Junior High Sakurin la, ka tɔlisi keŋ Bawku Secondary Sakurin la lin yi yʋʋm tusir, kɔbiswai nɛ piswai na ayuobo (1996) ti paae yʋʋm tusir, kɔbiswai nɛ piswai na anii (1998) la ni.
Yʋʋm tusir, kɔbiswai nɛ piswai na anii (1998) la ni, on nɛ o yir dim da keŋ United State of America, Na'asar-teŋ la. Ani ka o keŋ kpe' Jamaica High Sakurin n bɛ Hillside, Queens, New York la.
Zaŋi keŋɛ o gbaʋŋ mi'ilim la zugɔɔ, o sa'al-sa'al la da yɛl o ye o nɔkim High Sakur akarimgaad taaba linɛ an General Education Development (G.E.D) la. Gertrude da paam High sakur la Diploma kasɛta gbaʋŋ yʋʋm tusa ayi nɛ yinne (2001) la ni, paamid gbaʋŋzamisʋg piini bɛdegʋ.
Gbaʋŋzamisʋg Tʋʋma.
[dɛmisim gbɛlima | dɛmisimi din yi zin'isiana]Laafi Gbaʋŋmi'id
[dɛmisim gbɛlima | dɛmisimi din yi zin'isiana]Gertrude Teni Atongi anɛ paam laafi tɔn'ɔg ka an onɛ zamis laafi yɛla paam kasɛta gbaʋŋ ka mɔr nyɔ'ɔg nɛ pu'apʋʋs laafi nɛ bilies gɔsʋg yɛla. O pɛsigi mɛŋ gɔsid bima' nam nɛ kpeebis la sʋŋi dʋ'ʋs laafi lʋgir la. O anɛ kpeem yinne tis Brookdale Sibiti la n bɛ Brooklyn, New York la. O pɛsigir laafi lʋgʋr tʋʋma la kɛ ya ka o paam piini bɛdegʋ.
O mɔr degree kasɛta gbana ayi, ayinne laafi yɛla (Nursing) linɛ ka o da naae yʋʋm tusa ayi nɛ piina anii (2018) la ni Kpeebis nɛ biis gɔsʋg zamisug sakurin ka ba buon ye 'School of Infant and Child Care Training Institution na'asaalin la, nɛ ayinne Social Work ni linɛ ka o da paam yi Adelphi University n bɛ Long Island yʋʋm tusa nɛ piina ayi nɛ GPA linɛ an 4.5.
Ya'asɛ, Gertrude da paam Bachelor of Science degree kasɛta gbaʋŋ n yi ST. Joseph College n bɛ New York yʋʋm tusa ayi nɛ anii (2008) la ni.
Ya'asɛ, yʋʋm tusa ayi nɛ atan' la ni, Gertrude da paam kasɛta gbaʋŋ linɛ an Associate degree medical Assistant n bɛ ASA Institute New York sʋ'ʋlim. O da gʋlis National Healthcare Association karimgaad taaba la ka paam kasɛta gbaʋŋ linɛ an kasɛta gbaʋŋ EKG Technician, certified Medical Administration Assistant, nɛ certified Phlebotomy technician.[1] O mɛ lɛm mɔr sa'alʋg kasɛta gbaʋŋ nɛ CPR la.
Sʋŋir Tʋʋma
[dɛmisim gbɛlima | dɛmisimi din yi zin'isiana]Gertrude pʋ an onɛ pɛsigi o mɛŋ gɔt laafi yɛla ma'a nɛ amaa o mɛ mɔri nɔŋilim tisid banɛ kukɔya pʋ n laligid la.[2] O anɛ onɛ n ɛɛnb Atongi Family and Friends Basic Needs Foundation la ka aan li kpeem. Gerttude nɛ o saam kanɛ dig teŋin la da pin'ilnɛ la'asʋg la nɛ yʋʋm tusa ayi nɛ atan' 2003 la ni. La'asʋg la bɔɔdim anɛ ye li ʋk bɛlim nam ka kpɛmis nidib ken gbaʋŋzamisʋg yɛla.
La'asʋg la sʋŋ Pusiga sʋ'ʋlim Ghana la. Ba tis sibiti nam sʋ'ʋlim la ni la'ad wʋʋ gadis, gad-fuud, digisa, biis diema la'ad, tima la'ad nam nɛ fuud nam pamm. La'asʋg la mɛ di'e mɔɔm sakur maali li ka gɔti li. Ba tisi sakur la sakur la'ad ka tisi ba ta'ada nam nɛ sakur fuud yʋʋm wusa.
Ya'asɛ, La'asʋg la nɔk nidib kɔbiga nɛ pisnu (150) nɛ nya'aŋ zaŋi keŋ awaae daagi gu'u waad ka gɔsi vɛɛnsi ba laafi yɛla. Nananna, tɔlisʋg (SHS) sakur bibis ban pisnu (50) n paam sʋŋiri yi la'asʋg la sʋŋir kanɛ ka ba buon ye Scholarship scheme la.
Tʋʋma Lʋga Sieba
[dɛmisim gbɛlima | dɛmisimi din yi zin'isiana]Gertrude Teni Atongi tʋm tʋʋma bɛdegʋ. Ba sieba nwa ;
O anɛ Case Manager, ka an Community Worker, ka an Program Coordinator. O kpema New York la. O mɛ anɛ Immigrant passenger Service Representative tis JKF airport la.
Piini Nam
[dɛmisim gbɛlima | dɛmisimi din yi zin'isiana]Gertrude Teni Atongi pɛsigir la kɛ ya ka o di'e piini nam bɛdegʋ. Piini nam la sieba anɛ Jewish Childcare Association Award nɛ Marquis Who's Who in America,[3] [4]zaŋi keŋi o tʋʋm bɛda nɛ sʋŋir nam tens bɛdegʋ ni la nɛ o laafi lʋgʋr baŋisim tʋʋma America sʋ'ʋlim la yʋʋm tusa ayi nɛ pisi na ayi (2022) nɛ yʋʋm tusa ayi nɛ pisi na atan' (2023) la ni.
Vʋm Bɛlim
[dɛmisim gbɛlima | dɛmisimi din yi zin'isiana]Gertrude Teni Atongi anɛ Ghana nid ka lɛɛ bɛ Na'asar-teŋ America sʋ'ʋlim kanɛ an Brooklyn, New York. O anɛ ma' tis o bi nɔŋir, Kylie. Ka o nɔŋi tʋm si'el anɛ onɛ ken suoya ka nɔŋ diema.
O sʋŋir nam la sʋŋi ti'as vʋm bɛdegʋ o teŋin Ghana na America wusa.
Gbamvɛɛnsa
[dɛmisim gbɛlima | dɛmisimi din yi zin'isiana]- ↑ https://m.facebook.com/story.php?story_fbid=pfbid0i97S95jQ284jzESKgKEV2xKGaFn3p3bkwBo31FTSCBLetzrShxivgHHivo9yc4ibl&id=1055554449&sfnsn=mo&mibextid=RUbZ1f
- ↑ https://www.modernghana.com/amp/news/1242123/pusiga-aged-widows-persons-with-disabilities.html
- ↑ https://m.facebook.com/story.php?story_fbid=pfbid02D4P9tD57n7ySpiXZKD6YFbZuNMuK8uCPqUfF45tg3srCdt3hCoet1Rw7i1spWzDAl&id=1055554449&sfnsn=mo&mibextid=RUbZ1f
- ↑ https://marquistophealthcareproviders.com/2022/10/03/gertrude-atongi/