Kofi Adams

Kofi Adams

ninsaal

Sex or gender	Dau
Country of citizenship	Ghana
Yu'ur Kane ka ba tis o	Kofi
Zak yu'ur	Adams
Du'am yuum	2 Sigsaa/Nwadisayuobʋ 1975
Duam zin'ig	Teteman
Languages spoken, written or signed	English
Position held	Member of the 8th Parliament of the 4th Republic of Ghana
Educated at	Adisadel College
Academic degree	Bachelor of Science
Member of political party	National Democratic Congress (NDC)
Religion or worldview	Christianity

Kofi Iddie Adams (dʋꞌanɛ 2 May 1975) anɛ Gaana pɔlitiks nwɛꞌɛd ka an Maꞌasim tiig Naꞌadɔɔg la, National Democratic Congress nid. O anɛ Wadmaani tis Buem Constituency bɛ Oti region la sʋꞌʋlim dim. O anɛ National Organizer kʋdʋg tis Maꞌasim tiig Naꞌadɔɔg, National Democratic Congress.

On sinꞌiŋ siꞌem nɛ o sakur yɛla

Ba da dʋꞌa Kofi Iddie Adams nɛ yʋʋm tusir, kɔbiswai nɛ pisyɔpɔi nɛ anu Nwadisa anu la daba ayi daar (2 May 1975). O yinɛ Teteman, tenkanɛ bɛ Jasikan District bɛ Oti Region, Ghana. O mɔr Bachelor of Science degree in Zoology with emphasis on Epidemiology of Parasitic Diseases.

Tʋʋma

Adams da anɛ paꞌani bɛ Adisadel College. Din nyaꞌaŋ o da lɛn an Spokesperson And Director Of Public Affairs tis Flt Lt. Jerry John Rawlings (Rtd), Pirɛsidɛn kʋdʋgʋ tis Ghana.

Pɔlitiks tʋʋma

Adams da anɛ gbansɔbid nyaꞌadɔli tis Maꞌasim tiig Naꞌadɔɔg, National Democratic Congress. Yʋʋm tusa ayi nɛ piinɛ anaasi Nwadis piinɛ ayi la nii (December 2014), ba da vɔɔt o ye o lieb National Organizer tis Maꞌasim tiig Naꞌadɔɔg, National Executive elections. Waꞌae yʋʋm tusa ayi nɛ piinɛ ayuobʋ (2016) vɔɔtʋg la, ba da gaŋ o ye o an tuon gat tis nidib piinɛ anu (15) banɛ ka ba da gaansi ba ye ba gɔs pɔlitiks la yɛla, nɛ ninsieba nwɛnɛ Joyce Bawah Mogtari, Felix Kwakye Ofosu, Daniel Ohene Agyekum, Dan Abodakpi, Samuel Ofosu-Ampofo wʋsa da paas laꞌasʋg la ni ka Johnson Asiedu Nketia an ba kʋkdaan.

On da bɔɔd ye lieb Wadmaan la

Adams da di Maꞌasim tiig Naꞌadɔɔg, National Democratic Congress vɔɔtʋg la Buem Constituency ni gur yʋʋm tusa ayi nɛ pisi (2020). Adams da paam vɔɔt kɔbistan nɛ pisnii nɛ anii (388) ka yis onɛ pʋn zinꞌi kʋk la zug la, Daniel Kosi Ashaimah onɛ da paam vɔɔt kɔbisyiꞌ nɛ pisnii (280). Banɛ kpɛlim la Ibrahim Adams Muniru nɛ Daniel Adeapena da paam piswai (95) nɛ awai (9).

Yʋʋm tusa ayi nɛ pisi Nwadis piinɛ ayi (December 2020), Adams da di Buem Constituency kʋk la. O da nyɛ vɔɔt tusa piinɛ anii, kɔbisnu nɛ pisi nɛ anii (18,528) dinɛ an pisyɔpɔi nɛ yinne duꞌal pisnii nɛ anaasi kɔbiga pʋʋgin (71.84%) ka onɛ tiꞌal o la, Lawrence Kwami Aziale ka an Wabʋg Naꞌadɔɔg, New Patriotic Party nid la paam vɔɔt tusa ayuobʋ, kɔbisnii nɛ pisnaasi nɛ atan (6,843) dinɛ an pisi nɛ ayuobʋ duꞌali anu kɔbiga pʋʋgin (26.5%).

Wadmaan tʋʋma

Adams da paam suori kpɛnꞌ Wadmaan yin la tis Buem Constituency bɛ Wadmaanib yikanɛ paasi anii la ni Gaana Republic kanɛ paasi anaasi la ni yʋʋm tusa ayi nɛ pisi nɛ yinne yʋʋmpaal Nwadig la daba ayɔpɔi daar (7 January 2021). O paas laꞌasbanɛ gɔsid Public Accounts Committee nɛ Defence and Interior Committee bɛ Wadmaanib yin la.

Mɛŋ bɛlim

Adams anɛ Kristo biig.