Ku'om basib Sʋm

ku’om kpa’ar kɛt ka kusaas nɛ ba bada tisid taaba sida: Ku’om kpa’ar kɛt ka nidib nɛ teŋgbana bɛɛ bada tisid taaba sida nɛ yadda niŋir. Yɛlsi’a ya’a da pak kusaa, ba na kpa’ae ku’om zi’el nɔɔri n sɔs yaanam bɛɛ teŋgbana ye ba sυŋi ba, ka bada la na wυm ba sɔsυg ka maal yɛl la tisi ba, ka nidib la mɛn dɔli ba nɔzi’elυg la suori n yɔ sam la ka li pa’an taaba sida tisib bɔzugɔ bada la maal yɛl la ka ba mɛ yɔ sam la.

Li mɔr nima’asim kɛn kusaug na: Wiim bɛɛ ban’as ya’a da lina, kusaas na kpa’ae ku’om kaanbi tis Wina’am nɛ ba’anam la ka ba sυŋ ka nima’am ken yin na bɛɛ teŋ la zug na.

Li sυŋidi gυ’υd yɛlbɛ’ɛd linɛ ken yin bɛɛ teŋ la zug na: Kusaa ya’a ti wυm ka wiim bɛɛ yɛlbɛ’ɛug si’a li teŋ si’a, ba na kpa’ae ku’om yɛl ba’anam la ye ba kɛ ka ba wυm nɛ tυba ka da nyɛ nɛ ninii.

Li kɛt ka ti nyaŋidi pian’ad nɛ kpi’imnam: Ku’om kpa’ar saŋa anɛ saŋkanɛ ka kusaas nɛ kpi’imnam sɔnsid nɛ taaba.